Bampova ya ebandeli ya Kitini 4

Kitini yayi kena kutubila Yozefi, Yobi, Moize, mpe Bayisaele. Bau nionso bakangaka mpenza ntima na bampasi yina Diabulu bimisinaka bau. Bayankaka kati na bau kutanaka na mambu ya kukondua lunungu, bayankaka kotaka buloko, bayankaka kuendaka na kinanga, mpe bayankaka kutu kufuaka. Kasi Yehova taninaka bau na mitindu mesuasana. Kana nge kele kibuti, sadisa muana na nge yandi bakusa mutindu bisadi yango ya Yehova niokuamaka na kutaninaka kiminu na bau.

Yehova tindaka Bampasi kumi samu na kumonisa ti yandi kele na kilendo kuluta banzambi nionso ya Ezipito. Mona mutindu Yehova taninaka bisadi na yandi ya ntama mpe mutindu yandi ketaninaka bisadi na yandi bubu yayi.