နဒိးန့ၢ်ဘၣ်အဘျုးလၢ လံာ်စီဆှံအဆၢလၢ အဘၣ်ထွဲလိာ်သးဧါ

လၢ ဟီၣ်ခိၣ်သီ တၢ်ကွဲးကျိာ်ထံလံာ်စီဆှံ အပူၤန့ၣ် အိၣ်ဒီး တၢ်ဂ့ၢ်လၢ အဘၣ်ထွဲလိာ်သး အဂၤတဖၣ် ဒီးပာ်ဖျါထီၣ်ဝဲလၢ လံာ်စီဆှံ ဒီတဘ့ၣ်န့ၣ် အဘျးစဲလိာ်သး. ဒ်သိး နကသ့ၣ်ညါ လံာ်စီဆှံအဆၢလၢ အဘၣ်ထွဲလိာ်သးအဂီၢ် ကွၢ်ဆိ လံာ်မိၢ်ပှၢ်အဖျၢၣ် ဆံးဆံးဖိ. နမ့ၢ်ဖးလံာ်စီဆှံလၢ ပှၤစဲကျံးထုးထီၣ်ဝဲန့ၣ် ဒ်သိး နကဃုကွၢ် လံာ်စီဆှံအဆၢလၢ အဘၣ်ထွဲလိာ်သးအဂီၢ် ကွၢ်လံာ်မိၢ်ပှၢ်အဖျၢၣ် လၢအအိၣ်လၢ လံာ်တကဘျံးဘၣ် တကဘျံး အခၢၣ်သး. နမ့ၢ်ဖးလံာ်စီဆှံလၢ jw.org မ့တမ့ၢ် ဖးလၢ JW Library® app အပူၤန့ၣ် ဆီၣ်လီၤ လံာ်မိၢ်ပှၢ်အဖျၢၣ် ဆံးဆံးဖိလၢ အဖျါထီၣ်လၢ လံာ်စီဆှံအဆၢတဖၣ်အကျါ.

လံာ်စီဆှံအဆၢလၢ အဘၣ်ထွဲလိာ်သးန့ၣ် အပာ်ဖျါထီၣ် တၢ်ဂ့ၢ်တၢ်ကျိၤတဖၣ်အံၤ–

တၢ်ဂ့ၢ်လၢ အလီၤဂာ်လိာ်သး– တၢ်ဂ့ၢ်ဘျးစဲအံၤ ပာ်ဖျါထီၣ်ဝဲ တၢ်ဂ့ၢ်လၢ အလီၤဂာ်လိာ်သး လၢလံာ်စီဆှံ အဂၤတကတြူၢ်အပူၤ. အဒိ ဖးကွၢ် ၂ ၡမူၤအ့လး ၂၄:၁ ဒီး ၁ ကွဲးနီၣ်တၢ် ၂၁:၁.

တၢ်ကွဲးအသး လၢအခီၣ်ထံး– တၢ်ဂ့ၢ်ဘျးစဲအံၤ ပာ်ဖျါထီၣ်ဝဲ တၢ်ကတိၤ မ့တမ့ၢ် တၢ်ကွဲးအသး လၢအခီၣ်ထံး. အဒိ ဖးကွၢ် မးသဲ ၄:၄ ဒီး ၅ မိၤၡ့ ၈:၃.

ဝံအတၢ်စံးပာ်လၢ အဟဲလၢပှဲၤထီၣ်– တၢ်ဂ့ၢ်ဘျးစဲအံၤ ပာ်ဖျါထီၣ်ဝဲ ဝံအတၢ်စံးပာ်လၢ အဟဲလၢပှဲၤထီၣ်တဖၣ်. အဒိ ဖးကွၢ် မးသဲ ၂၁:၅ ဒီး စကၤရယၤ ၉:၉.