ခရံာ်ဖိအတၢ်အိၣ်မူဒီး တၢ်စံၣ်တဲၤတဲလီၤတၢ်ကၠိ ကၠိဖိလံာ်တၢ်မၤလိ အတၢ်ဂ့ၢ်ဘျးစဲ
လါအ့ဖြ့ၣ် ၂–၈
တၢ်လုၢ်ဒိၣ်ပှ့ၤဒိၣ်တဖၣ်လၢ လံာ်စီဆှံအပူၤ | မးသဲ ၂၆
“ဘူၣ်လဲၤကပာ်ဒီး တၢ်သ့ၣ်နီၣ်ထီၣ်က့ၤအမူး လီၤဂာ်လိာ်အသးဒ်လဲၣ်, ဒီးလီၤဆီလိာ်အသးဒ်လဲၣ်”
(မးသဲ ၂၆:၁၇-၂၀) ဒီးဘူၣ်ကိၣ်မံၣ်တအိၣ်ဘၣ်, အခီၣ်ထံးတနံၤန့ၣ်, အပျဲၢ်အဘီၣ်ဟဲဆူ ယ့ၣ်ၡူးအအိၣ်ဒီး စံးဘၣ်အီၤ, ဒ်သိးနကအီၣ်ဘူၣ်လဲၤကပာ်ဒီး, ဘၣ်နသးလၢ ပကတဲာ်ကတီၤတၢ် ဖဲလဲၣ်ပူၤလဲၣ်. ၁၈ ဒီးစံးဝဲဒၣ်, လဲၤဆူဝ့ၢ်ပူၤ လၢမတၤတဂၤအအိၣ် ဒီးစံးဘၣ်အီၤ, သရၣ်စံးဝဲဒၣ်, ယမုၢ် ယလါဘူးထီၣ်လံ, ယကမၤဘူၣ်လဲၤကပာ်ဒီး ယပျဲၢ်ယဘီၣ်လၢ နအိၣ်လီၤ. ၁၉ ဒီးအပျဲၢ်အဘီၣ်မၤဝဲ ဒ်ယ့ၣ်ၡူးမၤလိာ်အီၤအသိး, ဒီးကတဲာ်ကတီၤဘူၣ်လဲၤကပာ်လီၤ. ၂၀ ဒီးတုၤမုၢ်ဟါလီၤဒီး, ဆ့ၣ်နီၤသန့ၤဃုာ်ဒီး အပျဲၢ်အဘီၣ်တဆံခံဂၤန့ၣ်လီၤ.
nwtsty မံဒံယါ
တၢ်အီၣ်တၢ်အီလၢ ဘူၣ်လဲၤကပာ်အဂီၢ်
တၢ်အီၣ်တၢ်အီအရ့ဒိၣ်ကတၢၢ်လၢ ဘူၣ်လဲၤကပာ်အဂီၢ်န့ၣ် မ့ၢ်ဝဲ (၁) သိဖိအကၣ် (အဃံန့ၣ် တဘၣ်ကၢ်နီတဘိဘၣ်), (၂) ကိၣ်လၢတပၣ်ဃုာ်ဒီးကိၣ်မံၣ် (၃) တၢ်ဒိးအခၣ်လီၤ. (၂ မိၤ. ၁၂:၅, ၈; ၄ မိၤ. ၉:၁၁) ပမ့ၢ်ကွၢ်လၢ ပှၤယူဒၤဖိ အတၢ်ဘူၣ်တၢ်ဘါခိၣ်နၢ် အတၢ်သိၣ်တၢ်သီန့ၣ် တၢ်ဒိးအခၣ်အံၤ ဘၣ်သ့ၣ်သ့ၣ်ကမ့ၢ် သဘၣ်သွံး, သဘၣ်အခၣ်တမံၤမံၤ, ဖီခၣ် မ့တမ့ၢ် ဖီဒဲဒလ့ယၢၣ်လီၤ. တၢ်ဒိးအခၣ်အံၤ ကဒုးသ့ၣ်နီၣ်ထီၣ်က့ၤဝဲ ပှၤအံၣ်စရ့လးဖိတဖၣ်လၢ အဝဲသ့ၣ်ဘၣ်ကဲတ့ၢ်ကုၢ်လၢ ကီၢ်အဲၤကူပတူးအပူၤ နးနးကလဲာ်န့ၣ်လီၤ. ယ့ၣ်ၡူးတဲဝဲလၢ ကိၣ်လၢတပၣ်ဃုာ်ဒီးကိၣ်မံၣ်န့ၣ် ဒိလီၤဝဲ အနီၢ်ခိလၢအလၢအပှဲၤန့ၣ်လီၤ. (မး. ၂၆:၂၆) တၢ်မၢဖိပီလူးစ့ၢ်ကီး ကိးဝဲယ့ၣ်ၡူးလၢ “ဘူၣ်လဲၤကပာ်အသိဖိ” လီၤ. (၁ ကရံၣ်. ၅:၇, ခ့ခါစှီၤကျိာ်) (၄) ဖဲတၢ်မၢဖိအစိၤန့ၣ် စပံးထံ ဘၣ်တၢ်သူအီၤလၢ ဘူၣ်လဲၤကပာ်အမူးပွဲအပူၤစ့ၢ်ကီးလီၤ. ယ့ၣ်ၡူးတဲဝဲလၢ စပံးထံန့ၣ် ဒိလီၤဝဲအနီၢ်ကစၢ်အသွံၣ်လၢ ကဘၣ်ဟ့ၣ်လုၢ်ထီၣ်ဝဲန့ၣ်လီၤ.—မး. ၂၆:၂၇, ၂၈.
(မးသဲ ၂၆:၂၆) ဒီးအီၣ်တၢ်အဖၢမုၢ်န့ၣ် ယ့ၣ်ၡူးဟံးန့ၢ်ကိၣ် ဒီးဆိၣ်ဂ့ၤဝဲ, ဒီးစိၢ်ဘျဲးဝဲ, ဒီးဟ့ၣ်လီၤလၢအပျဲၢ်အဘီၣ်, ဒီးစံးဝဲဒၣ်, ဟံးန့ၢ်အီၣ်တက့ၢ်. အအံၤမ့ၢ်ယနီၢ်ခိလီၤ.
nwtsty တၢ်မၤနီၣ်လၢ မး. ၂၆:၂၆
မ့ၢ်– ကြံးအတၢ်ကတိၤလၢအမ့ၢ် အံစတ့ (e·stinʹ) န့ၣ်ပနၢ်ပၢၢ်အီၤသ့လၢ “အဲၣ်ဒိးစံးဝဲ, ဒိလီၤဝဲ, အခီပညီ, ခၢၣ်စးဝဲ” လီၤ. ဖဲယ့ၣ်ၡူးဒီးအတၢ်မၢဖိတဖၣ် အီၣ်တၢ်လၢဟါအီၣ်အဆၢကတီၢ် ယ့ၣ်ၡူးအနီၢ်ခိလၢအလၢအပှဲၤ ဒီးကိၣ်လၢတပၣ်ဃုာ်ဒီးကိၣ်မံၣ်န့ၣ် အိၣ်လၢအတၢ်မၢဖိတဖၣ်အမဲာ်ညါလီၤ. ဒီးဖဲန့ၣ်အဆၢကတီၢ် ကိၣ်န့ၣ်တမ့ၢ်ဝဲ ယ့ၣ်ၡူးအဖံးအညၣ်အနီၢ်ကီၢ်ဘၣ်. ကြံးအတၢ်ကတိၤတဖျၢၣ်ဃီဒီး တၢ်ကတိၤလၢအမ့ၢ် အံစတ့ န့ၣ်ပထံၣ်ဘၣ်အီၤဖဲ မးသဲ ၁၂:၇ (ခ့ခါစှီၤကျိာ်), စ့ၢ်ကီး ဒီးပှၤကွဲးကျိာ်ထံလံာ်စီဆှံ အါတက့ၢ်န့ၣ်ကွဲးကျိာ်ဝဲ တၢ်ကတိၤအံၤလၢ “အခီပညီ” လီၤ.
(မးသဲ ၂၆:၂၇, ၂၈) ဒီးဟံးန့ၢ်လီခီ, ဒီးစံးထီၣ်ပတြၢၤတၢ်အဘျုးအဖှိၣ်, ဒီးဟ့ၣ်ဝဲလၢအီၤ ဒီးစံးဝဲဒၣ်, အီသုဝဲခဲလၢာ်လၢအီၤတက့ၢ်. ၂၈ အဂ့ၢ်ဒ်အံၤ, အအံၤမ့ၢ်ယသွံၣ်ဘၣ်ဃးဒီး တၢ်အၢၣ်လီၤအီလီၤအသီ, လၢအဘၣ်လူလီၤ အသးလၢပှၤအါဂၤအဂီၢ်လၢ တၢ်ပျၢ်တၢ်ဒဲးဘးအဂ့ၢ်လီၤ.
nwtsty တၢ်မၤနီၣ်လၢ မး. ၂၆:၂၈
သွံၣ်ဘၣ်ဃးဒီး တၢ်အၢၣ်လီၤအီလီၤအသီ– တၢ်အၢၣ်လီၤအီလီၤအသီလၢ ယဟိဝၤယွၤမၤဝဲဒီး ခရံာ်ဖိလၢအဘၣ် တၢ်ဒိးဖှူအီၤတဖၣ်န့ၣ် ဘၣ်တၢ်ပာ်ဂၢၢ်ပာ်ကျၢၤအီၤ ခီဖျိလၢ ယ့ၣ်ၡူးအတၢ်ဟ့ၣ်လုၢ်ထီၣ် အသးအဃိလီၤ. (ဧ့ၤ. ၈:၁၀) လၢကစၢၢ်စံၤနါန့ၣ် စီၤမိၤၡ့ကဲဝဲ ပှၤအခၢၣ်စးဒီး တဲဘၣ်ဝဲ ပှၤအံၣ်စရ့လးဖိ တဖၣ်လၢ တၢ်အၢၣ်လီၤအီလီၤလၢ ဘၣ်ဃးဒီးတၢ်သိၣ်တၢ်သီလီၤ. ယ့ၣ်ၡူးသူဝဲ တၢ်ကတိၤဒ်သိးသိးဒီး စီၤမိၤၡ့သူဝဲ ဖဲကစၢၢ်စံၤနါန့ၣ်လီၤ. (၂ မိၤ. ၂၄:၈; ဧ့ၤ. ၉:၁၉-၂၁) ဒ်တၢ်အၢၣ်လီၤအီလီၤလၢ ကစၢ်ယွၤမၤဝဲဒီး ပှၤအံၣ်စရ့လးဖိ တဖၣ်န့ၣ် ဘၣ်တၢ်ပာ်ဂၢၢ်ပာ်ကျၢၤအီၤ ခီဖျိလၢ ဂီၤဖံးဒီးမဲာ်တဲးလဲး အသွံၣ်အသိး တၢ်အၢၣ်လီၤအီလီၤအသီလၢ ကစၢ်ယွၤမၤဝဲဒီး နီၢ်သးအံၣ်စရ့လးဖိတဖၣ်န့ၣ် ဘၣ်တၢ်ပာ်ဂၢၢ်ပာ်ကျၢၤအီၤ ခီဖျိလၢ ယ့ၣ်ၡူးအသွံၣ်လီၤ. ဒီးတၢ်အၢၣ်လီၤအီလီၤအသီန့ၣ် ဘၣ်တၢ်ပာ်ဂၢၢ်ပာ်ကျၢၤအီၤဖဲ ခ.န ၃၃ ဘူၣ်ယဲၢ်ဆံအနံၤန့ၣ်လီၤ.—ဧ့ၤ. ၉:၁၄, ၁၅.
ခူၣ်ထီၣ်နီၢ်သးအတၢ်လုၢ်ဒိၣ်ပှ့ၤဒိၣ်တဖၣ်
(မးသဲ ၂၆:၁၇) ဒီးဘူၣ်ကိၣ်မံၣ်တအိၣ်ဘၣ်, အခီၣ်ထံးတနံၤန့ၣ်, အပျဲၢ်အဘီၣ်ဟဲဆူယ့ၣ်ၡူးအအိၣ် ဒီးစံးဘၣ်အီၤ, ဒ်သိးနကအီၣ်ဘူၣ်လဲၤကပာ်ဒီး, ဘၣ်နသးလၢပကတဲာ်ကတီၤတၢ် ဖဲလဲၣ်ပူၤလဲၣ်.
nwtsty တၢ်မၤနီၣ်လၢ မး. ၂၆:၁၇
ဘူၣ်ကိၣ်မံၣ် တအိၣ်ဘၣ်, အခီၣ်ထံးတနံၤ– ဘူၣ်ကိၣ်တအိၣ်ဘၣ်ဒီး ကိၣ်မံၣ်န့ၣ်စးထီၣ်အသးဖဲ လါနံစၣ် ၁၅ သီ, ဖဲဘူၣ်လဲၤကပာ်ဝံၤအလီၢ်ခံ (လါနံစၣ် ၁၄) ဒီးယံာ်ဝဲ နွံသီလီၤ. (ကွၢ်လၢ App. B15.) ဖဲယ့ၣ်ၡူးအစိၤန့ၣ် ပှၤမၤဘူၣ်လဲၤကပာ်ဝံၤ ပှၤဆဲးမၤ ဘူၣ်ကိၣ်တအိၣ်ဘၣ်ဒီးကိၣ်မံၣ်အဃိ ပှၤမ့ၢ်ပာ်ဖှိၣ်ဃုာ်အီၤဒီး လါနံစၣ် ၁၄ သီန့ၣ် အိၣ်ဝဲဃိးသီ ဒီးတဘျီတခီၣ် တၢ်ဃိးသီအံၤန့ၣ် ဘၣ်တၢ်ကိးအီၤလၢ “ဘူၣ်ကိၣ်တအိၣ် ဒီးကိၣ်မံၣ်” လီၤ. (လူၤ. ၂၂:၁, ခ့ခါစှီၤကျိာ်) ဖဲအံၤတၢ်ကတိၤလၢအမ့ၢ် “အခီၣ်ထံးတနံၤ” န့ၣ်ဘၣ်သ့ၣ်သ့ၣ် ကအဲၣ်ဒိးစံးဝဲ “တချုးလၢအခီၣ်ထံးတနံၤ” လီၤ. (ကြံးအလံာ်မဲာ်ဖျၢၣ်လၢအလီၤဂာ်ဒ်အံၤန့ၣ် ပထံၣ်ဘၣ်အီၤဖဲ ယိၤဟၣ် ၁:၁၅, ၃၀, ဖဲလံာ်စီဆှံအဆၢအံၤအပူၤ ကြံးအတၢ်ကတိၤလၢအမ့ၢ် “အခီၣ်ထံး” [proʹtos] န့ၣ်အဲၣ်ဒိးစံးဝဲ “တချုး” ဒီးအခီပညီမ့ၢ် “အိၣ်ဆိန့ၢ်ယၤလီၤ.”) ပမ့ၢ်ကွၢ် ကြံးအတၢ်ကတိၤလၢပျၢၤအံၤ ဒီးဒ်ပှၤယူဒၤဖိတဖၣ် အလုၢ်အလၢ်အိၣ်ဝဲအသိးန့ၣ် ပသ့ၣ်ညါဘၣ်လၢ ယ့ၣ်ၡူးအပျဲၢ်အဘီၣ်တဖၣ် ကသံကွၢ်ဝဲယ့ၣ်ၡူးတၢ်သံကွၢ်အံၤ ဖဲလါနံစၣ် ၁၃ သီလီၤ. ဖဲလါနံစၣ် ၁၃ သီမုၢ်ဆါခီအဆၢကတီၢ်န့ၣ် ယ့ၣ်ၡူးအပျဲၢ်အဘီၣ်တဖၣ် ကတဲာ်ကတီၤတၢ်လၢ ဘူၣ်လဲၤကပာ်အဂီၢ်ဒီး တုၤလၢလါနံစၣ် ၁၄ သီအခီၣ်ထံးဖဲ “မုၢ်ဟါလီၤ” န့ၣ်အဝဲသ့ၣ် မၤဝဲဘူၣ်အံၤလီၤ.—မၢ်. ၁၄:၁၆, ၁၇.
