တၢ်လုၢ်ဒိၣ်ပှ့ၤဒိၣ်တဖၣ်လၢ လံာ်စီဆှံအပူၤ | ၂ မိၤၡ့ ၂၅–၂၆
တၢ်ဖိတၢ်လံၤလၢ အရ့ဒိၣ်ကတၢၢ်လၢ ဒဲစီဆှံအပူၤ
တလါန့ၣ် မ့ၢ်တၢ်အရ့ဒိၣ်ကတၢၢ်လၢ ဒဲစီဆှံ ဒီးပှၤအံၣ်စရ့လးဖိတဖၣ်အဂီၢ်လီၤ. တၢ်အၢၣ်လၢအအိၣ်လၢ ခ့ရူာ်ခံဘ့ၣ်အဘၢၣ်စၢၤ လၢတၢ်အၢၣ်လီၤအီလီၤအတလါအဖီခိၣ်န့ၣ် ပာ်ဖျါထီၣ်ဝဲလၢ ကစၢ်ယွၤဟဲလီၤဝဲလီၤ. တနံၣ်တဘျီ ဖဲတၢ်မၤဘၣ်လိာ်ဖိးဒ့က့ၤတၢ် အမုၢ်နံၤန့ၣ် ဒ်သိးပှၤအံၣ်စရ့လးဖိတဖၣ် အတၢ်ဒဲးဘးကပျၢ်အဂီၢ် ပှၤလုၢ်တၢ်ခိၣ်အဒိၣ်ကတၢၢ်န့ၣ် ဘၣ်လဲၤနုာ်လီၤဝဲလၢ ဒၢးလၢအစီဆှံကတၢၢ်အပူၤ ဒီးဘၣ်ဖှံဝဲ ဂီၤဖံးဖါ ဒီးသိဖါအသွံၣ်လၢ တလါအမဲာ်ညါလီၤ. (၃ မိၤ. ၁၆:၁၄, ၁၅) တၢ်အံၤမ့ၢ် တၢ်ပာ်ဖျါဆိပာ်စၢၤလၢ ပှၤလုၢ်တၢ်ခိၣ်အဒိၣ်ကတၢၢ် ယ့ၣ်ၡူးန့ၣ် ကက့ၤထီၣ်ဆူမူခိၣ် လၢယဟိဝၤယွၤအအိၣ် ဒ်သိးကဟ့ၣ်ဝဲ အတၢ်ဟ့ၣ်လုၢ်ထီၣ်သး အလုၢ်အပှ့ၤအဂီၢ်လီၤ.—ဧ့ၤ. ၉:၂၄-၂၆.
ခီဖျိလၢတၢ်ပှ့ၤက့ၤအဃိ ပဒိးန့ၢ်ဘၣ်တၢ်ဆိၣ်ဂ့ၤတဖၣ်န့ၣ် ပာ်ဖှိၣ်အီၤဒီး လံာ်စီဆှံအဆၢတဖၣ်အံၤတက့ၢ်
လံာ်စီဆှံအဆၢ
တၢ်ဆိၣ်ဂ့ၤတဖၣ်
တၢ်မုၢ်လၢ်လၢ ပကအိၣ်မူဘၣ်လီၤထူလီၤယိာ်
ပတၢ်ဒဲးဘးဘၣ်တၢ်ပျၢ်ကွံာ်
ပအိၣ်ဒီးသးလၢအသ့ၣ်ညါဒၣ်တၢ်လၢ အကဆှီ
ဒ်သိးပကဒိးန့ၢ်ဘၣ် တၢ်ဆိၣ်ဂ့ၤတဖၣ်အံၤအဂီၢ် ပကဘၣ်မၤတၢ်မနုၤလဲၣ်.