ZINGA MUTINDU BAKRISTO ME FWANA KUZINGA
Kumisa ngolo kiminu ya nge na Biblia
Mambu ya Nzambi lenda soba luzingu ya beto. (Ebr 4:12) Kasi, samu na kuzwa bambote ya lutwadusu mpe malongi ya yawu, beto me bonga kuvanda ya kundima ti ya ke “Mambu ya Nzambi.” (1Te 2:13) Wa’ faso beto lenda kumisa ngolo kiminu ya beto na Biblia?
Tanga kitini ya Biblia bilumbu nyonso. Na ntangu nge ke na tangá, sosa bamambu yina ke na lakisá ti ya katuká na Yehova. Na kifwani, tala mbote-mbote malongi yina ke na kati ya buku ya Bingana mpe tala mfunu ya ndwenga ya yawu samu na beto tii bubu yayi.—Bin 13:20; 14:30.
Longoka mambu yina ke kumisa ngolo kiminu ya nge na Biblia. Sosa kuzaba mbote bamambu yina ke na lakisá ti ni Nzambi natá bantu na kusonika yawu. Na kati ya Guide de recherche pour les Témoins de Jéhovah, sosa “ La Bible. ” Na manima, sosa “ Inspirée par Dieu. ” Kutala bamambu yina ke na kati ya Appendice A3 ya La Bible. Traduction du monde nouveau lenda kumisa kimunu ya nge ngolo na kuzaba ti mambu yina ke na kati ya Biblia me soba ve.
TALA VIDEO SAMU NA YINKI BETO KE NA KIMINU . . . NA BIBLIA, MPE NA MANIMA PESA MVUTU NA BYUVU YAYI:
Wa’ faso bisoni yina ba talá na kibaka ya tempelo mosi na Karnaki na Ezipte, ke na lakisá butsyeleka ya mambu ya Nzambi?
Wa’ faso beto zaba ti mambu yina ke na kati ya Biblia me soba ve?
- Wa’ faso kuzaba ti Biblia ke kaka ti bubu yayi ke na lakisá nge ti ya ke mambu ya Nzambi?—Tanga Izaya 40:8