(မးသဲ ၂၆:၃၉) ဒီးလဲၤဝဲ လၢညါတစဲးဖိ, ဒီးတီၤလီၤ အစုကျးလီၤအမဲာ်, ဒီးဘါထုကဖၣ်တၢ်ဒီးစံးဝဲဒၣ်, ယပၢ်ဧၢ, တၢ်လၢလီခီအံၤ, လဲၤပူၤကွံာ်ယၤမ့ၢ်သ့ဒီး, မ်အလဲၤပူၤကွံာ်ယၤတက့ၢ်. ဘၣ်ဆၣ်ဒီး ဖဲဒၣ်ယသးတမ့ၢ်ဘၣ်, မ့ၢ်ဖဲဒၣ်နသးလီၤ.
nwtsty တၢ်မၤနီၣ်လၢ မး. ၂၆:၃၉
လီခီအံၤ . . . မ်အလဲၤပူၤကွံာ်ယၤ– လၢလံာ်စီဆှံအပူၤ “လီခီ” န့ၣ်ဘၣ်တၢ်ဒိလီၤအီၤလၢ ကစၢ်ယွၤအတၢ်ဘၣ်သး မ့တမ့ၢ် “မူဒါ” န့ၣ်အိၣ်ဝဲအါဘျီလီၤ. (ကွၢ် တၢ်မၤနီၣ်လၢ မး. ၂၀:၂၂ တက့ၢ်.) ယ့ၣ်ၡူးဘၣ်သံဝဲဒ် ပှၤလၢအမၤကမၣ်တၢ်သိၣ်တၢ်သီတဂၤအဃိ အဝဲဘၣ်ယိၣ်ဝဲလၢ ကစၢ်ယွၤအမံၤကဘၣ် တၢ်ဒုၣ်ဒွဲၣ်စံးအၢအီၤလီၤ. လၢတၢ်န့ၣ်အဃိ အဝဲဃ့ထုကဖၣ်လၢ “လီခီ” အံၤမ်အလဲၤပူၤကွံာ်ယၤတက့ၢ်လီၤ.
တၢ်ဖးလံာ်စီဆှံ
(မးသဲ ၂၆:၁-၁၉) ဒီးတုၤယ့ၣ်ၡူးမၤဝံၤ တၢ်ကတိၤတဖၣ်န့ၣ် ခဲလၢာ်ဒီး, တၢ်မၤအသးလၢ အစံးဘၣ်အပျဲၢ်အဘီၣ်, ၂ သုသ့ၣ်ညါလၢ ခံနံၤအလီၢ်ခံဒီး, ဘူၣ်လဲၤကပာ်ကဘၣ်ဝဲလီၤ. ဒီးတၢ်ကဟ့ၣ်လီၤကွံာ် ပှၤကညီဖိခွါအံၤ, ဒ်သိးအကဘၣ် တၢ်ပျၤထီအီၤလၢ ထူၣ်စုညါအလိၤလီၤ. ၃ တုၤနုၤတဘျီ, ပှၤလုၢ်တၢ်အခိၣ်တဖၣ်, ဒီးပှၤဂီၢ်မုၢ် အပှၤသူၣ်က့သးပှၢ်အိၣ်ဖှိၣ်ရိဖှိၣ် လၢပှၤလုၢ်တၢ်အခိၣ်, ကိးဝဲအမံၤလၢစီၤကၤယါဖၤ, အဂၢၤပူၤအီၤ. ၄ ဒီးကူၣ်လိာ်အသး ဒ်သိးအကဟံးဃာ်ယ့ၣ်ၡူးလၢ တၢ်လီတၢ်ဝ့ၤ, ဒီးမၤသံအီၤလီၤ. ၅ ဘၣ်ဆၣ်ဒီးစံးဝဲဒၣ်, မၤလၢဘူၣ်ပူၤတဂ့ၤ ဒ်သိးပှၤဂီၢ်မုၢ် သုတတၢထီၣ်တၢလီၤတဂ့ၤလီၤ. ၆ ဒီးယ့ၣ်ၡူးအိၣ်ဝဲလၢ ပှၤဆါအၢစီၤၡံမိၣ်အဟံၣ်ပူၤလၢ ဘ့ၤသနံအဖၢမုၢ်ဒီး, ၇ ပိာ်မုၣ်, အိၣ်ဒီးပလီလၢၢ်ဝါတဖျၢၣ် အိၣ်ဒီးသိနၢမူလၢ အပှ့ၤဒိၣ်တဂၤ, ဟဲဆူအအိၣ်, ဒီးလူလီၤလၢအခိၣ်, ဖဲအဆ့ၣ်နီၤသန့ၤတၢ်အဖၢမုၢ်လီၤ. ၈ ဒီးတုၤအပျဲၢ်အဘီၣ်တဖၣ် ထံၣ်ဝဲဒီး, အသးထီၣ်, ဒီးစံးဝဲဒၣ်, ဘၣ်မနုၤလၢ တၢ်မၤလၢာ်ဂီၤတၢ်အံၤလဲၣ်. ၉ အဂ့ၢ်ဒ်အံၤ, ပှၤဆါကွံာ်တၢ်အံၤလၢ အပှ့ၤဖးဒိၣ်, ဒီးဟ့ၣ်လီၤလၢ ပှၤဖှီၣ်ဖိယာ်ဖိသ့လီၤ. ၁၀ ဒီးယ့ၣ်ၡူးသ့ၣ်ညါဝဲ, ဒီးစံးဘၣ်အီၤ, ဘၣ်မနုၤလၢ သုမၤတံာ်တာ် ပိာ်မုၣ်န့ၣ်လဲၣ်. အဂ့ၢ်ဒ်အံၤ, မၤယၤလၢတၢ်မၤအဂ့ၤလံ. ၁၁ အဂ့ၢ်ဒ်အံၤ, ပှၤဖှီၣ်ဖိယာ်ဖိအိၣ်ဒီးသု တဘိယူၢ်ဃီလီၤ. မ့မ့ၢ်တၢ်လၢယၤအံၤ ယတအိၣ်ဘၣ်ဒီးသု တဘိယူၢ်ဃီဘၣ်. ၁၂ အဂ့ၢ်ဒ်အံၤ လူလီၤသိနၢမူအံၤလၢ ယနီၢ်ခိအလိၤန့ၣ်, မ့ၢ်အမၤဝဲလၢ ယဘၣ်တၢ်ခူၣ်လီၤကွံာ်အဂီၢ်လီၤ. ၁၃ ယစံးဘၣ်တဲဘၣ်သုတီတီအံၤ, ဖဲဒၣ်တၢ်သးခုအကစီၣ်အံၤ ဘၣ်တၢ်စံၣ်တဲၤတဲလီၤအီၤလၢ ဟီၣ်ခိၣ်ချၢဒီဘ့ၣ်ညါန့ၣ်ဒီး, တၢ်လၢပိာ်မုၣ်မၤတၢ်အံၤ, ကဘၣ်တၢ်စံၣ်တဲၤဝဲလၢ တၢ်သ့ၣ်နီၣ်ထီၣ်က့ၤအီၤအဂီၢ်လီၤ. ၁၄ တုၤနုၤတစု အပျဲၢ်အဘီၣ်လၢ တဆံခံဂၤအကျါ, စီၤယူဒၤအံၣ်စကၤရံၤအိာ်တဂၤ, လဲၤဆူပှၤလုၢ်တၢ်အခိၣ်တဖၣ်အအိၣ်, ဒီးစံးဝဲဒၣ်, ၁၅ ယမ့ၢ်ဟ့ၣ်လီၤကွံာ်အီၤလၢ သုစုပူၤဒီး, သုကဟ့ၣ်ယၤလၢမနုၤလဲၣ်. ဒီးအဝဲသ့ၣ် ပာ်လီၤစ့အဘ့ၣ်သၢဆံလၢအဂီၢ်လီၤ. ၁၆ ဒီးလၢအကတီၢ်န့ၣ်လံၤလံၤ, ဃုဝဲအဆၢကတီၢ်ဘၣ် ဒ်သိးအကဟ့ၣ်လီၤကွံာ်အီၤလီၤ. ၁၇ ဒီးဘူၣ်ကိၣ်မံၣ်တအိၣ်ဘၣ်, အခီၣ်ထံးတနံၤန့ၣ်, အပျဲၢ်အဘီၣ် ဟဲဆူယ့ၣ်ၡူးအအိၣ် ဒီးစံးဘၣ်အီၤ, ဒ်သိးနကအီၣ်ဘူၣ်လဲၤကပာ်ဒီး, ဘၣ်နသးလၢ ပကတဲာ်ကတီၤတၢ်ဖဲလဲၣ်ပူၤလဲၣ်. ၁၈ ဒီးစံးဝဲဒၣ်, လဲၤဆူဝ့ၢ်ပူၤလၢမတၤတဂၤအအိၣ် ဒီးစံးဘၣ်အီၤ, သရၣ်စံးဝဲဒၣ်, ယမုၢ်ယလါဘူးထီၣ်လံ, ယကမၤဘူၣ်လဲၤကပာ်ဒီးယပျဲၢ်ယဘီၣ် လၢနအိၣ်လီၤ. ၁၉ ဒီးအပျဲၢ်အဘီၣ်မၤဝဲ ဒ်ယ့ၣ်ၡူးမၤလိာ်အီၤအသိး, ဒီးကတဲာ်ကတီၤဘူၣ်လဲၤကပာ်လီၤ.
လါအ့ဖြ့ၣ် ၉–၁၅
တၢ်လုၢ်ဒိၣ်ပှ့ၤဒိၣ်တဖၣ်လၢ လံာ်စီဆှံအပူၤ | မးသဲ ၂၇–၂၈
“လဲၤဒုးကဲထီၣ် ပှၤဂၤလၢ ခရံာ်အပျဲၢ်အဘီၣ်—ဘၣ်မနုၤအဃိလဲၣ်, တၢ်လီၢ်ဖဲလဲၣ် ဒီးပကဘၣ်မၤအီၤဒ်လဲၣ်”
(မးသဲ ၂၈:၁၈) ဒီးယ့ၣ်ၡူးဟဲဃီၤ, ဒီးကတိၤတၢ်ဒီးအီၤ, ဒီးစံးဝဲဒၣ်, တၢ်ဟ့ၣ်လီၤလံယၤလၢကယဲၢ် တၢ်စိတၢ်ကမီၤလၢမူခိၣ်, ဒီးလၢဟီၣ်ခိၣ်ချၢလီၤ.
‘လဲၤဒုးကဲထီၣ်ပှၤလၢ ယပျဲၢ်ယဘီၣ်တက့ၢ်’
၄ ယ့ၣ်ၡူးအိၣ်ဒီး တၢ်စိတၢ်ကမီၤလၢ အတၢ်အိၣ်ဖှိၣ်အဖီခိၣ် ဒီးဖဲ ၁၉၁၄ န့ၣ်အဝဲန့ၢ်ဘၣ် တၢ်စိတၢ်ကမီၤလၢ ယွၤအဘီအမုၢ်လၢ အအိၣ်သူၣ်ထီၣ်အသးသီသီအဖီခိၣ်လီၤ. (ကလီးစဲ ၁:၁၃; လီၣ်ဖျါ ၁၁:၁၅) အဝဲမ့ၢ် မူခိၣ်ကလူးအခိၣ်ဒီး ဟ့ၣ်လီၤတၢ်ကလုၢ်လၢ မူခိၣ်ကလူးအသုးမုၢ် အကကွဲၢ်လၢအကယၤတဖၣ် အဖီခိၣ်လီၤ. (၁ သ့းစၤလနံ ၄:၁၆; ၁ ပ့းတရူး ၃:၂၂; လီၣ်ဖျါ ၁၉:၁၄-၁၆) ဒီးအပၢ်ဟ့ၣ်လီၤအီၤ တၢ်စိတၢ်ကမီၤလၢ ကမၤဟးဂီၤကွံာ် “ကယဲၢ်တၢ်အခိၣ်, ဒီးတၢ်အစိအကမီၤ, ဒီးတၢ်အဂံၢ်အဘါခဲလၢာ်” လၢအထီဒါ ကစၢ်ယွၤအတၢ်ဟံးစုနဲၣ်ကျဲလၢ အတီအလိၤတဖၣ်လီၤ. (၁ ကရံၣ်သူး ၁၅:၂၄-၂၆; အ့းဖ့းစူး ၁:၂၀-၂၃) တမ့ၢ်ထဲ ယ့ၣ်ၡူးအိၣ်ဒီးတၢ်စိတၢ်ကမီၤလၢ ပှၤလၢအမူတဖၣ်အဖီခိၣ်ဘၣ်. အဝဲအိၣ်ဒီး တၢ်စိတၢ်ကမီၤလၢ “ကစံၣ်ညီၣ်ပှၤမူ, ဒီးပှၤသံ” ဒီးကစၢ်ယွၤဟ့ၣ်အီၤ တၢ်စိတၢ်ကမီၤလၢ ကမၤဂဲၤဆၢထၢၣ်သမူထီၣ်က့ၤ ပှၤသံန့ၣ်လီၤ. (မၤတၢ် ၁၀:၄၂; ယိၤဟၣ် ၅:၂၆-၂၈) ယ့ၣ်ၡူးအိၣ်ဒီး တၢ်စိတၢ်ကမီၤလၢအဒိၣ် ဒ်အံၤအဃိ အတၢ်မၤလိာ်လၢအဟ့ၣ်လီၤပှၤန့ၣ် ပကြၢးပာ်အီၤဒ် တၢ်လၢအရ့ဒိၣ်ကတၢၢ်လီၤ. အဃိ လၢတၢ်ပာ်ကဲဒီး တၢ်သူၣ်အိၣ်သးအိၣ်အပူၤ မ်ပဒိကနၣ် ခရံာ်အတၢ်မၤလိာ်လၢအမ့ၢ် ‘လဲၤဒုးကဲထီၣ်ပှၤလၢ ယပျဲၢ်ယဘီၣ်’ တက့ၢ်.
