ဟီၣ်ခိၣ်ဟူးဖးဒိၣ်လၢ ကီၢ်ထၢးကံၣ် ဒီးဆံရံယါအဃိ တၢ်ဟးဂူာ်ဟးဂီၤအါမး​—ဘၣ်ဃးဒီး တၢ်ဂ့ၢ်အံၤန့ၣ် လံာ်စီဆှံတဲဝဲဒ်လဲၣ်

ဖဲမုၢ်တနံၤ လါဖ့ၤဘြူၤအါရံၤ ၆ သီ, ၂၀၂၃ န့ၣ် ဟီၣ်ခိၣ်ဟူးဖးဒိၣ်လၢ ကီၢ်ထၢးကံၣ် ဒီးဆံရံယါအဃိ တၢ်ဟးဂူာ်ဟးဂီၤအါမး.

•  “ဖဲမုၢ်တနံၤန့ၣ် ဟီၣ်ခိၣ်ဟူးဖးဒိၣ်လၢ ကီၢ်ထၢးကံၣ် ဒီးဆံရံယါ ကလံၤစိး မုၢ်နုာ်တခီအဃိ ပှၤသံဝဲ ၃,၇၀၀. ဒီးဖဲန့ၣ်အခါန့ၣ် ဘၣ်လၢ တၢ်ဂိၢ်ဒိၣ်မးအဃိ ပှၤလၢအဘၣ်ဒိဘၣ်ထံးတဖၣ် ဒီးပှၤလၢအဟံၣ်အဃီ လီၤမၢ်ကွံာ်တဖၣ်န့ၣ် ကီဒိၣ်မးလၢအဝဲသ့ၣ်အဂီၢ်. တကးဒံးဘၣ် ကီဒိၣ်မးလၢ ပှၤကဃုက့ၤ ပှၤလၢအဘၣ်ဒိဘၣ်ထံးတဖၣ်အဂီၢ်.”​—ရဲဒၢၤ, လါဖ့ၤဘြူၤအါရံၤ ၆, ၂၀၂၃.

တၢ်ကဲထီၣ်သးဒ်အံၤအဃိ ပသးတမုာ်ဘၣ်. ဖဲတၢ်ကဲထီၣ်သး ဒ်အံၤအခါ ပဃ့တၢ်မၤစၢၤလၢ ယဟိဝၤယွၤ လၢအမ့ၢ် “တၢ်မၤမုာ်ခဲလၢာ် အကစၢ်” အအိၣ်သ့. (၂ ကရံၣ်သူး ၁:၃) အဝဲဟ့ၣ်ပှၤ “တၢ်မၤမုာ်ထီၣ်က့ၤလၢ . . . တၢ်ကွဲးအသးတဖၣ်အပူၤ” လီၤ.​—ရိမ့ၤ ၁၅:၄.

လၢလံာ်စီဆှံပူၤန့ၣ် ပကသ့ၣ်ညါဘၣ်

• တၢ်တဲဆိပာ်လၢ ဘၣ်ဃးဒီး ဟီၣ်ခိၣ်ဟူးအဂ့ၢ်.

• ပထံၣ်န့ၢ် တၢ်မၤမုာ်ထီၣ် ဒီးတၢ်မုၢ်လၢ်ကသ့ဖဲလဲၣ်.

• ကစၢ်ယွၤ ကမၤလီၤမၢ်ကွံာ် တၢ်ကီတၢ်ခဲခဲလၢာ် ဒ်လဲၣ်.

ဒ်သိး နကသ့ၣ်ညါ တၢ်ဂ့ၢ်တဖၣ်အံၤအဂီၢ် ဖးကွၢ်တၢ်ဂ့ၢ်လၢအမ့ၢ်–

• “ဟီၣ်ခိၣ်ဟူးဖးဒိၣ်​—ဘၣ်ဃးဒီး တၢ်ဂ့ၢ်အံၤန့ၣ် လံာ်စီဆှံတဲဝဲဒ်လဲၣ်”

• “ယဃုထံၣ်န့ၢ် တၢ်မုၢ်လၢ်ကသ့ဖဲလဲၣ်”

• “တယံာ်လၢၤဘၣ်န့ၣ် ကစၢ်ယွၤကမၤလီၤမၢ်ကွံာ် တၢ်ကီတၢ်ခဲခဲလၢာ်”