Nge ke sadilá kwandi mbote audio ya Biblia?

Yinki ke audio ya Biblia? Ya kele La Bible. Traduction du monde nouveau yina nge lenda kuwa. Ba ke na basik’ yawu malembe-malembe na bandinga mingi. Mosi ya bamambu ya mbote na yina me tadila audio ya Biblia ke ti ba ke sadilá bandinga ya mutindu na mutindu samu na konso muntu ya disolo yina ba ke na zonzilaka. Ba ke tangá mambu ya Biblia na faso ya mbote mpe na mutindu yina ke lakisá kilengi, nkele to mpasi yina vandá na bantu yina ba ke na zonzilaka.

Wapi bambote nge ke kuzwa na kuwa audio ya Biblia? Bantu yina ke kuwá mingi audio ya Biblia ke zolá yawu samu Mambu ya Nzambi ke kumá mutindu ya ke na salamá na mantwala ya bawu. Ba ke talá ti ntangu ba ke kuwá bandinga ya mutindu na mutindu, ya ke sadisá bawu na kutala mbote faso bamambu salamá, mpe kubakula Biblia mbote-mbote. (Bin 4:5) Ya ke mpe na bantu mingi yina ke talá ti ntangu ba ke kuwá audio ya Biblia, ya ke pesá bawu kizunu na ntima.​—Nku 94:19.

Kuwa mambu ya Nzambi yina ba ke na tangá na ndinga ya ngolo lenda sadisa beto mingi na luzingu. (2Ns 34:19-21) Kana Biblia nyonso to kaka kitini ya yawu ke na ndinga yina nge ke zonzá, nge lenda bwela yawu na kati ya bima ya kimpeve yina nge ke salá ntangu nyonso.

TALA VIDEO MUTINDU BA KE SALAKA AUDIO YA BIBLIA​—NDAMBU, MPE NA MANIMA PESA MVUTU NA KYUVU YAYI:

Yinki ke na simbá ntima ya nge ntangu nge ke talá mutindu ba ke basisá audio ya Biblia?