(မးသဲ ၂၈:၁၉) မၤသးဒ်န့ၣ်ဒီး, လဲၤဒုးကဲထီၣ် ပှၤအကလုာ်တဖၣ်ခဲလၢာ်လၢ ယပျဲၢ်ယဘီၣ်တက့ၢ်. ဒီးဘျၢအီၤလၢပၢ်, ဒီးဖိခွါ, ဒီးသးစီဆှံအမံၤအပူၤတက့ၢ်.
nwtsty တၢ်မၤနီၣ်လၢ မး. ၂၈:၁၉
ဒုးကဲထီၣ်ပှၤလၢ ယပျဲၢ်ယဘီၣ်– ကြံးအတၢ်ကတိၤလၢအမ့ၢ် မၤသဲထံယိၤ (ma·the·teuʹo) န့ၣ်အဲၣ်ဒိးစံးဝဲ ပှၤတဂၤ “သိၣ်လိ” တၢ်ဒ်သိး ပှၤကကဲထီၣ် ပှၤလၢအပိာ်အခံ မ့တမ့ၢ် အပျဲၢ်အဘီၣ်အဂီၢ်လီၤ. (ထိၣ်သတြီၤဒီး မး. ၁၃:၅၂, nwt, လၢအသူဝဲ ‘သိၣ်လိတ့ၢ်’ တက့ၢ်.) တၢ်ကတိၤလၢအမ့ၢ် “လဲၤဒုးကဲထီၣ်ပှၤ . . . လၢယပျဲၢ်ယဘီၣ်” န့ၣ်ပၣ်ဃုာ်ဒီး ‘တၢ်ဒိးဘျၢထံ’ ဒီး “တၢ်သိၣ်လိသီလိ” လီၤ.
ပှၤအကလုာ်တဖၣ်ခဲလၢာ်– ပှၤကွဲးကျိာ်ထံအီၤလၢ “ကလုာ်ခဲလၢာ်” ဘၣ်ဆၣ် ပမ့ၢ်ကွၢ်လၢတၢ်ကတိၤ အလီၢ်ခံဒီးအမဲာ်ညါန့ၣ် အဲၣ်ဒိးစံးဝဲ ပှၤတဂၤစုာ်စုာ်လၢ ပှၤကလုာ်တဖၣ်အကျါလီၤ. ကြံးအတၢ်ကတိၤလၢအမ့ၢ်ဘျၢအီၤ ဒီးတၢ်ကတိၤလၢအမ့ၢ် “အီၤ” တဖျၢၣ်န့ၣ် အဲၣ်ဒိးစံးဝဲ ပှၤကညီ အပိာ်မုၣ်အပိာ်ခွါ ဒီးတအဲၣ်ဒိးစံးဝဲ “ကလုာ်တဖၣ်” ဘၣ်. တချုးလၢ ယ့ၣ်ၡူးဟးစံၣ်တဲၤတဲလီၤတၢ်န့ၣ် လံာ်စီဆှံပာ်ဖျါထီၣ်ဝဲလၢ ပှၤကလုာ်အဂၤတဖၣ် မ့ၢ်ဘူၣ်ထီၣ်ဘါထီၣ် ယဟိဝၤယွၤန့ၣ် ပှၤအံၣ်စရ့လးဖိတဖၣ် ကဘၣ်တူၢ်လိာ်အီၤလီၤ. (၁ စီၤပၤ ၈:၄၁-၄၃) လၢတၢ်န့ၣ်အဃိ တၢ်မၤလိာ်လၢအမ့ၢ် ပှၤကဘၣ်လဲၤလၢ “ပှၤအကလုာ်တဖၣ်ခဲလၢာ်” အအိၣ်န့ၣ် မ့ၢ်တၢ်မၤလိာ်အသီလီၤ. ယ့ၣ်ၡူးဟ့ၣ်လီၤ အပျဲၢ်အဘီၣ်တဖၣ်မူဒါလၢ အဝဲသ့ၣ်ကဘၣ်စံၣ်တဲၤတဲလီၤဝဲ ပှၤယူဒၤဖိတကးဒံးဘၣ် ကဘၣ်လဲၤဒံးဝဲဆူ ပှၤကလုာ်အဂၤတဖၣ်အအိၣ်န့ၣ်လီၤ. တၢ်ဒုးကဲထီၣ်ပှၤဂၤလၢ ခရံာ်အပျဲၢ်အဘီၣ်အတၢ်မၤန့ၣ် ကဘၣ်ရၤလီၤအသးလၢ ဟီၣ်ခိၣ်ဒီဘ့ၣ်န့ၣ်လီၤ. မး. ၁၀:၁, ၅-၇; လီၣ်. ၇:၉; ကွၢ် တၢ်မၤနီၣ်လၢ မး. ၂၄:၁၄.
(မးသဲ ၂၈:၂၀) ဒီးသိၣ်လိသီလိအီၤ, ဒ်သိးအကတိၢ်န့ၢ် ကယဲၢ်တၢ်လၢ ယမၤလိာ်တ့ၢ်သုခဲလၢာ်တက့ၢ်. ဒီးကွၢ်ကွၢ်, ယအိၣ်ဒီးသု ကိးမုၢ်နံၤမုၢ်နၤဒဲး, တုၤတၢ်အစိၤကတၢၢ်လီၤ. အၤမ့ၣ်.
nwtsty တၢ်မၤနီၣ်လၢ မး. ၂၈:၂၀
သိၣ်လိသီလိအီၤ– ကြံးအတၢ်ကတိၤလၢ ဘၣ်တၢ်ကွဲးကျိာ်ထံက့ၤအီၤလၢ “သိၣ်လိ” န့ၣ်ပၣ်ဃုာ်ဒီး တၢ်ဟံးစုနဲၣ်ကျဲ, ၡဲပၠးအခီပညီ, ပာ်ဖျါထီၣ်အခီပညီ ခီဖျိလၢ တၢ်ကတိၤဂ့ၢ်လိာ်ဘှီလိာ် ဒီးပာ်ဖျါထီၣ် တၢ်အုၣ်အသးလီၤ. (ကွၢ် တၢ်မၤနီၣ်တဖၣ်လၢ မး. ၃:၁; ၄:၂၃ တက့ၢ်.) ပကဘၣ် သိၣ်လိသီလိအီၤဒ်သိး ကတိၢ်န့ၢ် ယယဲၢ်တၢ်ခဲလၢာ် လၢယ့ၣ်ၡူးမၤလိာ်ဝဲန့ၣ် မ့ၢ်ဝဲတၢ်မၤလၢ ပကဘၣ်ဆဲးမၤအီၤလီၤ. ဒီးတၢ်မၤအံၤန့ၣ် ပၣ်ဃုာ်ဒီး ပကဘၣ်သိၣ်လိပှၤဂၤ တၢ်လၢယ့ၣ်ၡူးသိၣ်လိသီလိဝဲ, ပကဘၣ်မၤထွဲအတၢ်သိၣ်လိဒီး အဒိအတဲာ်လီၤ.—ယိၤ. ၁၃:၁၇; အ့း. ၄:၂၁; ၁ ပ့း. ၂:၂၁.
ခူၣ်ထီၣ်နီၢ်သးအတၢ်လုၢ်ဒိၣ်ပှ့ၤဒိၣ်တဖၣ်
(မးသဲ ၂၇:၅၁) ဒီးကွၢ်ကွၢ်, တၢ်လုၢ်ဟံၣ်အယၣ်ဘျးလီၤအသးန့ၣ်, သ့ၣ်ဖးလၢအခိၣ် ပၢၢ်လၢအခီၣ်ထံးလၢခံခီလီၤ. ဒီးဟီၣ်ခိၣ်ဟူးဝး, ဒီးလၢၢ်မုၢ်လ့ထီသ့ၣ်ပၢၢ်သ့ၣ်ဖး.
nwtsty တၢ်မၤနီၣ်တဖၣ်လၢ မး. ၂၇:၅၁
ယၣ်ဘျး– လၢအဃံအလၤအံၤ ဘၣ်တၢ်ဘျးလီၤအီၤလၢ တၢ်လုၢ်ဟံၣ်အဒၢးစီဆှံ ဒီးဒၢးစီဆှံကတၢၢ် အဘၢၣ်စၢၤလီၤ. ပှၤယူဒၤဖိတဖၣ် တယာ်ဝဲလၢ တၢ်လုၢ်ဟံၣ်အယၣ်ဘျးသဒၢလၢ အဃၢတဘ့ၣ်အံၤ အထီကအိၣ်ဝဲ ၁၈ မံထၢၣ် (အပ့ၣ် ၆၀), ကလဲၢ်ဝဲ ၉ မံထၢၣ် (အပ့ၣ် ၃၀) ဒီးကတီၣ်ဝဲ ၇.၄ စဲးထံၣ်မံထၢၣ် (၂.၉ လဲးမး) လီၤ. ယဟိဝၤယွၤ မၤသ့ၣ်ဖးဝဲ ယၣ်ဘျးသဒၢန့ၣ် ပာ်ဖျါထီၣ်ဝဲလၢ အဝဲသးထီၣ်ဝဲ ပှၤလၢအမၤသံအဖိခွါသ့ၣ်တဖၣ် တကးဒံးဘၣ် အခီပညီဖျါလၢ ပှၤလဲၤထီၣ်ဆူမူခိၣ်သ့လံန့ၣ်လီၤ.—ဧ့ၤ. ၁၀:၁၉, ၂၀; ကွၢ်လၢ Glossary.
တၢ်အလီၢ်စီဆှံ– ကြံးအတၢ်ကတိၤလၢအမ့ၢ် နၤအိး (na·osʹ) န့ၣ်အဲၣ်ဒိးစံးဝဲ တၢ်သူၣ်ထီၣ်လၢ အလီၤကဟုကညီၢ်လၢ အအိၣ်ဝဲဒီး ဒၢးစီဆှံဒီး ဒၢးလၢအစီဆှံကတၢၢ်န့ၣ်လီၤ.
(မးသဲ ၂၈:၇) ဒီးက့ၤက့ၤချ့ချ့, ဒီးစံးဘၣ် တဲဘၣ် အပျဲၢ်အဘီၣ် လၢအဂဲၤဆၢထၢၣ်က့ၤလၢ တၢ်သံလံန့ၣ်တက့ၢ်. ဒီးကွၢ်ကွၢ်, လဲၤပာ်ဝဲလၢသုမဲာ်ညါ ဆူကၤလံၤလါလီၤ. သုကထံၣ်ဘၣ်အီၤဖဲန့ၣ်လီၤ. ကွၢ်ကွၢ်, ယစံးဘၣ်တဲဘၣ်သုလံ.
nwtsty တၢ်မၤနီၣ်လၢ မး. ၂၈:၇
တဲဘၣ်အပျဲၢ်အဘီၣ် လၢအဂဲၤဆၢထၢၣ်က့ၤလၢ တၢ်သံလံ– ပိာ်မုၣ်တဖၣ်အံၤ မ့ၢ်ပှၤအဆိကတၢၢ်တဖၣ်လၢ ဘၣ်တၢ်ဒုးသ့ၣ်ညါအီၤလၢ ယ့ၣ်ၡူးဂဲၤဆၢထၢၣ်သမူထီၣ်က့ၤလံလီၤ. တကးဒံးဘၣ် အဝဲသ့ၣ် ဒိးန့ၢ်ဘၣ်မူဒါလၢ ကဘၣ်လဲၤတဲဘၣ် ယ့ၣ်ၡူးအပျဲၢ်အဘီၣ်အဂၤတဖၣ်လၢ တၢ်ဂ့ၢ်အံၤလီၤ. (မး. ၂၈:၂, ၅, ၇) ပမ့ၢ်ကွၢ် ပှၤယူဒၤဖိတဖၣ် အလုၢ်အလၢ်လၢ အတလီၤပလိာ်ဒီး လံာ်စီဆှံန့ၣ် ပှၤပိာ်မုၣ်တဖၣ် တအိၣ်ဒီးတၢ်ခွဲးတၢ်ယာ်လၢ ကအုၣ်ကီၤအသးလၢစံၣ်ညီၣ်ကွီၢ်အရူန့ၣ်ဘၣ်. ဘၣ်ဆၣ် ယဟိဝၤယွၤအမူခိၣ်ကလူး ပာ်လုၢ်ပာ်ပှ့ၤဝဲ ပှၤပိာ်မုၣ်သ့ၣ်တဖၣ်အံၤ ခီဖျိဟ့ၣ်လီၤ အဝဲသ့ၣ်လၢ မူဒါလၢအလီၤသးခုအံၤန့ၣ်လီၤ.
