Makanisi ya kusadila samu na ndongokolo

Nge kebakaka mambote na bansasulu ya baverse ya Biblia yina kevuandaka na Buku ya bolukiluki mpo na Batatoli ya Yehova?

Bansasulu yango lenda sadisa nge nge kota na mpinda na kati ya Mpova ya Nzambi. Yalenda tubila mutindu mambu lutilaka ntangu mambu yina verse mosi yina Biblia metubila salamaka, samu na yinki yasonamaka, nani fueti sadila yau, to mfunu ya bampova to ya bafraze mosi.

Watchtower BIBLOTEKI NA INTERNET^™ mpe JW Library^® kesadisa nge nge mona mbala mosi bareferanse yina kele na verse mosi ya Biblia na nzila ya Buku ya bolukiluki. Nge lenda mona bareferanse yango na Babiblia nionso yina kele na kati.

Ntangu nge kena kusadila bareferanse yango, tula dikebi na badate. Masolo ya yimpa kemonanaka na zulu. Na yinsi, yakele na masolo ya ntama yina kele na mbakusulu yina bamepesilaka bansasulu ya yimpa.

• Bareferanse ya verse mosi yina kele na Buku ya bolukiluki kebimaka mbala mosi na Watchtower BIBLOTEKI NA INTERNET.

• Samu na kumona bareferanse ya verse mosi na JW Library, telesharje Buku ya bolukiluki mpe salaka ba mises à jour na yau kana bamebuela bima ya yimpa. Nge lenda sala yau na kusadilaka buton yina kele na zulu ya ndongokolo ya konso kikapu ya Biblia.