Bantwenya—Beno fungula bantima ya beno nyonso na bibuti ya beno

Samu na yinki nge me lunga kuzonzila bibuti ya nge nyonso yina ke na nge na ntima? (Bin 23:26) Samu ti ni na bawu Yehova pesá kisalu ya kukipe nge mpe ya kutwadisa nge. (Nku 127:3, 4) Ya ke vanda mpasi na bawu na kusadisa nge kana nge zonzila ve bawu mambu nyonso yina ke na nge na ntima, mpe mambu yina ke na kwamisá nge. Dyaka, nge ke kuzwa ve bweso ya kuzaba bamambu yina luzingu me longa bawu. Ya ke kwandi yimbi na kubumbila bibuti ya nge mambu ya nkaka? Ve, kasi keba: Kuvuna ve bibuti ya nge mpe kubumbila ve bawu mambu yina ba me lunga kuzaba.—Bin 3:32.

Wapi mutindu nge lenda solola na bibuti ya nge? Sola ntangu yina ke vanda mbote samu na nge mpe samu na bawu. Kana ya ke mpasi na nge na kusolola na bibuti ya nge, sonika bamambu yina nge ke na kanisá na mukanda mpe pesa yawu na mosi ya bawu. Yinki nge ke sala kana ba ke na nsatu ya kuzonzila mambu yina nge ke ve na nsatu ya kuzonzila? Kuzimbana ve ti ba ke na nsatu ya kubakisa nge. Kutala ve bibuti ya nge faso ba-ennemi, kasi faso bantu yina beno lenda sala kintwadi. Bangolo yina nge ke sala na kuzonzila pwelele bibuti ya nge mambu yina ke na nge na ntima, ke sadisa nge luzingu ya nge nyonso—luzingu ya ntangu nyonso!—Bin 4:10-12.

LUTISA VIDEO NA BUNTWENYA YA MUNU—WAPI MUTINDU MU LENDA SOLOLA NA BIBUTI YA MUNU? MPE NA MANIMA, YUFULA BYUVU YAYI:

• 

  Yinki Esther na Partik kwizá zaba na yina me tadila bawu mosi?

• 

  Yinki nge lenda longoka na kifwani ya Yesu?

• 

  Wapi mutindu bibuti ya nge me lakisa ti ba ke zolá nge mingi?

• 

  Wapi malongi ya Biblia lenda sadisa nge na kusolola na bibuti ya nge?