တၢ်ဖးလံာ်စီဆှံ
(မးသဲ ၂၇:၃၈-၅၄) တုၤနုၤတစုပျၤထီဃုာ်ဒီးအီၤတၢ်ဘျၣ်ခံဂၤ, လၢအစုထွဲတဂၤ, ဒီးလၢအစုစ့ၣ်တဂၤလီၤ. ၃၉ ဒီးပှၤလ့ၢ်လိၤလ့ၢ်ထီၣ်တဖၣ်န့ၣ်, ကျၢၢ်ကျာ်အခိၣ်, ဒီးဒုၣ်ဒွဲၣ်အီၤ, ၄၀ ဒီးစံးဝဲဒၣ်, ပှၤလၢအမၤလီၤပှီၢ်ကွံာ်တၢ်လုၢ်အဟံၣ်, ဒီးမၤထီၣ်က့ၤဝဲလၢသၢနံၤအတီၢ်ပူၤတဂၤဧၢ, အုၣ်က့ၤခီၣ်က့ၤဒၣ်နသးတက့ၢ်. နမ့မ့ၢ်ယွၤအဖိခွါဒီး, ဟဲက့ၤလီၤလၢထူၣ်စုညါအလိၤတက့ၢ်. ၄၁ ဒ်န့ၣ်အသိး စ့ၢ်ကီး ပှၤလုၢ်တၢ် အခိၣ်တဖၣ် ဒုၣ်ဒွဲၣ်အီၤ, ဒီးပှၤကွဲးလံာ်, ဒီးပှၤသူၣ်က့သးပှၢ်, ဒီးစံးဝဲဒၣ်, အဝဲဒၣ်အုၣ်က့ၤခီၣ်က့ၤပှၤဂၤ, ၄၂ မ့မ့ၢ်အုၣ်က့ၤခီၣ်က့ၤအသး ဒၣ်ဝဲတသ့ဘၣ်. မ့မ့ၢ်အံၣ်စရ့လးအစီၤပၤဒီး, မ်အဟဲက့ၤလီၤခဲကနံၣ်အံၤ လၢထူၣ်စုညါအလိၤတက့ၢ်. ဒီးပကနာ်အီၤလီၤ. ၄၃ သန့ၤအသးလၢယွၤလီၤ. အသးမ့ၢ်အိၣ်အီၤဒီး, မ်အမၤထူၣ်ဖျဲးကွံာ်အီၤခဲကနံၣ်အံၤတက့ၢ်. ၄၄ အဂ့ၢ်ဒ်အံၤ, စံးဝဲဒၣ်, ယမ့ၢ်ယွၤအဖိခွါလီၤ. ဒီးတၢ်ဘျၣ်လၢအဘၣ်ပျၤထီဃုာ်ဒီးအီၤလၢ ထူၣ်စုညါအလိၤန့ၣ်, ဒုၣ်ဒွဲၣ်အီၤလၢတၢ်တမံၤဃီန့ၣ်စ့ၢ်ကီးလီၤ. ၄၅ ဒီးလၢဃုနၣ်ရံၣ်ပၢၢ်လၢခွံနၣ်ရံၣ်န့ၣ်, တၢ်ခံးဝဲလၢကီၢ်ဒီဘ့ၣ်ညါလီၤ. ၄၆ ဒီးခွံနၣ်ရံၣ်ဃၣ်ဃၣ်န့ၣ်, ယ့ၣ်ၡူးကိးပသူထီၣ်လၢအကလုၢ်ဖးဒိၣ် ဒီးစံးဝဲဒၣ်, အ့ၤလံၤ, အ့ၤလံၤ, လၤမါစၤဘၤဃသၤနံ, ဒ်ပစံးတၢ်အသိး, ယကစၢ်ဧၢ, ယကစၢ်ဧၢ, ဘၣ်မနုၤလၢနလဲၤသဒၣ်ယၤလဲၣ်. ၄၇ ဒီးပှၤလၢအဆၢထၢၣ်ဖဲန့ၣ်တနီၤနီၤ, နၢ်ဟူဝဲ, ဒီးစံးဝဲဒၣ်, အဝဲဒၣ်ကိးစီၤအ့ၤလံယၤလီၤ. ၄၈ ဒီးပှၤလၢအကျါတဂၤဃ့ၢ်ဝဲတကီၢ်ခါ, ဒီးဟံးန့ၢ်ကုၤပီၣ်လဲၣ်တလိၣ်, ဒီးစုၣ်လီၤဝဲလၢတၤဆံၣ်ထံ, ဒီးစဲထီၣ်ဝဲလၢတပိၢ်တဘိအစိးနါ, ဒီးဒုးအီအီၤလီၤ. ၄၉ မ့မ့ၢ်ပှၤဂၤတဖၣ်စံးဝဲဒၣ်, ကအိၣ်ဒၣ်ဝဲတက့ၢ်. စီၤအ့ၤလံယၤကဟဲအုၣ်က့ၤခီၣ်က့ၤအီၤဧါ, တဟဲဘၣ်လဲၣ်န့ၣ်, ကွၢ်သကိးတက့ၢ်. ၅၀ ဒီးတုၤယ့ၣ်ၡူးကိးပသူထီၣ်ကဒီးလၢ အကလုၢ်ဖးဒိၣ်ဝံၤဒီး, အသးဟးထီၣ်ဝဲလီၤ. ၅၁ ဒီးကွၢ်ကွၢ်, တၢ်လုၢ်ဟံၣ်အယၣ်ဘျးလီၤအသးန့ၣ်, သ့ၣ်ဖးလၢအခိၣ် ပၢၢ်လၢအခီၣ်ထံးလၢခံခီလီၤ. ဒီးဟီၣ်ခိၣ်ဟူးဝး, ဒီးလၢၢ်မုၢ်လ့ထီသ့ၣ်ပၢၢ်သ့ၣ်ဖး, ၅၂ ဒီးတၢ်သွၣ်ခိၣ်တဖၣ်န့ၣ် အိးထီၣ်အသး, ဒီးပှၤစီဆှံလၢအမံဝဲအါဂၤ အစိၣ်ဂဲၤဆၢထၢၣ်က့ၤဝဲ, ၅၃ ဒီးလၢယ့ၣ်ၡူးဂဲၤဆၢထၢၣ်က့ၤအလီၢ်ခံန့ၣ်, ဟဲက့ၤထီၣ်ဝဲလၢအသွၣ်ခိၣ်အပူၤ, ဒီးလဲၤနုာ်ဝဲလၢဝ့ၢ်စီဆှံအပူၤ, ဒီးအိၣ်ဖျါထီၣ်လၢပှၤအါဂၤအမဲာ်ညါလီၤ. ၅၄ ဒီးတုၤပှၤသုးဖိ တကယၤအခိၣ်တဂၤ, ဒီးပှၤအိၣ်ဒီးအီၤတဖၣ်လၢအပၢၤယ့ၣ်ၡူးန့ၣ် ထံၣ်လၢဟီၣ်ခိၣ်ဟူးဝးဝဲ, ဒီးတၢ်မၤအသးတဖၣ်န့ၣ်ဒီး, သူၣ်ပျံၤသးဖုးဝဲဒိၣ်မး, ဒီးစံးဝဲဒၣ်, အအံၤတဂၤ, မ့ၢ်မးယွၤအဖိခွါနီၢ်နီၢ်လီၤ.
လါအ့ဖြ့ၣ် ၁၆–၂၂
တၢ်လုၢ်ဒိၣ်ပှ့ၤဒိၣ်တဖၣ်လၢ လံာ်စီဆှံအပူၤ | မၢ်ကူး ၁–၂
“နတၢ်ဒဲးဘးပျၢ်ကွံာ်လံ”
(မၢ်ကူး ၂:၃-၅) ဒီးဟဲစိာ်ပှၤသံတခီပၤတဂၤ, လၢပှၤလွံၢ်ဂၤစိာ်ဝဲ, ဆူအအိၣ်လီၤ. ၄ ဒီးမ့ၢ်အလဲၤစိာ်ဝဲဆူအဂီၤ ထံးတသ့ဘၣ်လၢပှၤဂီၢ်မုၢ်အဃိဒီး, မၤဟးဂီၤဟံၣ်ခိၣ်, ဒီးဘၢၣ်ဖျိတၢ်လၢအအိၣ်ဝဲအလီၢ် အဖီခိၣ်, ဒီးစဲၤလီၤလီၢ်မံ လၢပှၤသံတခီပၤတဂၤမံလီၤ လၢအပူၤလီၤ. ၅ ဒီးယ့ၣ်ၡူးထံၣ် အဝဲသ့ၣ်အတၢ်နာ်, ဒီးစံးဘၣ်ပှၤသံတခီပၤတဂၤန့ၣ်, ဖိဧၢ, နတၢ်ဒဲးဘးပျၢ်လံ.
jy ကဘျံးပၤ ၆၇ အဆၢ ၃-၅
“နတၢ်ဒဲးဘးပျၢ်လံ”
ဖဲယ့ၣ်ၡူး သိၣ်က့ၤသီက့ၤ ပှၤဂီၢ်မုၢ်အခါ ပှၤလွံၢ်ဂၤဟဲစိာ်ဝဲ ပှၤသံတခီပၤတဂၤလီၤ. အဝဲသ့ၣ် အဲၣ်ဒိးလၢယ့ၣ်ၡူး ကမၤဘျါဝဲ အတံၤသကိးလီၤ. ဘၣ်ဆၣ် မ့ၢ်လၢပှၤအိၣ်အါမးအဃိ အဝဲသ့ၣ်လဲၤစိာ်ဝဲပှၤဆါဆူ ယ့ၣ်ၡူး “အဂီၤထံး” တသ့လၢၤဘၣ်. (မၢ်ကူး ၂:၄) ဆိကမိၣ်ကွၢ် လီၤသးအုးထဲလဲၣ်. အဝဲသ့ၣ် လဲၤထီၣ်လၢဟံၣ်ခိၣ်ဒီး ဘၢၣ်ဖျိဝဲ ဒီးစဲၤလီၤလီၢ်မံလၢ ပှၤသံတခီပၤတဂၤမံနီၤဝဲလီၤ.
ယ့ၣ်ၡူး သးဒိၣ်ထီၣ်တၢ်လၢ ပှၤဟဲမၤတံာ်တာ်အီၤအဃိဧါ. တသးဒိၣ်ထီၣ်ဘၣ်. ယ့ၣ်ၡူး ဘၣ်သူၣ်ဘၣ်သး အဝဲသ့ၣ်အတၢ်နာ် ဒီးတဲဝဲပှၤသံတခီပၤတဂၤလၢ “နတၢ်ဒဲးဘး ပျၢ်လံ.” (မးသဲ ၉:၂) ဘၣ်ဆၣ်, ယ့ၣ်ၡူး ပျၢ်ကွံာ်ပှၤတၢ်ဒဲးဘးသ့နီၢ်နီၢ်ဧါ. ပှၤကွဲးလံာ်ဒီး ပှၤဖၤရံၤၡဲတနီၤ အဲၣ်ဒိးပာ်တၢ်ကမၣ်လၢ ယ့ၣ်ၡူးအလိၤဒီး ဆိကမိၣ်ထီၣ်ဝဲလၢ “တၢ်လၢပှၤတဂၤအံၤ ကတိၤကမၣ်ယွၤဒ်အံၤ, ဘၣ်မနုၤလဲၣ်. မ့တမ့ၢ်ဘၣ် တၢ်တဂၤယွၤတဂၤန့ၣ်ဒီး, မ့ၢ်မတၤပျၢ်တၢ်ဒဲးဘးသ့တဂၤလဲၣ်.”—မၢ်ကူး ၂:၇.
ယ့ၣ်ၡူးသ့ၣ်ညါ အဝဲသ့ၣ် အတၢ်ဆိကမိၣ်အဃိ တဲအီၤလၢ “ဘၣ်မနုၤလၢ သုကူၣ်တၢ်န့ၣ်တဖၣ်လၢ သုသးကံၢ်ပူၤလဲၣ်. မ့ၢ်ပစံးဘၣ် ပှၤသံတခီပၤညီဖဲလဲၣ်တမံၤလဲၣ်. မ့ၢ်ပစံးလၢ နတၢ်ဒဲးဘးပျၢ်လံန့ၣ်ညီတက့ၢ်ဧါ, မ့ၢ်ပစံး, ဂဲၤဆၢထၢၣ်ဟံးန့ၢ်နလီၢ်မံ, ဒီးဟးန့ၣ်ညီတက့ၢ်လဲၣ်.” (မၢ်ကူး ၂:၈, ၉) ယ့ၣ်ၡူး ပျၢ်ကွံာ်ပှၤတဂၤန့ၣ် အတၢ်ဒဲးဘးသ့ မ့ၢ်လၢအဝဲ ကဟ့ၣ်လုၢ်ထီၣ်အသးအဃိန့ၣ်လီၤ.
(မၢ်ကူး ၂:၆-၁၂) ဒီးပှၤကွဲးလံာ်တနီၤနီၤ ဆ့ၣ်နီၤအိၣ်ဖဲန့ၣ်, ဒီးကူၣ်တၢ်လၢအသးကံၢ်ပူၤ, ၇ တၢ်လၢပှၤတဂၤအံၤ ကတိၤကမၣ်ယွၤဒ်အံၤ, ဘၣ်မနုၤလဲၣ်. မ့တမ့ၢ်ဘၣ် တၢ်တဂၤယွၤတဂၤန့ၣ်ဒီး, မ့ၢ်မတၤပျၢ် တၢ်ဒဲးဘးသ့တဂၤလဲၣ်. ၈ ဒီးယ့ၣ်ၡူးသ့ၣ်ညါထံလၢ အသးကံၢ်ပူၤတကီၢ်ခါ, လၢပှၤတဖၣ်န့ၣ်ကူၣ်တၢ်လၢ အသးကံၢ်ပူၤဒ်န့ၣ်, ဒီးစံးဘၣ်အီၤ, ဘၣ်မနုၤလၢသုကူၣ်တၢ်န့ၣ် တဖၣ်လၢသုသးကံၢ်ပူၤလဲၣ်. ၉ မ့ၢ်ပစံးဘၣ် ပှၤသံတခီပၤညီဖဲလဲၣ်တမံၤလဲၣ်. မ့ၢ်ပစံးလၢ နတၢ်ဒဲးဘးပျၢ်လံန့ၣ် ညီတက့ၢ်ဧါ, မ့ၢ်ပစံး, ဂဲၤဆၢထၢၣ်ဟံးန့ၢ်နလီၢ်မံ, ဒီးဟးန့ၣ်ညီတက့ၢ်လဲၣ်. ၁၀ ဘၣ်ဆၣ်ဒီး, ဒ်သိးသုကသ့ၣ်ညါလၢ ပှၤကညီဖိခွါအံၤအိၣ်ဒီး အစိအကမီၤလၢဟီၣ်ခိၣ်ချၢ, လၢအကပျၢ်တၢ်ဒဲးဘးဒီး, (စံးဘၣ်ပှၤသံတခီပၤတဂၤန့ၣ်), ၁၁ ယစံးဘၣ်နၤ, ဂဲၤဆၢထၢၣ်, ဒီးစိာ်ထီၣ်နလီၢ်မံ, ဒီးက့ၤက့ၤဆူနဟံၣ်တက့ၢ်. ၁၂ ဒီးဂဲၤဆၢထၢၣ်တကီၢ်ခါ, ဒီးစိာ်ထီၣ်အလီၢ်မံ, ဒီးဟးထီၣ်ကွံာ်ဝဲလၢ ပှၤခဲလၢာ်အမဲာ်ညါလီၤ. တၢ်မၤအသးဒ်န့ၣ်ဒီး, ပှၤပာ်ထီၣ်အသးကမၢကမၣ်ခဲလၢာ်, ဒီးစံးထီၣ်ပတြၢၤယွၤ, ဒီးစံးဝဲဒၣ်, ပတထံၣ်ဘၣ်တၢ် ဒ်အံၤအသိးနီတခီၣ်ဘၣ်လီၤ.
nwtsty တၢ်မၤနီၣ်လၢ မၢ်. ၂:၉
ညီဖဲလဲၣ်တမံၤလဲၣ်– ပှၤတဂၤဂၤ ကစံး ဝဲလၢ အပျၢ်ကွံာ်ပှၤတၢ်ကမၣ်သ့န့ၣ် ညီဝဲလီၤ. မ့ၢ်လၢတလိၣ်လၢ အဝဲကဘၣ် ပာ်ဖျါထီၣ်တၢ်အုၣ်အသးအဃိဘၣ်လီၤ. ဘၣ်ဆၣ်ယ့ၣ်ၡူးကစံးလၢ ဂဲၤဆၢထၢၣ် . . . ဒီးဟး အဂီၢ်အဝဲကဘၣ်မၤ တၢ်လီၤလးဒ်သိး ပှၤကိးဂၤဒဲး ကထံၣ်ဝဲဒီးသ့ၣ်ညါလၢ အဝဲအိၣ်ဒီးတၢ်စိတၢ်ကမီၤလၢ ကပျၢ်ပှၤတၢ်ဒဲးဘးအဂီၢ်လီၤ. လံာ်စီဆှံတဆၢအံၤဒီး ယၡါယၤ ၃၃:၂၄ ပာ်ဖျါထီၣ်ဝဲလၢ တၢ်ဆူးတၢ်ဆါန့ၣ် ဟဲကဲထီၣ်အသးလၢ ပတၢ်ဒဲးဘးအဃိလီၤ.
ခူၣ်ထီၣ်နီၢ်သးအတၢ်လုၢ်ဒိၣ်ပှ့ၤဒိၣ်တဖၣ်
(မၢ်ကူး ၁:၁၁) ဒီးတၢ်ကလုၢ်သီၣ်လီၤ လၢမူခိၣ်ဒီးစံးဝဲဒၣ်, နဲဒၣ်အံၤနမ့ၢ်ယဖိခွါလၢယအဲၣ်, ဘၣ်ယသးလၢနၤလီၤ.
nwtsty တၢ်မၤနီၣ်တဖၣ်လၢ မၢ်. ၁:၁၁
တၢ်ကလုၢ် သီၣ်လီၤလၢမူခိၣ်– ယဟိဝၤယွၤ အနီၢ်ကစၢ်ဒၣ်ဝဲ ကတိၤတၢ်ဒီး ပှၤဟီၣ်ခိၣ်ဖိန့ၣ် လံာ်တၢ်သးခုကစီၣ်ပာ်ဖျါထီၣ်ဝဲ သၢဘျီ ဒီးတၢ်အံၤမ့ၢ် အဆိကတၢၢ်တဘျီလီၤ.—ကွၢ်တၢ်မၤနီၣ်တဖၣ်လၢ မၢ်. ၉:၇; ယိၤ. ၁၂:၂၈ တက့ၢ်.
