ဘၣ်ဃးဒီး တၢ်ဒုးတၢ်ယၤန့ၣ် ယွၤအဘီအမုၢ် ကမၤမနုၤလဲၣ်

ခီဖျိလၢ တၢ်ဒုးတၢ်ယၤအဃိ လၢဟီၣ်ခိၣ်ဒီဘ့ၣ်န့ၣ် တၢ်ဟးဂုာ်ဟးဂီၤ, တၢ်သူၣ်ဘၣ်ဒိသးဘၣ်ဒိ ဒီးတၢ်ကီတၢ်ခဲတဖၣ် အိၣ်ထီၣ်ဝဲအါမး. ပကကွၢ်သကိး တၢ်ပာ်ဖျါတနီၤ–

• ဖဲ လါယူၤ ၇, ၂၀၂၃ န့ၣ် Peace Research Institute Oslo ပာ်ဖျါထီၣ်ဝဲလၢ “လၢအပူၤကွံာ်တနံၣ်အတီၢ်ပူၤ လၢကီၢ်အံးသံးယိဖၠံယါ ဒီးကီၢ်ယူၣ်ခြ့န့ၣ် ခီဖျိလၢ တၢ်ဒုးတၢ်ယၤအဃိ ပှၤသံအါထီၣ်ဝဲ. လၢ ၂၈ နံၣ် အတီၢ်ပူၤ တနံၣ်ဘၣ်တနံၣ်န့ၣ် ပှၤသံလၢတၢ်ဒုးအဃိ အါထဲအံၤ တအိၣ်နီတဘျီဘၣ်.”

• ဖဲ လါဖ့ၤဘြူၤအါရံၤ ၈, ၂၀၂၃ န့ၣ် The Armed Conflict Location & Event Data Project (ACLED) ပာ်ဖျါထီၣ်ဝဲလၢ “လၢအပူၤကွံာ်တနံၣ်န့ၣ် ထံကီၢ်တၢ်သဘံၣ်သဘုၣ်တဖၣ် အါထီၣ်ဝဲ အါန့ၢ်ဒံးနံၣ်အဂၤတဖၣ် ၂၇ မျးကယၤညါ. ဒီးအမၤဘၣ်ဒိဝဲ ပှၤအကကွဲၢ် ၁၇၀၀ ညါ.”

လံာ်စီဆှံ ပာ်ဖျါထီၣ်ဝဲလၢ ပအိၣ်ဒီး တၢ်မုၢ်လၢ်. အတဲဝဲလၢ “ကစၢ်ယွၤ လၢမူခိၣ် ကသူၣ်ထီၣ် ဘီမုၢ်တဘ့ၣ်လၢ အတဟးဂီၤ နီတဘျီဘၣ်.” (ဒၤနံးယ့လး ၂:၄၄) လၢယွၤအဘီအမုၢ် တၢ်ပၢအဖီလာ်န့ၣ် ကစၢ်ယွၤက “မၤကတၢၢ်ကွံာ် တၢ်ဒုးတၢ်ယၤလၢ ဟီၣ်ခိၣ်ချၢလီၤ.”—စံးထီၣ်ပတြၢၤ ၄၆:၉.