ကစၢ်ယွၤ သးအိၣ်နၤ
လံာ်စီဆှံန့ၣ် ဟဲလၢ ကစၢ်ယွၤအိၣ်အဃိ အအိၣ်ဒီးတၢ်ဟ့ၣ်ကူၣ်လၢအဂ့ၤကတၢၢ်. လံာ်စီဆှံတမ့ၢ် တၢ်အိၣ်ဆူၣ်အိၣ်ချ့ အလံာ်ဘၣ်သနာ်က့ အအိၣ်ဒီးတၢ်ဟ့ၣ်ကူၣ်လၢ ကမၤစၢၤပှၤဖဲ ပထံၣ်ဘၣ်တၢ်ကီတၢ်ခဲ, ပသူၣ်ကိၢ်သးဂီၤတၢ်, ပသူၣ်ဘၣ်ဒိသးဘၣ်ဒိ ဒီးဖဲပထံၣ်ဘၣ် တၢ်ကီတၢ်ခဲလၢ နီၢ်ခိမ့ၢ်ဂ့ၤ လၢသးတကပၤမ့ၢ်ဂ့ၤ အဆၢကတီၢ်.
တကးဒံးဘၣ် လံာ်စီဆှံပာ်ဖျါထီၣ်န့ၢ်ပှၤလၢ ပတၢ်ဘၣ်တ့ကစၢ် ယဟိဝၤယွၤန့ၣ်a မ့ၢ်ပှၤလၢအနၢ်ပၢၢ် ပတၢ်တူၢ်ဘၣ်ဒိၣ်ကတၢၢ်. ဖဲပထံၣ်ဘၣ်တၢ်ကီတၢ်ခဲ တမံၤဂ့ၤတမံၤဂ့ၤအခါ ယဟိဝၤယွၤ အိၣ်ကတဲာ်ကတီၤသးလၢ ကမၤစၢၤပှၤ. ပသ့ၣ်ညါဘၣ် ခီဖျိလၢ လံာ်စီဆှံခံဆၢအံၤအဃိ.
“ယဟိဝၤယွၤ အိၣ်ဘူးဒီး ပှၤလၢအသးသ့ၣ်ဖး ဒီးအဝဲမၤပူၤဖျဲးပှၤလၢ အသးလီၤသဘှံး.”—စံးထီၣ်ပတြၢၤ ၃၄:၁၈.
“ယၤ, သုကစၢ် ယဟိဝၤယွၤအံၤ ကဖီၣ်ဃာ် သုစုထွဲလီၤ. ဒီးယမ့ၢ်ပှၤတဂၤလၢ အတဲသုလၢ ‘တဘၣ်ပျံၤတၢ်တဂ့ၤ. ယကမၤစၢၤသု.’”—ယၡါယၤ ၄၁:၁၃.
ဖဲပအိၣ်ဒီး တၢ်သးလီၤစၢ်တၢ်ဆါအခါ ယဟိဝၤယွၤ မၤစၢၤပှၤကသ့ဒ်လဲၣ်. လၢတၢ်ဂ့ၢ်လၢလာ်တဖၣ်အံၤ ပကထံၣ်ဘၣ်လၢ ယဟိဝၤယွၤသးအိၣ်ပှၤနီၢ်ကီၢ်န့ၣ် အပာ်ဖျါထီၣ်ဝဲလၢ ကျဲအါဘိ.
a ယဟိဝၤ မ့ၢ်ဝဲကစၢ်ယွၤအမံၤ.—စံးထီၣ်ပတြၢၤ ၈၃:၁၈.