နမ့ၢ်ယဖိခွါ– ယ့ၣ်ၡူးမ့ၢ် ပှၤနီၢ်သးဖိတဂၤအဃိ အဝဲမ့ၢ်ယွၤအဖိခွါလီၤ. (ယိၤ. ၃:၁၆) ဖဲယ့ၣ်ၡူး ဟဲအိၣ်ဖျဲၣ်ထီၣ်ဒ် ပှၤဟီၣ်ခိၣ်ဖိတဂၤအခါသနာ်က့ အဝဲမ့ၢ် “ယွၤအဖိခွါ” ဒ်စီၤအၤဒၣ်လၢ အလၢအပှဲၤတဂၤအသိးလီၤ. (လူၤ. ၁:၃၅; ၃:၃၈) ဘၣ်ဆၣ် ကစၢ်ယွၤအတၢ်ကတိၤဖဲအံၤန့ၣ် တမ့ၢ်ထဲအဝဲအဲၣ်ဒိးတဲဖျါထီၣ်ဝဲလၢ ယ့ၣ်ၡူးမ့ၢ်မတၤတဂၤလဲၣ်န့ၣ်ဘၣ်. ကစၢ်ယွၤလူလီၤဝဲသးစီဆှံလၢအလိၤ တကးဒံးဘၣ် တဲဖျါထီၣ်ဝဲဒ်အံၤအဃိ ပာ်ဖျါထီၣ်ဝဲလၢ ယ့ၣ်ၡူးလၢအမ့ၢ် အဖိခွါသးဘိလၢ “အိၣ်ဖျဲၣ်ကဒီးတစု” န့ၣ်အိၣ်ဒီးတၢ်မုၢ်လၢ်လၢ ကဂဲၤဆၢထၢၣ်သမူထီၣ်က့ၤဆူမူခိၣ် ဒီးဘၣ်တၢ်ဒိးဖှူအီၤလၢသးစီဆှံ ဒ်သိးကကဲထီၣ်ဘၣ်စီၤပၤဒီး ပှၤလုၢ်တၢ်အဒိၣ်လၢ ယွၤအဘီအမုၢ်ပူၤလီၤ.—ယိၤ. ၃:၃-၆; ၆:၅၁; ထိၣ်သတြီၤဒီး လူၤ. ၁:၃၁-၃၃; ဧ့ၤ. ၂:၁၇; ၅:၁, ၄-၁၀; ၇:၁-၃.
ဘၣ်ယသးလၢနၤလီၤ– မ့တမ့ၢ် “ယဘၣ်သူၣ်ဘၣ်သးနၤဒိၣ်မး, လၢနဃိန့ၣ် ယသးခုဖးဒိၣ်.” တၢ်ကတိၤလၢ အလီၤဂာ်ဒ်အံၤန့ၣ် ပထံၣ်ဘၣ်အီၤဖဲ မးသဲ ၁၂:၁၈ ဘၣ်တၢ်ဟံးန့ၢ်အီၤလၢ ယၡါယၤ ၄၂:၁ အပူၤ ဒီးဖဲန့ၣ်တဲဆိပာ်စၢၤဝဲ မ့းၡံအၤ မ့တမ့ၢ် ခရံာ်အဂ့ၢ်န့ၣ်လီၤ. ပမ့ၢ်ကွၢ် ကစၢ်ယွၤအသးစီဆှံဟဲလီၤ ဒီးအတၢ်ကတိၤလၢ အတဲဝဲအံၤန့ၣ် မ့ၢ်ဒၣ်အဝဲ အဲၣ်ဒိးဒုးသ့ၣ်ညါဝဲလၢ ယ့ၣ်ၡူးမ့ၢ် မ့းၡံအၤလၢ ဘၣ်တၢ်တဲဆိပာ်စၢၤအီၤန့ၣ်လီၤ.—ကွၢ်တၢ်မၤနီၣ်တဖၣ်လၢ မး. ၃:၁၇; ၁၂:၁၈.
(မၢ်ကူး ၂:၂၇, ၂၈) ဒီးစံးဘၣ်အီၤ, တၢ်လၢမုၢ်အိၣ်ဘှံးအနံၤန့ၣ်, ကဲထီၣ်ဝဲလၢပှၤကညီအဂီၢ်လီၤ. တမ့ၢ်ဘၣ်ပှၤကညီလၢ မုၢ်အိၣ်ဘှံးအနံၤအဂီၢ်ဘၣ်. ၂၈ မၤသးဒ်န့ၣ်ဒီး ပှၤကညီဖိခွါအံၤ မ့ၢ်မုၢ်အိၣ်ဘှံးအနံၤစ့ၢ်ကီးအကစၢ်လီၤ.
nwtsty တၢ်မၤနီၣ်လၢ မၢ်. ၂:၂၈
မုၢ်အိၣ်ဘှံးအနံၤ . . . အကစၢ်– ယ့ၣ်ၡူးကိးလီၤအသးဒ်န့ၣ်အဃိ (မး. ၁၂:၈; လူၤ. ၆:၅) ပာ်ဖျါထီၣ်ဝဲလၢ အဝဲအိၣ်ဒီးတၢ်ခွဲးတၢ်ယာ်လၢ ကမၤတၢ်လၢအပၢ်လၢမူခိၣ်မၢအီၤ ဖဲမုၢ်အိၣ်ဘှံးနံၤန့ၣ်လီၤ. (ထိၣ်သတြီၤဒီး ယိၤ. ၅:၁၉; ၁၀:၃၇, ၃၈ တက့ၢ်.) ဖဲမုၢ်အိၣ်ဘှံးနံၤန့ၣ် ယ့ၣ်ၡူးမၤဝဲတၢ်လီၤလးတဖၣ်ဒီး ကူစါယါဘျါဝဲ ပှၤဆူးပှၤဆါတဖၣ်လီၤ. (လူၤ. ၁၃:၁၀-၁၃; ယိၤ. ၅:၅-၉; ၉:၁-၁၄) တၢ်မၤအသးတဖၣ်အံၤ ပာ်ဖျါထီၣ်ဝဲလၢ ဖဲအဝဲပၢတၢ်အဆၢကတီၢ် တၢ်သူၣ်မံသးမုာ်လၢ အဝဲကဒုးအိၣ်ထီၣ်ဝဲန့ၣ် ကလီၤဂာ်ဒ် ပှၤအိၣ်ဘှံးလၢ မုၢ်အိၣ်ဘှံးနံၤအသိးလီၤ.—ဧ့ၤ. ၁၀:၁.
တၢ်ဖးလံာ်စီဆှံ
(မၢ်ကူး ၁:၁-၁၅) ယွၤအဖိခွါ, ယ့ၣ်ၡူးခရံာ်အတၢ်သးခုကစီၣ် အခီၣ်ထံး, ၂ ဒ်တၢ်ကွဲးအသးလၢ ဝံယၡါယၤအပူၤ အသိးန့ၣ်, ကွၢ်ကွၢ်, ယမၢလီၤယကလူးတဂၤလၢနမဲာ်ညါ, လၢအကမၤက့ၤနကျဲန့ၣ်လီၤ. ၃ တၢ်အကလုၢ်သီၣ်ထီၣ်လၢ ပှၢ်မုၢ်ကနၢ, ကတဲာ်ကတီၤယွၤအကျဲ, မၤလိၤအကျဲမုၢ်တဖၣ်န့ၣ်တက့ၢ်. ၄ စီၤယိၤဟၣ်အိၣ်ထီၣ်ဒီး ဘျၢတၢ်လၢပှၢ်မုၢ်ကနၢ, ဒီးစံၣ်တဲၤတဲလီၤ တၢ်ဒိးဘျၢဘၣ်ဃးဒီး တၢ်ပီၢ်ယၢ်လီၤက့ၤအသးလၢ တၢ်ပျၢ်တၢ်ဒဲးဘးအဂ့ၢ်လီၤ. ၅ ဒီးကီၢ်ယူဒၤဒီကီၢ်ညါ, ဒီးပှၤယရူၤၡလ့ၣ်ဖိခဲလၢာ်န့ၣ်, လဲၤဆူအအိၣ်, ဒီးတဲလီၤကျဲၤလီၤအတၢ်ဒဲးဘး, ဒီးဒိးဘျၢအသးလၢ အစုပူၤ, လၢထံမိၢ်ပှၢ်ယၢ်ဒ့ၣ်အပူၤလီၤ. ၆ ဒီးစီၤယိၤဟၣ်န့ၣ် ကူသိးဝဲလၢကီၤလၤအူးအဆူၣ်, ဒီးကံၢ်တူာ် အယီၢ်ဒ့လၢ ယီၢ်တကိးတၢ်ဖံး, ဒီးအီၣ်ဒွဲၣ်ဧိၤတြၤဧိၤ, ဒီးကနဲမံၤအစီလီၤ. ၇ ဒီးစံၣ်တဲၤတဲလီၤတၢ် ဒီးစံးဝဲဒၣ်, ပှၤဟဲလၢ ယလီၢ်ခံတဂၤန့ၣ်, သ့န့ၢ်ယၤတက့ၢ်လီၤ. အဝဲဒၣ်န့ၣ်ယသကူးလီၤယသးဒီး ဃ့ၣ်လီၤကွံာ်အခီၣ်ဖံးအပျံၤန့ၣ်, ယတဂ့ၤ တဘၣ်ဘၣ်. ၈ ယဲဒၣ်အံၤ ယဘျၢသုလၢထံကျါလီၤ. မ့မ့ၢ်အဝဲဒၣ်န့ၣ် ကဘျၢသုလၢသးစီဆှံအပူၤလီၤ. ၉ ဒီးလၢမုၢ်နံၤတဖၣ်န့ၣ်, တၢ်မၤအသးလၢ ယ့ၣ်ၡူးဟဲလၢ နစၤရ့းဘၣ်ဃးဒီးကီၢ်ကၤလံၤလါ, ဒီးဒိးဘျၢအသးလၢ စီၤယိၤဟၣ်အစုပူၤ, လၢယၢ်ဒ့ၣ်အပူၤလီၤ. ၁၀ ဒီးဟဲက့ၤထီၣ်လၢ ထံကျါတကီၢ်ခါ, ဒီးထံၣ်ဝဲလၢမူခိၣ်သ့ၣ်ဖးအသး, ဒီးသးန့ၣ်, မၤသးဒ်ထိၣ်လွံၢ်အသိး, ဟဲလီၤလၢအလိၤလီၤ. ၁၁ ဒီးတၢ်ကလုၢ် သီၣ်လီၤလၢမူခိၣ်ဒီးစံးဝဲဒၣ်, နဲဒၣ်အံၤနမ့ၢ်ယဖိခွါလၢယအဲၣ်, ဘၣ်ယသးလၢနၤလီၤ. ၁၂ ဒီးသးန့ၣ်မၢဆူၣ်အီၤဆူ ပှၢ်မုၢ်ကနၢတကီၢ်ခါလီၤ. ၁၃ ဒီးအိၣ်ဝဲလၢပှၢ်မုၢ်ကနၢန့ၣ် အသီလွံၢ်ဆံ, ဒီးဘၣ်တၢ်လ့ပစီလၢမုၣ်ကီၤလံၢ်, ဒီးအိၣ်ဝဲဒီးဆၣ်ဖိကီၢ်ဖိအမံၤ, ဒီးကလူးသ့ၣ်တဖၣ် ဟဲမၤအခ့အပှၤအတၢ်မၤလၢအဂီၢ်လီၤ. ၁၄ ဒီးစီၤယိၤဟၣ်ဘၣ်တၢ်ဟ့ၣ်လီၤကွံာ်အီၤအလီၢ်ခံန့ၣ်, ယ့ၣ်ၡူးဟဲဆူကၤလံၤလါ, ဒီးစံၣ်တဲၤတဲလီၤယွၤအဘီအမုၢ်အတၢ်သးခုအကစီၣ်, ၁၅ ဒီးစံးဝဲဒၣ်, အဆၢအကတီၢ်လၢထီၣ်ပှဲၤထီၣ်လံ, ဒီးယွၤအဘီအမုၢ်ဘူးထီၣ်လံ, ပီၢ်ယၢ်လီၤက့ၤသုသး, ဒီးစူၢ်က့ၤနာ်က့ၤတၢ်သးခုအကစီၣ်တက့ၢ်.
လါအ့ဖြ့ၣ် ၂၃–၂၉
တၢ်လုၢ်ဒိၣ်ပှ့ၤဒိၣ်တဖၣ်လၢ လံာ်စီဆှံအပူၤ | မၢ်ကူး ၃–၄
“တၢ်မၤဘျါက့ၤပှၤလၢ မုၢ်အိၣ်ဘှံးနံၤ”
(မၢ်ကူး ၃:၁, ၂) ဒီးလဲၤနုာ်ကဒီး ဝဲဆူဘူၣ်ဘျီၣ်ပူၤ, ဒီးပှၤလၢအစုဃ့ထီတခီ, အိၣ်ဝဲဖဲန့ၣ်တဂၤလီၤ. ၂ ဒီးလၢမုၢ်အိၣ်ဘှံးအနံၤန့ၣ်, မ့ၢ်အကမၤဘျါက့ၤတၢ် တမၤဘျါက့ၤတၢ်လဲၣ်န့ၣ်, ပှၤကွၢ်ဟုၣ်အီၤ, ဒ်သိးအကဆှိးအီၤလီၤ.
jy ကဘျံးပၤ ၇၈ အဆၢ ၁-၂
မုၢ်အိၣ်ဘှံးအနံၤန့ၣ် ပကြၢးမၤမနုၤလဲၣ်
မုၢ်အိၣ်ဘှံးအနံၤလၢအဂၤတနံၤန့ၣ် ယ့ၣ်ၡူး လဲၤနုာ်လီၤလၢဘူၣ်ဘျီၣ်ပူၤလီၤ. ကမ့ၢ်ဝဲဖဲကီၢ်ကၤလံၤလါလီၤ. ဖဲန့ၣ်အဝဲထံၣ်န့ၢ် ပှၤလၢအစုထွဲသံအိၣ်ဝဲတဂၤလီၤ. (လူၤကၣ် ၆:၆) ဘၣ်ဆၣ် ပှၤကွဲးလံာ်ဒီး ပှၤဖၤရံၤၡဲသ့ၣ်တဖၣ် ကွၢ်ဟုၣ်ဝဲယ့ၣ်ၡူးဒ်သိးကဃုဝဲ အတၢ်ကမၣ်လီၤ. ဘၣ်မနုၤအဃိလဲၣ်. အဝဲသ့ၣ် အတၢ်ပာ်သူၣ်ပာ်သးန့ၣ် ဖျါဝဲဖဲ အဝဲသ့ၣ်သံကွၢ်ယ့ၣ်ၡူး “လၢမုၢ်အိၣ်ဘှံးအနံၤတဖၣ်န့ၣ် မၤဘျါက့ၤတၢ်ဆါ ဘၣ်ကဂ့ၤဧါ.”—မးသဲ ၁၂:၁၀.
