Longaka na mutindu ya pete

Mambu yina Yesu salaka

VIDEO: Yesu mepesa kifuani ya dikebi yina Tata na beto ketudilaka beto

1. Tala VIDEO, to tanga Matayo 6:25-27. Na manima tadila biuvu yayi melanda:

1. inki kifuani Yesu sadilaka samu na kumonisa ti Yehova ketudilaka beto dikebi?

2. Atako Yesu zabaka mambu mingi samu na bandeke, na yinki diambu ya pete yina metadila bandeke yandi tudilaka dikebi? Samu na yinki yavuandaka mutindu ya mbote ya kulonga?

Yinki dilongi beto mebaka na kifuani ya Yesu?

2. Kana beto kena kulonga na mutindu ya pete, bantu kezimbakana ve mambu yina beto longaka bau mpe beto kesimba bantima na bau.

Landa kifuani ya Yesu

3. Kutubaka mingi ve. Na kisika ya kutuba mambu nionso yina metadila disolo yango, tula dikebi nde na mambu yina kele na mukanda yina beno kena kulonguka. Na manima ya kuyuvusa kiuvu, vingila na ntima yinda nionso nlonguki na nge pesa mvutu. Kana yandi zaba ve mvutu to yandi metuba diambu yina kele ve na nguizani na malongi ya Biblia, sadila biuvu yankaka samu na kusadisa yandi yandi kanisa na zulu ya mambu beno kena kulonguka. Kana nlonguki mebakusa kaka dibanza ya ngudi, beno luta na diambu yankaka.

4. Sadila mambu yina nlonguki na nge zabaka deja samu na kusadisa yandi na kubakusa malongi ya yimpa. Na kifuani, tekila kubanda dilongi yina metubila mfutumukunu, nge lenda vutukila na nkufi mambu yina nlonguki longukaka deja samu na yina kekuminaka muntu kana yandi mekufua.

5. Sadila bifuani na dikebi. Tekila nge sadila kifuani mosi, kukiyuvusa:

1. ‘Kifuani yango kele pete?’

2. ‘Nlonguki na munu kebakusa yau na pete nionso?’

3. ‘Yakesadisa nlonguki na munu samu yandi bika zimbakana makanisi ya ngudi​—kasi kaka ve kifuani?’