အိၣ်မူဒ် ခရံာ်ဖိအသိး
“သးမံဒီးတၢ်လၢ အအိၣ်ဒီးသုခဲအံၤ”
ပကျိၣ်စ့ မ့ၢ်တအိၣ်အါအါဘၣ်န့ၣ် ဘၣ်သ့ၣ်သ့ၣ် ပကဘၣ်တၢ်လ့ပစီလၢ ပကမၤတၢ်လၢ အကမၤဘၣ်ဒိ ပတၢ်ရ့လိာ်သးဒီး ယဟိဝၤယွၤ. အဒိ, ပကန့ၢ်ဘၣ် တၢ်ခွဲးတၢ်ယာ်လၢ ပကမၤဘၣ်တၢ်လၢ အန့ၢ်ဘၣ် ကျိၣ်စ့အါအါ ဘၣ်ဆၣ်ပမၤနီၢ်သးအတၢ်ဖံးတၢ်မၤ တချုးအါအါဘၣ်. အဃိ ပမ့ၢ်ဆိကမိၣ်ထံ ဧ့ၤဘြံၤ ၁၃:၅ န့ၣ်ကမၤစၢၤပှၤ.
“မ်သုတၢ်အိၣ်မူန့ၣ် ပူၤဖျဲးဒီး တၢ်အဲၣ်ကျိၣ်အဲၣ်စ့တက့ၢ်”
ဃ့ဘါထုကဖၣ် ဒီးဆိကမိၣ်ထံက့ၤ နတၢ်ပာ်သူၣ်ပာ်သးလၢ ကျိၣ်စ့အဖီခိၣ်န့ၣ် အိၣ်ဒ်လဲၣ်. ဒီးဆိကမိၣ်ထံ ဘၣ်ဃးဒီး နပာ်လီၤဒိဂ့ၤတဲာ်ဘၣ်လၢ နဖိတဖၣ်အဂီၢ် စ့ၢ်ကီးဧါ.—g ၉/၁၅ ၆.
“သးမံဒီးတၢ်လၢ အအိၣ်ဒီးသုခဲအံၤ”
ဆိကမိၣ်ထံ တၢ်လၢနလိၣ်ဘၣ်အီၤ အနီၢ်ကီၢ်. ဒီးအလီၢ်မ့ၢ်အိၣ်လၢ နကဘၣ်ဆီတလဲ နတၢ်ထံၣ်န့ၣ် ဆီတလဲအီၤ.—တၢး၁၆.၀၇ ၉ ¶၁-၂.
“ယတလဲၤသဒၣ်နၤ နီတဘျီဘၣ် ဒီးယတပာ်တ့ၢ်နၤ နီတဘျီဘၣ်”
လၢနတၢ်အိၣ်မူအပူၤ နမ့ၢ်ဆဲးပာ်ဆိ ယွၤအဘီအမုၢ် လၢနီၣ်ဂံၢ်တၢန့ၣ် နနာ်သ့သပှၢ်ကတၢၢ် လၢယဟိဝၤယွၤ ကမၤစၢၤနၤ.—တၢး၁၄ ၄/၁၅ ၂၁ ¶၁၇.
ကွၢ်တၢ်ဂီၤမူ လၢအမ့ၢ် တၢ်ကီတၢ်ခဲလၢ ပဒီပုၢ်ဝဲၢ်ထံၣ်ဘၣ် လၢအတမၤလီၤမၢ် အဝဲသ့ၣ်အတၢ်သူၣ်မံသးမုာ်ဘၣ်န့ၣ် မ့ၢ်ဝဲ ကျိၣ်စ့တၢ်ကီတၢ်ခဲ ဒီးစံးဆၢ တၢ်သံကွၢ်လၢ တၢ်ဖီလာ်အံၤ–
ပန့ၢ်ဘၣ်တၢ်မၤလိလၢ မကဲ နိဘိၤဧၤ အတၢ်လဲၤခီဖျိဒ်လဲၣ်.