တၢ်ဂ့ၢ်အဂၤလၢ တၢးထီခိးတၢ် အပူၤ
ပဒီပုၢ်ဝဲၢ်မုၣ်ခွါအါဂၤန့ၣ် သူဝဲ JW Library® လၢကဖး ဒီးကတဲာ်ကတီၤပာ်စၢၤ တၢးထီခိးတၢ် တၢ်မၤလိ လၢတၢ်အိၣ်ဖှိၣ်အဂီၢ်. တကးဒံးဘၣ်လၢ တၢးထီခိးတၢ် လၢတၢ်မၤလိအဂီၢ်န့ၣ် အိၣ်ဒီး တၢ်ဂ့ၢ်အဂၤတဖၣ် လၢအသန့ၤထီၣ်သးလၢ လံာ်စီဆှံ. နကဖးဘၣ် တၢ်ဂ့ၢ်အဂၤတဖၣ်အံၤအဂီၢ် နကဘၣ်ဃုအီၤလၢ JW Library အပူၤ. နကဘၣ်ဃုအီၤဒ်လဲၣ်.
လၢ တၢးထီခိးတၢ် လံာ်တၢ်မၤလိ အဖီလာ်န့ၣ် အိၣ်ဒီး တၢ်ဂ့ၢ်ခိၣ်တီ လၢအမ့ၢ် “တၢ်ဂ့ၢ်အဂၤလၢ နဖးအီၤသ့.” ဖဲတၢ်ဂ့ၢ်ခိၣ်တီတခါန့ၣ် အဖီလာ်န့ၣ် ဆီၣ်လီၤ လ့း (link) လၢအမ့ၢ် “တၢ်ဂ့ၢ်အဂၤလၢ လံာ်အံၤအပူၤ.” ကွၢ်ကဒါက့ၤတၢ်ဂ့ၢ် လၢတၢးထီခိးတၢ်အံၤအပူၤ ဒီးဖဲန့ၣ် နကထံၣ်ဘၣ် တၢ်မၤလိ တခါဘၣ်တခါ အနီၣ်ဂံၢ် ဒီးအခိၣ်တီ. ဝံၤဘျီ ဆီၣ်လီၤ တၢ်ဂ့ၢ်ခိၣ်တီတခါခါလၢ နဘၣ်သးဖး.
နမ့ၢ်အိးထီၣ်လၢ JW Library န့ၣ်နကထံၣ်ဘၣ် “What’s New” အဃိ တၢးထီခိးတၢ် မဲးကစံအသီတဘ့ၣ်ဘ့ၣ် မ့ၢ်ဟဲထီၣ်န့ၣ် နကဘၣ်ဒီလိးအီၤ. နဒီလိး မဲးကစံမ့ၢ်ဝံၤန့ၣ် အိးထီၣ်အီၤ ဒီးကွၢ်တၢ်ဂ့ၢ် လၢတၢးထီခိးတၢ်အပူၤ ဒီးဃုကွၢ်တၢ်ဂ့ၢ်လၢ နဘၣ်သးဖး တခါခါ.