ပှၤယူဒၤဖိ အတၢ်ဘူၣ်တၢ်ဘါခိၣ်နၢ်တဖၣ် နာ်ဝဲလၢ မုၢ်အိၣ်ဘှံးနံၤန့ၣ် ကဘၣ်မၤဘျါ ထဲ ပှၤလၢတၢ်ဘၣ်ယိၣ်အိၣ်လၢ အသးသမူအဂီၢ်လီၤ. အဒိ ဖဲမုၢ်အိၣ်ဘှံးနံၤန့ၣ် ပှၤလၢအဃံကၢ် မ့တမ့ၢ် ပှၤအထူၣ်တလံာ်တဂၤ ပှၤတဘၣ်ဘိၣ်ထီၣ်န့ၢ်အီၤဘၣ်. တၢ်သ့ၣ်တဖၣ်န့ၣ် တမ့ၢ်တၢ်လီၤဘၣ်ယိၣ်လၢ အသးသမူအဂီၢ်ဘၣ်. ပှၤကွဲးလံာ်ဒီး ပှၤဖၤရံၤၡဲသ့ၣ်တဖၣ် သံကွၢ်တၢ်န့ၣ် တမ့ၢ်ဘၣ်ယိၣ်တၢ်လၢ ပှၤဆါလၢအလီၤသးကညီၤတဂၤန့ၣ်အဂီၢ်ဘၣ်. အဝဲသ့ၣ်အဲၣ်ဒိး ဃုဝဲယ့ၣ်ၡူးအတၢ်ကမၣ်အဃိလီၤ.
(မၢ်ကူး ၃:၃-၅) ဒီးစံးဘၣ်ပှၤလၢ အစုဃ့ထီတခီန့ၣ်, ဂဲၤဆၢထၢၣ်လၢ တၢ်သးကံၢ်ပူၤတက့ၢ်. ၄ ဒီးစံးဘၣ်ပှၤတဖၣ်န့ၣ်, တၢ်လၢမုၢ်အိၣ်ဘှံးအနံၤန့ၣ်, မ့ၢ်ပဂ့ၤမၤဂ့ၤတၢ်ဧါ, မ့ၢ်ပဂ့ၤမၤအၢတၢ်လဲၣ်. မ့ၢ်ပဂ့ၤအုၣ်က့ၤခီၣ်က့ၤ ပှၤအသးသမူဧါ, မ့ၢ်ပဂ့ၤမၤသံတၢ်လဲၣ်. ၅ ဒီးအဝဲသ့ၣ်အိၣ်ဘှီၣ်ကလာ်လီၤ.
jy ကဘျံးပၤ ၇၈ အဆၢ ၃
မုၢ်အိၣ်ဘှံးအနံၤန့ၣ် ပကြၢးမၤမနုၤလဲၣ်
ယ့ၣ်ၡူး သ့ၣ်ညါဝဲ အဝဲသ့ၣ်အတၢ်ကူၣ်လီၤ. အဝဲသ့ၣ်ညါစ့ၢ်ကီးလၢ ပှၤဖၤရံၤၡဲ တဖၣ်အတၢ်ပာ်သူၣ်ပာ်သးန့ၣ် အၢသီတလၢအခၢးဒီး တလီၤပလိာ်ဝဲဒီး လံာ်စီဆှံဘၣ်. တကးဒံးဘၣ် အဝဲသ့ၣ်စံးဝဲလၢ နမ့ၢ်မၤတၢ်တမံၤမံၤလၢ မုၢ်အိၣ်ဘှံးနံၤန့ၣ် နလုၢ်သ့ၣ်ခါပတာ် တၢ်သိၣ်တၢ်သီလီၤ. (၂ မိၤၡ့ ၂၀:၈-၁၀) ယ့ၣ်ၡူးန့ၣ် ဖဲအမၤဂ့ၤတၢ်အခါန့ၣ် ညီနုၢ်ထံၣ်ဘၣ်ဝဲထဲ ပှၤဃုထံၣ်အတၢ်ကမၣ်အဃိ ခဲအံၤန့ၣ် ဆၢထၢၣ်လၢ အဝဲသ့ၣ်အမဲာ်ညါဒူဒူ ဒီးမၢဝဲပှၤစုထွဲဃ့ထီတဂၤန့ၣ် “ဂဲၤဆၢထၢၣ်လၢ တၢ်သးကံၢ်ပူၤ” လီၤ.—မၢ်ကူး ၃:၃.
(မၢ်ကူး ၃:၅) ဒီးမ့ၢ်အသးအုးလၢအဝဲသ့ၣ် အသးကိၤဝဲအဃိဒီး, ကွၢ်တရံးအီၤလၢအသးထီၣ်, ဒီးစံးဘၣ် ပှၤကညီတဂၤန့ၣ်, ယူာ်ထီၣ်နစုတက့ၢ်. ဒီးယူာ်ထီၣ်ဝဲ, ဒီးအစုဘျါက့ၤဝဲလီၤ.
nwtsty တၢ်မၤနီၣ်လၢ မၢ်. ၃:၅
အသးအုး . . . အသးထီၣ်– မၢ်ကူးကွဲးနီၣ်ပာ်ဝဲ ဘၣ်ဃးဒီး ဖဲယ့ၣ်ၡူးထံၣ်ဘၣ် တၢ်ဘူၣ်တၢ်ဘါခိၣ်နၢ်တဖၣ် တအိၣ်ဒီးတၢ်သးကညီၤအခါ ယ့ၣ်ၡူးတူၢ်ဘၣ်ဝဲဒ်လဲၣ်န့ၣ်လီၤ. (မး. ၁၂:၁၃; လူၤ. ၆:၁၀) စီၤမၢ်ကူးကွဲးဝဲ ယ့ၣ်ၡူးအတၢ်တူၢ်ဘၣ်ဒ်အံၤတဖၣ်န့ၣ် ဘၣ်သ့ၣ်သ့ၣ် ကမ့ၢ်လၢစီၤပ့းတရူး တဲပၠးအီၤအဃိလီၤ.—ကွၢ် “တၢ်ကတိၤအိးထီၣ်လၢ လံာ်မၢ်ကူးအဂီၢ်.”
ခူၣ်ထီၣ်နီၢ်သးအတၢ်လုၢ်ဒိၣ်ပှ့ၤဒိၣ်တဖၣ်
(မၢ်ကူး ၃:၂၉) မ့မ့ၢ်ဖဲဒၣ်ပှၤလၢအကတိၤအၢဘၣ် သးစီဆှံတဂၤဂၤန့ၣ်, တၢ်တပျၢ်ဘၣ်အတၢ်ဒဲးဘး နီတခီၣ်ဘၣ်. မ့ၢ်အဂ့ၤဘၣ်ဝဲ တၢ်ဒဲးဘးအထူအယိာ်လီၤ.
nwtsty တၢ်မၤနီၣ်တဖၣ်လၢ မၢ်. ၃:၂၉
ပှၤလၢအကတိၤအၢဘၣ် သးစီဆှံ– တၢ်ကတိၤအၢန့ၣ် အဲၣ်ဒိးတဲဝဲ တၢ်ကတိၤဆါ, တၢ်မၤဘၣ်ဒိ မ့တမ့ၢ် တၢ်တဲဟးဂီၤယွၤဒီး တၢ်စီတၢ်ဆှံတမံၤမံၤလီၤ. သးစီဆှံန့ၣ် ဟဲလၢယွၤအအိၣ်လီၤ. အဃိ ပှၤမ့ၢ်ကတိၤထီဒါ မ့တမ့ၢ် ဂ့ၢ်လိာ်ဝဲ ယွၤအသးစီဆှံ အတၢ်မၤတဖၣ်န့ၣ် မ့ၢ်ပှၤမၤကမၣ်ယွၤလီၤ. မး. ၁၂:၂၄, ၂၈ ဒီး မၢ်. ၃:၂၂ ပာ်ဖျါဝဲလၢ ပှၤယူဒၤဖိ အတၢ်ဘူၣ်တၢ်ဘါခိၣ်နၢ်တဖၣ် ထံၣ်ဘၣ်ဝဲယ့ၣ်ၡူးမၤဝဲတၢ်လီၤလးလၢ ယွၤအသးစီဆှံသနာ်က့ အဝဲသ့ၣ်တဲဝဲဒၣ်လၢ တၢ်စိတၢ်ကမီၤတဖၣ်အံၤဟဲလၢ စၤတၣ်မုၣ်ကီၤလံၢ်အအိၣ်န့ၣ်လီၤ.
တၢ်ဒဲဘးအထူအယိာ်– န့ၣ်အဲၣ်ဒိးတဲဝဲ ပှၤကတုၤလၢ တၢ်ဟးဂီၤလီၤထူလီၤယိာ်လီၤ. တၢ်လုၢ်လၢကကျၢၢ်ဘၢတၢ်ဒဲးဘးအံၤန့ၣ် တအိၣ်နီတမံၤဘၣ်.—လၢလံာ်စီဆှံအဆၢအံၤအပူၤ ကွၢ်တၢ်မၤနီၣ်လၢ ပှၤလၢအကတိၤအၢဘၣ် သးစီဆှံ ဒီးတၢ်ဂ့ၢ်လၢအလီၤဂာ်လိာ်အသးဒီးအီၤ, တၢ်မၤနီၣ်လၢ မး. ၁၂:၃၁ န့ၣ်တက့ၢ်.
(မၢ်ကူး ၄:၂၆-၂၉) ဒီးစံးဝဲဒၣ်, ယွၤအဘီအမုၢ်အံၤမၤအသးဒ်အံၤ, မၤအသး ဒ်ပှၤကညီဖှံလီၤတၢ်ချံလၢဟီၣ်ခိၣ်, ၂၇ ဒီးမံ, ဒီးဂဲၤဆၢထၢၣ်လၢမုၢ်နၤဒီးလၢမုၢ်ဆါ, ဒီးတၢ်ချံမဲထီၣ်, ဒီးဒိၣ်ထီၣ်ဒ်လဲၣ်ဒ်လဲၣ်န့ၣ်, တသ့ၣ်ညါဘၣ်ဝဲဘၣ်အသိးလီၤ. ၂၈ အဂ့ၢ်ဒ်အံၤ, ဟီၣ်ခိၣ်ဒုးမဲထီၣ်ဒၣ်အတၤသၣ်, အခီၣ်ထံးန့ၣ်အလၣ်, လၢခံက့ၤအစဲၤ, လၢခံက့ၤဒီး, အသၣ်ပှဲၤထီၣ်လၢအစဲၤလိၤလီၤ. ၂၉ ဒီးတုၤအသၣ်ဂီၤထီၣ်ဒီး, ပှၤကူးဝဲလၢထါဂဲာ်တကီၢ်ခါလီၤ. အဂ့ၢ်ဒ်အံၤ, ကူးဘုအကတီၢ်ဘၣ်လံဝဲလံ.
တၢး၁၄ ၁၂/၁၅ ကဘျံးပၤ ၁၂-၁၃ အဆၢ ၆-၈
န ‘နၢ်ပၢၢ်တၢ်ကွဲးအသး’ ဧါ
၆ ဘၣ်ဃးဒီး တၢ်အဒိအံၤန့ၣ် ပမၤလိန့ၢ်ဘၣ်တၢ်မနုၤလဲၣ်. တၢတမံၤန့ၣ် ပကဘၣ်အၢၣ်လီၤတူၢ်လိာ်လၢ ပမၤဆူၣ် ပှၤမၤလိလံာ်စီဆှံဖိတဖၣ် ဒ်သိးကဒိၣ်ထီၣ်ထီထီၣ်လၢ နီၢ်သးတခီ တသ့ဘၣ်. ပမ့ၢ်အိၣ်ဒီး တၢ်ဆီၣ်လီၤသးန့ၣ် ကမၤစၢၤပှၤဒ်သိး ပသုတမၢဆူၣ် ပပှၤမၤလိလံာ်စီဆှံဖိလၢ ကဒိးဘျၢထံန့ၣ်ဘၣ်. တသ့ဖဲအသ့န့ၣ် ပမၤစၢၤအဝဲသ့ၣ် ဘၣ်ဆၣ် လၢတၢ်ဆီၣ်လီၤသးအပူၤ ပအၢၣ်လီၤတူၢ်လိာ်လၢ ပှၤလၢကဘၣ်မၤ တၢ်ဆၢတဲာ်လၢ ကဟ့ၣ်လုၢ်ထီၣ်အသး လၢယဟိဝၤယွၤအအိၣ်န့ၣ် မ့ၢ်ဒၣ်ပပှၤမၤလိလံာ်စီဆှံဖိလီၤ. တၢ်ဟ့ၣ်လုၢ်ထီၣ်သးလၢယွၤအအိၣ်န့ၣ် ကဘၣ်မ့ၢ်လၢ တၢ်သူၣ်အိၣ်သးအိၣ်အပူၤ ဒီးကဘၣ်ဟဲခီဖျိလၢ တၢ်အဲၣ်ယွၤအဃိန့ၣ်လီၤ. မ့တမ့ၢ်ဘၣ်န့ၣ် ယဟိဝၤယွၤတတူၢ်လိာ်ဝဲဘၣ်.—စံး. ၅၁:၁၂; ၅၄:၆; ၁၁၀:၃.
၇ ခံမံၤတမံၤ, ပမ့ၢ်ဆိကမိၣ်ထံ တၢ်အဒိအံၤန့ၣ် ကမၤစၢၤပှၤဒ်သိး ပမ့ၢ်တထံၣ်ဘၣ် တၢ်လဲၤထီၣ်လဲၤထီလၢ ပတၢ်မၤအပူၤသနာ်က့ ပသးသုတလီၤဘှံးတဂ့ၤအဂီၢ်လီၤ. ပကဘၣ်အိၣ်ဒီး တၢ်သူၣ်စူၤသးစူၤလီၤ. (ယၤ. ၅:၇, ၈) ပဂုာ်ကျဲးစၢးလၢအဂ့ၤကတၢၢ်ဘၣ်ဆၣ် တၢ်မ့ၢ်တၢ်တီအချံ မ့ၢ်တဒိၣ်ထီၣ်လၢ ပပှၤမၤလိလံာ်စီဆှံအသးကံၢ်ပူၤဘၣ်န့ၣ် အခီပညီတမ့ၢ်လၢ ပတမ့ၢ်ပှၤသိၣ်လိတၢ်လၢအဂ့ၤဒံးဘၣ်. ထဲဒၣ်ပှၤလၢ အအိၣ်ဒီးတၢ်ဆီၣ်လီၤသးဒီး သးအိၣ်ဆီတလဲအတၢ်အိၣ်မူန့ၣ် ယဟိဝၤယွၤ ဟ့ၣ်အခွဲးလၢတၢ်မ့ၢ်တၢ်တီအချံ ကဒိၣ်ထီၣ်ဝဲလၢ အသးပူၤန့ၣ်လီၤ. (မး. ၁၃:၂၃) အဃိ ပတၢ်စံၣ်တဲၤတဲလီၤတၢ်မၤ ကဲထီၣ်လိၣ်ထီၣ်ဧါ, တကဲထီၣ်လိၣ်ထီၣ်ဧါန့ၣ် ပတကြၢးထိၣ်ဒွးကွၢ်လၢ ပှၤဒိးဘျၢထံပှဲၤဂၤလဲၣ်န့ၣ်ဘၣ်. ဒီးပတၢ်စံၣ်တဲၤတဲလီၤတၢ်မၤ ကဲထီၣ်လိၣ်ထီၣ်ထဲလဲၣ်န့ၣ် ယဟိဝၤယွၤ တကွၢ်ဝဲလၢ ပပှၤမၤလိလံာ်စီဆှံဖိ လဲၤထီၣ်လဲၤထီထဲလဲၣ်န့ၣ်ဘၣ်. လၢတၢ်န့ၣ်အလီၢ် ယဟိဝၤယွၤ ကွၢ်ဝဲဒၣ်ပတၢ်ဂုာ်ကျဲးစၢးလီၤ.—ဖး လူၤကၣ် ၁၀:၁၇-၂၀; ၁ ကရံၣ်သူး ၃:၈ တက့ၢ်.
