Yesu me vutuka na zulu

Yesu kutanaka na bilandi ya yandi na Galile. Yandi pesaka bawu musiku ya mfunu mingi: ‘Beno kwenda mpe beno kumisa bantu ya makanda nyonso bilandi. Beno longa bawu mambu nyonso yina mu longaka beno, mpe beno botika bawu.’ Yandi pesaka bawu nsilulu: ‘Beno kuzimbana ve, mu ke vanda na beno ntangu nyonso.’

Na manima ya kuvumbuka na lufwa, Yesu talanaka na mingi ya bilandi ya yandi na Galile mpe na Yeruzalemi na kati ya bilumbu 40. Yandi longaka bawu bileso ya mfunu mpe yandi salaka bimangu mingi. Na manima, Yesu talanaka na bantumwa ya yandi samu na mbala ya nsuka, na Mongo ya bayinti ya Olive. Yandi zonzaka: ‘Beno kukatuka ve na Yeruzalemi. Beno tatamana na kuvingila kima yina Tata pesaka nsilulu.’

Kasi bantumwa bakulaka ve mambu yina yandi vanda zonza. Ba yufulaka yandi: ‘Ntangu yayi nge me kuma kwandi Mfumu ya Izraele?’ Yesu vutulaka: ‘Ntangu yina Yehova soolaka ti mu kuma Mfumu nabunu ya kuma. Ntama mingi ve beno ke kuzwa ngolo na nzila ya mpeve ya santu, mpe beno ke kuma bambangi ya munu. Beno kwenda samuna na Yeruzalemi, na Zude, mpe na bizunga ya kulutila ntama na zulu ya ntoto.’

Na manima Yesu kwendaka na zulu mpe dituti kangaka yandi. Bilandi ya yandi vanda bika ve kutala na zulu, kasi yandi kwendaka.

Na manima, ba bikaka Mongo ya bayinti ya Olive mpe ba kwendaka na Yeruzalemi. Ba vanda vukanaka ntangu nyonso na yinzo mosi na etaje mpe ba vanda sambilaka. Ba vanda vingila Yesu pesa bawu misiku ya nkaka.