Vanda na bukindi . . . Zonza

Yinki Yesu salaka

VIDEO: Yesu ke na samunaka Zashe

1. Tala VIDEO, to tanga Luke 19:1-7. Na manima, kanisa na byuvu yayi:

1. Nge me kanisa ti bantu mingi vanda zolaka kusolola na Zashe? Samu na yinki?

2. Yinki nataka Yesu na kusosa kusolola na yandi?

Yinki beto lenda longoka na kifwani ya Yesu?

2. Beto ke na nsatu ya bukindi samu na kusamuna nsangu ya Kimfumu na bantu nyonso.

Landa kifwani ya Yesu

3. Sikidila na Yehova. Mpeve ya Nzambi pesaka na Yesu ngolo ya kusamuna. Ya lenda sadisa mpe nge. (Mat. 10:19, 20; Luke 4:18) Lomba na Yehova bukindi ya kusamuna bantu yina lenda pesa nge boma.​—Bis. 4:29.

4. Kuvanda ve na makanisi ya yimbi na bantu tekila nge zaba bawu. Kutala faso muntu kele, kisalu ya yandi, lubaku ya yandi, luzingu yina yandi ke nataka to dibuundu ya yandi, lenda kanga nge nzila na kusosa kubanda disolo na yandi. Kasi kuzimbana ve:

1. Beto ke ve na makoki ya kutanga bantima mutindu Yehova na Yesu.

2. Muntu nyonso lenda kuzwa lubakusu ya Yehova.

5. Vanda na bukindi, kasi lakisa buzitu mpe sala keba. (Mat. 10:16) Kusosa ve kukwamisa bantu. Tula nsuka na disolo na buzitu nyonso, kana muntu ke na zolaka ve kuwa nsangu ya mbote to kana kisika nge kele, nge na talaka ti mambu ya yimbi lenda kumina nge.​—Bin. 17:14.