Yesu me tula bunkete na tempelo

Na ntangu ya bamvula ya mvula 30 ya N.B, Yesu kwendaka na Yeruzalemi. Bantu mingi kwizaka kuna samu na mukembo ya Pake. Kupesa bibulu na munkayulu na tempelo vandaka na kati ya bamambu yina ba vanda salaka na mukembo yayi. Bantu ya nkaka kwizaka na bibulu, kasi ba ya nkaka sumbaka yawu na Yeruzalemi.

Ntangu Yesu kwendaka na tempelo, yandi talaka bantu vanda teka bibulu kuna. Ba vanda sala mumbungu na yinzo ya lusambu ya Yehova! Yinki Yesu salaka? Yandi yidikaka shikoti mpe yandi bingisaka mameme na bangombe na tempelo. Yandi balulaka bamesa ya bantu yina vanda sobaka mbongo mpe yandi losaka bambongo ya bawu na ntoto. Yesu zonzaka na bantu yina vanda tekisa mabembe: ‘Beno kwenda na bima yayi ntama na awa! Beno kukumisa ve yinzo ya Tata ya munu kisika ya mumbungu!’

Na tempelo, bantu kamwaka na mambu yina Yesu salaka. Bilandi ya yandi bambukaka na mbikudulu yina vanda zonzila Masiya: ‘Yandi ke vanda na tiya ya kulutila samu na yinzo ya Yehova.’

Na mvula 33 ya N.B., Yesu tulaka dyaka bunkete na mbala ya zole na tempelo. Yandi pesaka ve ata muntu nzila ya kuvweza yinzo ya Tata ya yandi.