၈ သၢမံၤတမံၤ, တၢ်ဆီတလဲလၢ ပှၤတဂၤအသးကံၢ်ပူၤန့ၣ် ပထံၣ်န့ၢ်အီၤတသ့ဘၣ်. အဒိ, ပှၤနီၢ်ဒီမါဝၤခံဂၤလၢ အမၤလိလံာ်စီဆှံဒီး မံးၡ့ၣ်နရ့ၣ် တဂၤန့ၣ်တဲဝဲလၢ အဝဲသ့ၣ် အဲၣ်ဒိးကဲထီၣ် ပှၤစံၣ်တဲၤတဲလီၤတၢ်ဖိလီၤ. ဒီးမံးၡ့ၣ်နရ့ၣ် တဲအီၤလၢ အဝဲသ့ၣ်ကဘၣ် ပာ်ပတုာ်ကွံာ်တၢ်အီမိာ်လီၤ. ပှၤနီၢ်ဒီမါဝၤခံဂၤအံၤ တဲဘၣ်အီၤလၢ အဝဲသ့ၣ်တအီမိာ်လၢာ်ဘၣ်န့ၣ် အိၣ်တဘျုးလါလံ. အဃိ မံးၡ့ၣ်နရ့ၣ်တဂၤအံၤ ကမၢကမၣ်ဝဲဒိၣ်မးလီၤ. ဘၣ်မနုၤအဃိ အဝဲသ့ၣ် မၤဝဲဒ်အံၤလဲၣ်. အဝဲသ့ၣ်သ့ၣ်ညါဝဲလၢ မ့ၢ်အီမိာ်န့ၣ် ယဟိဝၤယွၤထံၣ်ဝဲဒီး အဝဲသးဟ့ဝဲ တၢ်ပာ်မၤသးန့ၣ်လီၤ. အဃိ အဝဲသ့ၣ်ပာ်လီၤအသးလၢ မ့ၢ်အီမိာ်န့ၣ် ကအီဝဲလၢ မံးၡ့ၣ်နရ့ၣ် အမဲာ်ညါ, မ့ၢ်တအီဘၣ်န့ၣ် မံးၡ့ၣ်နရ့ၣ်တဂၤအံၤ အလီၢ်ခံမ့ၢ်ဂ့ၤ အမဲာ်ညါမ့ၢ်ဂ့ၤ တအီဝဲဘၣ်. အဝဲသ့ၣ် အတၢ်အဲၣ်ယွၤန့ၣ် မၤစၢၤအီၤဒ်သိး ကမၤတၢ်ဆၢတဲာ်လၢအဘၣ်လီၤ. ဖဲ မံးၡ့ၣ်နရ့ၣ်တဂၤအံၤ တပာ်သူၣ်ပာ်သးဝဲအခါန့ၣ် အဝဲသ့ၣ်လဲၤထီၣ်လဲၤထီလၢ နီၢ်သးတခီ ဒီးမၤဝဲတၢ်ဆီတလဲလံ.
တၢ်ဖးလံာ်စီဆှံ
(မၢ်ကူး ၃:၁-၁၉) ဒီးလဲၤနုာ်ကဒီး ဝဲဆူဘူၣ်ဘျီၣ်ပူၤ, ဒီးပှၤလၢအစုဃ့ထီတခီ, အိၣ်ဝဲဖဲန့ၣ်တဂၤလီၤ. ၂ ဒီးလၢမုၢ်အိၣ်ဘှံးအနံၤန့ၣ်, မ့ၢ်အကမၤဘျါက့ၤတၢ် တမၤဘျါက့ၤတၢ်လဲၣ်န့ၣ်, ပှၤကွၢ်ဟုၣ်အီၤ, ဒ်သိးအကဆှိးအီၤလီၤ. ၃ ဒီးစံးဘၣ်ပှၤလၢ အစုဃ့ထီတခီန့ၣ်, ဂဲၤဆၢထၢၣ်လၢ တၢ်သးကံၢ်ပူၤတက့ၢ်. ၄ ဒီးစံးဘၣ်ပှၤတဖၣ်န့ၣ်, တၢ်လၢမုၢ်အိၣ်ဘှံးအနံၤန့ၣ်, မ့ၢ်ပဂ့ၤမၤဂ့ၤတၢ်ဧါ, မ့ၢ်ပဂ့ၤမၤအၢတၢ်လဲၣ်. မ့ၢ်ပဂ့ၤအုၣ်က့ၤခီၣ်က့ၤ ပှၤအသးသမူဧါ, မ့ၢ်ပဂ့ၤမၤသံတၢ်လဲၣ်. ၅ ဒီးအဝဲသ့ၣ်အိၣ်ဘှီၣ်ကလာ်လီၤ. ဒီးမ့ၢ်အသးအုးလၢအဝဲသ့ၣ် အသးကိၤဝဲအဃိဒီး, ကွၢ်တရံးအီၤလၢအသးထီၣ်, ဒီးစံးဘၣ် ပှၤကညီတဂၤန့ၣ်, ယူာ်ထီၣ်နစုတက့ၢ်. ဒီးယူာ်ထီၣ်ဝဲ, ဒီးအစုဘျါက့ၤဝဲလီၤ. ၆ ဒီးပှၤဖၤရံၤၡဲသ့ၣ်တဖၣ်န့ၣ် ဟးထီၣ်ကွံာ် တကီၢ်ခါ, ဒီးဒ်သိးအကမၤဟးဂီၤအီၤ ဒ်လဲၣ်ဒ်လဲၣ်န့ၣ်, ကူၣ်လိာ်အသးဒီးပှၤဟ့ၤရိာ်ဖိတဖၣ်ထီဒါအီၤလီၤ. ၇ ဒီးယ့ၣ်ၡူးဒီးအပျဲၢ်အဘီၣ်တဖၣ်, ဟးထီၣ်ကွံာ်ဝဲဆူပီၣ်လဲၣ်နံၤ, ဒီးပှၤဂီၢ်မုၢ်ဖးဒိၣ်လၢ ကၤလံၤလါပိာ်ထီၣ်အခံ, ဒီးပှၤလၢကီၢ်ယူဒၤ, ၈ ဒီးလၢယရူၤၡလ့ၣ်, ဒီးလၢကီၢ်အဒိၣ်, ဒီးလၢယၢ်ဒ့ၣ်ဝၢ်ဘးခီတဖၣ်, ဒီးပှၤအိၣ်ဝဲလၢ စိၢ်ဒီးစံဒိၣ် အဃၢၤတဖၣ်, ပှၤဂီၢ်မုၢ်ဖးဒိၣ်တုၤအနၢ်ဟူအမၤတၢ် ဒ်လဲၣ်ဒ်လဲၣ်ဒီး, ဟဲဆူအအိၣ်လီၤ. ၉ ဒီးစံးဘၣ်အပျဲၢ်အဘီၣ် ဒ်သိးချံတဘ့ၣ်ကပိာ် အခံလၢပှၤဂီၢ်မုၢ်အဃိ, ဒ်သိးအသုတဆီၣ်သနံးအီၤတဂ့ၤလီၤ. ၁၀ အဂ့ၢ်ဒ်အံၤ, မၤဘျါက့ၤပှၤအါဂၤ တုၤဒၣ်လဲာ် ဖဲဒၣ်ပှၤလၢတၢ်ဆါအီၤတဖၣ်, ဟဲသဖှိဆူအအိၣ်ဒ်သိး အကထိးဘၣ်အီၤလီၤ. ၁၁ ဒီးတၢ်နါတဖၣ်, တုၤအထံၣ်ဘၣ်အီၤဒီး, ထိၣ်လီၤပှီၤအသးလၢ အခီၣ်ထံး, ဒီးကိးပသူထီၣ်ဒီးစံးဝဲဒၣ်, နဲဒၣ်အံၤနမ့ၢ်ယွၤအဖိခွါလီၤ. ၁၂ ဒီးမၤလိာ်အီၤ အါမးဒ်သိးအသုတမၤဖျါထီၣ်အီၤတဂ့ၤလီၤ. ၁၃ ဒီးလဲၤထီၣ်ဝဲဆူကစၢၢ်တဖျၢၣ်အလိၤ, ဒီးဖဲဒၣ်အဘၣ်အသးကိးန့ၢ်ပှၤတဖၣ်, ဒီးအဝဲသ့ၣ် ဟဲဆူအအိၣ်လီၤ. ၁၄ ဒီးပာ်ထီၣ်ပှၤတဆံခံဂၤ ဒ်သိးအကအိၣ်ဒီးအီၤ, ဒီးဒ်သိးအကမၢအလဲၤစံၣ်တဲၤတဲလီၤတၢ်, ၁၅ ဒီးဒ်သိး အကအိၣ်ဒီးအစိအကမီၤလၢအကမၤဘျါက့ၤတၢ်ဆူးတၢ်ဆါ, ဒီးဟီထီၣ်ကွံာ်တၢ်နါတဖၣ်လီၤ. ၁၆ ဒီးကိးက့ၤစီၤၡံမိၣ်အမံၤသီလၢ စီၤပ့းတရူး, ၁၇ ဒီးကိးက့ၤစီၤစ့းဘ့းဒဲအဖိခွါစီၤယၤကိာ်, ဒီးစီၤယၤကိာ်အဒီပုၢ်ဝဲၢ် စီၤယိၤဟၣ်အမံၤသီလၢ ဘအၤန့ၢ်က့း, ဒ်ပစံးတၢ်အသိး, လီသီၣ်အဖိခွါ, ၁၈ ဒီးစီၤအၣ်ဒရ့း, ဒီးစီၤဖံလံးပူး, ဒီးစီၤဘၢ်သလီမဲ, ဒီးစီၤမးသဲ, ဒီးစီၤသိၤမါ, ဒီးစီၤအၤလဖဲအဖိခွါစီၤယၤကိာ်, ဒီးစီၤသးဒဲ, ဒီးပှၤကနၤနံဖိစီၤၡံမိၣ်, ၁၉ ဒီးစီၤယူဒၤအံၣ်စကၤရံၤအိာ်, လၢအဟ့ၣ်လီၤကွံာ်စ့ၢ်ကီးအီၤလီၤ.
လါအ့ဖြ့ၣ် ၃၀–လါမ့ၤ ၆
တၢ်လုၢ်ဒိၣ်ပှ့ၤဒိၣ်တဖၣ်လၢ လံာ်စီဆှံအပူၤ | မၢ်ကူး ၅–၆
“ယ့ၣ်ၡူးအိၣ်ဒီး အစိအကမီၤလၢ ကမၤသမူထီၣ်က့ၤ ပှၤသံတ့ၢ်လၢပအဲၣ်ဘၣ်အီၤတဖၣ်”
(မၢ်ကူး ၅:၃၈) ဒီးလဲၤနုာ်ဆူပှၤဘူၣ်ဘျီၣ်အခိၣ်အဟံၣ်ပူၤ, ဒီးထံၣ်တၢ်ကလာ်အဲးအဲး, ဒီးပှၤဟီၣ်တၢ်ယၢၤတၢ်, ဒီးပှၤကဲးပသူကဲးပသီ.
(မၢ်ကူး ၅:၃၉-၄၁) ဒီးလဲၤနုာ်ဝဲ, ဒီးစံးဘၣ်အီၤ ဘၣ်မနုၤလၢ သုကလာ်တၢ်အဲးအဲး ဒီးဟီၣ်တၢ်ယၢၤတၢ်လဲၣ်. တမ့ၢ်ဘၣ်ပိာ်မုၣ်ဖိသၣ်သံဘၣ်, မ့ၢ်အမံသပ့ၤလီၤ. ၄၀ ဒီးအဝဲသ့ၣ်နံၤဘၣ်ဖၣ်လဲအီၤလီၤ. ဒီးအဝဲဒၣ်ဟီထီၣ်ကွံာ်အီၤခဲလၢာ်, ဒီးဟံးန့ၢ်ဖိသၣ်အမိၢ်ဒီး အပၢ်ဒီးပှၤအိၣ်ဒီးအသိးတဖၣ်, ဒီးလဲၤနုာ်ဆူဖိသၣ်အိၣ်ဝဲအလီၢ်လီၤ. ၄၁ ဒီးဟံးဖိသၣ်အစု, ဒီးစံးဘၣ်အီၤ, တၤလံၤသၤကူမံၤ, ဒ်ပစံးတၢ်အသိး, ပိာ်မုၣ်ဖိသၣ်ဧၢ, ယစံးဘၣ်နၤ, ဂဲၤဆၢထၢၣ်တက့ၢ်.
nwtsty တၢ်မၤနီၣ်လၢ မၢ်. ၅:၃၉
တ . . . သံဘၣ်, မ့ၢ်အမံသပ့ၤလီၤ– တဘျီတခီၣ် တၢ်သံန့ၣ် လံာ်စီဆှံထိၣ်သတြီၤဝဲလၢ တၢ်မံလီၤ. (စံး. ၁၃:၃, ယိၤ. ၁၁:၁၁-၁၄; မၤတၢ်. ၇:၆၀; ၁ ကရံၣ်. ၇:၃၉, ၁၅:၅၁, ၁ သ့း. ၄:၁၃) ယ့ၣ်ၡူး မၤသမူထီၣ်က့ၤဝဲ ပိာ်မုၣ်ဖိသၣ်အသးသမူသ့ဝဲလီၤ. ယ့ၣ်ၡူးတဲဝဲဒ်အံၤန့ၣ် မ့ၢ်လၢအဝဲအဲၣ်ဒိးပာ်ဖျါထီၣ်ဝဲလၢ ဒ်ပှၤမံဘၣ်အသးယံာ်ယံာ်တဂၤ နလဲၤကိးပၢၢ်ထီၣ်အီၤသ့အသိး ပှၤသံတ့ၢ်တဂၤစ့ၢ်ကီး က့ၤသမူထီၣ်က့ၤဝဲသ့န့ၣ်လီၤ. ယ့ၣ်ၡူးအစိအကမီၤလၢ အမၤသမူထီၣ်ဝဲပိာ်မုၣ်ဖိသၣ်န့ၣ် ဟဲခီဖျိလၢအပၢ် “လၢအနာ်ဝဲလၢအမၤမူထီၣ်ပှၤသံဒီး ကိးတၢ်တအိၣ်ဘၣ် ဒ်အအိၣ်အသိး” တဂၤအအိၣ်လီၤ.—ရိ. ၄:၁၇.
