ZINGA MUTINDU BAKRISTO ME FWANA KUZINGA

Bafaso tatu ya kutudila Yehova ntima

Davidi nungá Goliati samu yandi tudilá Yehova ntima. (1Sa 17:45) Yehova ke na nsatu ya kulakisa ngolo ya yandi samu na bisadi ya yandi. (2Ns 16:9) Wapi mutindu beto lenda tula ntima na ngolo ya Yehova, na kisika ya kutula ntima na mayela mpe na ngolo ya beto mosi? Beto zonzila bafaso tatu ya kusala yawu:

Sambila mingi. Kusambila ve Yehova kaka samu yandi lemvokila nge na mambu ya yimbi yina nge me sala, kasi sambila mpe yandi na kuzwa ngolo ntangu ntima ya nge ke na sosá kunata nge na kusala mambu ya yimbi. (Mt 6:12, 13) Kusambila ve Yehova kaka samu yandi sakumuna mikanu yina nge ke baká. Tekila (avant) nge baka balukanu ya nge, sambila yandi samu yandi twadisa nge, mpe yandi pesa nge mayela ya kubaka mikanu ya mbote.—Zk 1:5
Vanda na kifu ya kutangá mpe ya kulongoká Biblia. Tanga Biblia bilumbu nyonso. (Nku 1:2) Baka ntangu ya kuyindula na bifwani ya luzingu ya bantu yina ke na Biblia, mpe sadila yawu na luzingu ya nge. (Zk 1:23-25) Na kisika ya kutula ntima na bamambu yina nge zaba na kisalu ya kusamuna, yidama mbote-mbote tekila nge kwenda na kisalu ya kusamuna. Ya tsyeleka nge ke kuzwa bambote ya balukutakanu ya kimvuka, kana nge ke na kifu ya kuyidamá mbote-mbote
Tambula kintwadi na organisation ya Yehova. Vanda na kifu ya kuzaba bamambu ya malu-malu yina organisation ya Yehova ke zonzá na nge samu na kutwadisa nge, mpe sadila yawu mbala mosi. (Kut 9:17) Kuwa malongi yina bakuluntu ke pesá nge.—Ebr 13:17

Basoda me kanga mpangi mosi ya bakala na mantwala ya bampangi ya nkaka, mpe na mantwala ya ba-journaliste.

LUTISA VIDEO BETO ME LUNGA VE KUVANDA NA BOMA YA BANKWAMUSU, MPE NA MANIMA YUFULA BYUVU YAYI:

• Wapi mambu pesá bampangi yayi boma?

• Yinki sadisá bawu na kuvanda dyaka ve na boma?