Bamambu ya kulongoka na kitini 14

Bakristo ya ntete samunaka nsangu ya mbote ya Kimfumu tii na bizunga ya kulutila ntama na zulu ya ntoto. Yesu zonzaka na bawu wapi kisika ba zolaka samuna mpe na nzila ya kimangu yandi pesaka bawu makoki ya kulonga na bandinga mingi. Yehova pesaka bawu bukindi mpe ngolo ya kukanga ntima na mantwala ya bankwamusu ya ngolo.

Yesu pesaka ntumwa Yoane kimona-meso yina vanda lakisa nkembo ya Yehova. Na kimona-meso ya nkaka, Yoane talaka Kimfumu ya mazulu nungaka Satana mpe sukisaka lutumu ya yandi samu na ntangu nyonso. Yoane talaka Yesu vanda yala mutindu Mfumu kintwadi na ba 144 000. Yandi talaka ntoto nyonso vanda kuma paradiso mpe bantu vanda sambila Yehova na kizunu mpe bumosi.