(မၢ်ကူး ၅:၄၂) ဒီးပိာ်မုၣ်ဖိသၣ်န့ၣ် ဂဲၤဆၢထၢၣ်, ဒီးဟးဝဲတကီၢ်ခါလီၤ. အဂ့ၢ်ဒ်အံၤ, အနံၣ်အိၣ်တဆံခံနံၣ်လီၤ. ဒီးအဝဲသ့ၣ်တဖၣ် ပာ်အသးကမၢကမၣ်ဒိၣ်နီၢ်မးလီၤ.
jy ကဘျံးပၤ ၁၁၈ အဆၢ ၆
ပိာ်မုၣ်ဖိသၣ်တဂၤလၢ အသမူထီၣ်က့ၤဝဲ
ဒ်ညီနုၢ်အသိး တဘျီအံၤစ့ၢ်ကီး ယ့ၣ်ၡူးမၤလိာ်ဝဲ ပိာ်မုၣ်ဖိသၣ် အမိၢ်အပၢ်လၢ တၢ်လၢအဝဲမၤတ့ၢ်ဝဲတဖၣ်န့ၣ် တဘၣ်ဟးတဲဘၣ်ပှၤနီတဂၤဘၣ်. သနာ်က့ ခီဖျိလၢအမိၢ်အပၢ်သးခုဒိၣ်မး ဒီးပှၤအါဒံအါဂၤနၢ်ဟူ ဒီးရၤလီၤဝဲအဃိ တၢ်ကစီၣ်အံၤဟူထီၣ်သါလီၤလၢ “ကီၢ်ဒီကီၢ်ညါ” န့ၣ်လီၤ. (မးသဲ ၉:၂၆) ပှၤလၢပအဲၣ်ဘၣ်အီၤတဂၤ မ့ၢ်သမူထီၣ်က့ၤန့ၣ် နကအဲၣ်ဒိးတဲဘၣ်ပှၤအဂၤလၢ တၢ်သူၣ်ခုသးခုဒိၣ်ဒိၣ်အပူၤတမ့ၢ်ဧါ. တၢ်ကွဲးနီၣ်အံၤမ့ၢ် တၢ်ကွဲးနီၣ်ခံခါတခါလၢ ယ့ၣ်ၡူးမၤသမူထီၣ်က့ၤပှၤသံန့ၣ်လီၤ.
ခူၣ်ထီၣ်နီၢ်သးအတၢ်လုၢ်ဒိၣ်ပှ့ၤဒိၣ်တဖၣ်
(မၢ်ကူး ၅:၁၉, ၂၀) ဒီးတဒုးအိၣ်အီၤဘၣ်. မ့မ့ၢ်စံးဘၣ်အီၤ, က့ၤက့ၤဆူနဟံၣ်, ဆူနတံၤနသကိး, ဒီးဖဲဒၣ်ကစၢ်မၤနၤဒီးသးကညီနၤန့ၣ်, စံးဘၣ်တဲဘၣ်အဝဲသ့ၣ်တက့ၢ်. ၂၀ ဒီးက့ၤဝဲ, ဒီးဖဲဒၣ်ယ့ၣ်ၡူးမၤအီၤတဖၣ်န့ၣ်, စံးဘၣ်တဲဘၣ်ဝဲလၢ ဒ့းကၤပလံၣ်အပူၤ, ဒီးပှၤခဲလၢာ်ကမၢကမၣ်ဝဲလီၤ.
nwtsty တၢ်မၤနီၣ်လၢ မၢ်. ၅:၁၉
စံးဘၣ်တဲဘၣ်အဝဲသ့ၣ်– ညီနုၢ်န့ၣ် ယ့ၣ်ၡူးမၤလိာ်ဝဲဒ်သိး ပှၤသုတတဲဘၣ်ပှၤဂၤလၢ အဝဲမၤတၢ်လီၤလးအဂ့ၢ်န့ၣ်လီၤ. (မၢ်. ၁:၄၄; ၃:၁၂; ၇:၃၆) သနာ်က့ တဘျီအံၤ အဝဲမၢပှၤတဂၤန့ၣ်လၢ ကက့ၤတဲဘၣ် အဘူးအတံၢ်တဖၣ်လၢ အဝဲမၤတၢ်လီၤလးအံၤအဂ့ၢ်န့ၣ်လီၤ. မ့ၢ်လၢပှၤဖဲန့ၣ်သ့ၣ်တဖၣ် မၢ ယ့ၣ်ၡူး ဟးထီၣ်ကွံာ်ဖဲန့ၣ်အဃိ ယ့ၣ်ၡူးဒုးနဲၣ်တၢ်အုၣ်အသးတသ့လၢၤဘၣ်. ဒီးဘၣ်သ့ၣ်သ့ၣ် ကမ့ၢ်လၢ ယ့ၣ်ၡူး ကအဲၣ်ဒိးဒုးသ့ၣ်ညါပှၤဖဲန့ၣ်တဖၣ် တၢ်မ့ၢ်တၢ်တီဘၣ်ဃးဒီး ထိးတဖုလီၤမၢ်ကွံာ်အဃိလီၤ.
(မၢ်ကူး ၆:၁၁) ဒီးဖဲဒၣ်ပှၤလၢအတတူၢ်လိာ်ဘၣ်သု, ဒီးတကနၣ်ဘၣ်သု, ဒီးတကနၣ်ဘၣ်သုကလုၢ်ဘၣ်န့ၣ်, တုၤသုဟးထီၣ်ကွံာ်ဖဲန့ၣ်ဒီး, ဒ်သိးအကကဲထီၣ် တၢ်အုၣ်အသးလၢအဂ့ၢ်ဒီး, တြုၤလီၤကွံာ်ဟီၣ်ခိၣ်အကမူၣ်လၢ သုခီၣ်အဖီလာ်တက့ၢ်.
nwtsty တၢ်မၤနီၣ်လၢ မၢ်. ၆:၁၁
တြုၤလီၤကွံာ်ဟီၣ်ခိၣ်အကမူၣ်လၢ သုခီၣ်အဖီလာ်– မ့ၢ်တၢ်ပနီၣ်လၢ အပာ်ဖျါထီၣ်ဝဲလၢ အဝဲသ့ၣ် ပူၤဖျဲးဒီး ယွၤအတၢ်စံၣ်ညီၣ်လီၤ. တၢ်ကတိၤလၢအလီၤဂာ်ဒ်အံၤန့ၣ် ပထံၣ်ဘၣ်အီၤဖဲ မး. ၁၀:၁၄, လူၤ. ၉:၅ အပူၤစ့ၢ်ကီးလီၤ. မၢ်ကူး ဒီးလူၤကၣ် ထၢနုာ်အါထီၣ်ဝဲ တၢ်ကတိၤလၢအမ့ၢ် တၢ်အုၣ်အသးလၢ [မ့တမ့ၢ် “ထီဒါ”] အဝဲသ့ၣ်အဂီၢ်လီၤ. အဃိ စီၤပီလူး ဒီးစီၤဘးနါဘၤ မၤထွဲဝဲတၢ်ကတိၤအံၤ ဖဲကီၢ်ဖံၤစံဒံယၤ ဝ့ၢ်အၣ်တံၤအီာ်အပူၤလီၤ. (မၤတၢ် ၁၃:၅၁) ဖဲဝ့ၢ်ကရံၣ်သူးန့ၣ် စီၤပီလူး တြုၤလီၤကွံာ် ဟီၣ်ခိၣ်ကမူၣ်လၢအကူအသိး ဒီးစံးဘၣ်အဝဲသ့ၣ်လၢ “မ်သုသွံၣ်ဘၣ်လၢသုခိၣ်ဒၣ်ဝဲတက့ၢ်, ယကဆှီယဲလီၤ.” (မၤတၢ် ၁၈:၆) ဘၣ်ဃးဒီးတၢ်ဂ့ၢ်အံၤန့ၣ် အပျဲၢ်အဘီၣ်တဖၣ်နၢ်ပၢၢ်ဝဲ ဂ့ၤဂ့ၤလီၤ. ဖဲပှၤယူဒၤဖိလၢအအဲၣ်ယွၤတဖၣ် လဲၤတၢ်က့ၤတၢ်လၢ တၢ်လီၢ်အဂၤဝံၤ ဟဲက့ၤနုာ်လီၤကဒါက့ၤဆူ ယူဒၤအကီၢ်ပူၤအခါ တၢ်ဘၣ်အၢမ့ၢ်အိၣ်လၢ အခီၣ်ဖံးအလိၤန့ၣ် အဝဲသ့ၣ်ဆိကမိၣ်လၢ ကဘၣ်တြူၤလီၤကွံာ်တၢ်ဘၣ်အၢအံၤန့ၣ်လီၤ. ဘၣ်ဆၣ် ဖဲယ့ၣ်ၡူးတဲဝဲတၢ်ကတိၤအံၤအခါ အဲၣ်ဒိးစံးဝဲအခီပညီလၢ အဂၤတမံၤလီၤ.
တၢ်ဖးလံာ်စီဆှံ
(မၢ်ကူး ၆:၁-၁၃) ဒီးဟးထီၣ်ကွံာ်ဖဲန့ၣ်, ဒီးက့ၤက့ၤဝဲဆူ အကီၢ်ဒၣ်ဝဲ, ဒီးအပျဲၢ်အဘီၣ်ပိာ်အခံလီၤ. ၂ ဒီးဘၣ်မုၢ်အိၣ်ဘှံးအနံၤ, ဒီးသိၣ်က့ၤသီက့ၤတၢ်လၢဘူၣ်ဘျီၣ်ပူၤလီၤ. ဒီးပှၤနၢ်ဟူတၢ်အါဂၤ, ဒီးပာ်အသးကမၢကမၣ်, ဒီးစံးဝဲဒၣ်, အဝဲတဂၤအံၤ, မ့ၢ်အန့ၢ်ဘၣ်တၢ်န့ၣ်တဖၣ်ဖဲလဲၣ်. ဒီးတၢ်ကူၣ်သ့ကူၣ်ဘၣ်လၢတၢ်ဟ့ၣ်လီၤအီၤန့ၣ်, မ့ၢ်ဒ်လဲၣ်. ဒီးတၢ်လီၤလးလၢအမၤအသးလၢ အစုပူၤထဲထဲအံၤန့ၣ်ကဲထီၣ်ဒ်လဲၣ်. ၃ ပှၤအံၤမ့ၢ်ပှၤစုသ့ နီၢ်မၤရံအဖိခွါ, တမ့ၢ်ဘၣ်ဧါ. မ့ၢ်စီၤယၤကိာ်, စီၤယိၤစ့, ဒီးစီၤယူဒၤ, ဒီးစီၤၡံမိၣ်အဒီပုၢ်ဝဲၢ်, တမ့ၢ်ဘၣ်ဧါ. ဒီးအဒီပုၢ်ဝဲၢ်မုၣ်တဖၣ်အိၣ်လၢပသိးဖဲအံၤ, တမ့ၢ်ဘၣ်ဧါ. ဒီးအသးဆါထီၣ်လၢအဃိလီၤ. ၄ ဒီးယ့ၣ်ၡူးစံးဘၣ်အီၤ, တၢ်လၢဝံဧိၤမီၣ်ဧိၤ, တမ့ၢ်ဘၣ်အလၤအကပီၤ တအိၣ်ဘၣ်န့ၣ်ဘၣ်. အလၤကပီၤ တအိၣ်ဘၣ်ထဲလၢအထံအကီၢ်ဒၣ်ဝဲအပူၤန့ၣ်ဧိၤလီၤ. ၅ ဒီးမ့တမ့ၢ်ဘၣ်အပာ်လီၤ အစုလၢပှၤတအိၣ်ဆူၣ်အိၣ်ချ့ဘၣ်စှၤဂၤအလိၤဒီး မၤဘျါက့ၤအီၤဘၣ်ဒီး, မၤတၢ်လီၤလးဖဲန့ၣ်တသ့ဘၣ်နီတမံၤဘၣ်. ၆ ဒီးကမၢကမၣ်ဝဲလၢ ပှၤတနာ်ဘၣ်တၢ်အဃိလီၤ. ဒီးဟးဝ့ၤဝီၤသိၣ်က့ၤသီက့ၤ တၢ်လၢသဝီတဖၣ်အပူၤလီၤ. ၇ ဒီးကိးန့ၢ် အပျဲၢ်အဘီၣ် တဆံခံဂၤန့ၣ်, ဒီးမၢအလဲၤတၢ်ခံဂၤခံဂၤန့ၣ်လီၤ. ဒီးဟ့ၣ်လီၤအီၤလၢ တၢ်အစိအကမီၤလၢ တၢ်နါတဖၣ်အဖီခိၣ်လီၤ. ၈ ဒီးမၤလိာ်အီၤ, လၢမ့တမ့ၢ်နီၣ်ထိးဘိဘၣ်ဒီး, အသုတစိာ်တၢ်လၢ ကျဲအဂီၢ်, ထၢၣ်မ့ၢ်ဂ့ၤ, ကိၣ်မ့ၢ်ဂ့ၤ, တိၢ်လၢယီၢ်တကိးအပူၤမ့ၢ်ဂ့ၤန့ၣ်တဂ့ၤ. ၉ မ့မ့ၢ်လၢအကသိးခီၣ်ဖံး, ဒီးသုတသိးဆ့ခံဘ့ၣ်တဂ့ၤလီၤ. ၁၀ ဒီးစံးဘၣ်အီၤ, ဖဲအလီၢ်လၢသုလဲၤနုာ်ဆူဟံၣ်တဖျၢၣ်ဖျၢၣ်အပူၤဒီး, အိၣ်ဖဲန့ၣ်တုၤသု ဟးထီၣ်ကွံာ်လၢ အလီၢ်ဖဲန့ၣ်တက့ၢ်. ၁၁ ဒီးဖဲဒၣ်ပှၤလၢအတတူၢ်လိာ်ဘၣ်သု, ဒီးတကနၣ်ဘၣ်သု, ဒီးတကနၣ်ဘၣ်သုကလုၢ်ဘၣ်န့ၣ်, တုၤသုဟးထီၣ်ကွံာ်ဖဲန့ၣ်ဒီး, ဒ်သိးအကကဲထီၣ် တၢ်အုၣ်အသးလၢအဂ့ၢ်ဒီး, တြုၤလီၤကွံာ်ဟီၣ်ခိၣ်အကမူၣ်လၢ သုခီၣ်အဖီလာ်တက့ၢ်. ယစံးဘၣ်တဲဘၣ်သုတီတီအံၤ, လၢတၢ်စံၣ်ညီၣ်အမုၢ်တနံၤန့ၣ်, စဒိၣ်ဒီးဂမိၤရၤကဘၣ်တၢ်ဘီၣ်န့ၢ်ဝ့ၢ်တဖျၢၣ်န့ၣ်တက့ၢ်လီၤ. ၁၂ ဒီးအဝဲသ့ၣ်တဖၣ်ဟးထီၣ်, ဒီးစံၣ်တဲၤတဲလီၤတၢ်လၢ ပှၤဘၣ်ပီၢ်ယၢ်လီၤက့ၤ အသးလီၤ. ၁၃ ဒီးဟီထီၣ်ကွံာ်တၢ်နါအါဒု, ဒီးဖှူပှၤတအိၣ်ဆူၣ်အိၣ်ချ့ ဘၣ်လၢသိအါဂၤ, ဒီးမၤဘျါက့ၤအီၤလီၤ.