ZINGA MUTINDU BAKRISTO ME FWANA KUZINGA
Yehova ke vuukisá ba yina ke ya kulwala na makanisi
Ntangu ya nkaka bantu nyonso ke vandá na mawa. Kuvanda na mawa zola zonza ve ti beto ke dyaka ve na kiminu na Yehova. Ata Yehova lakisá ti ntangu ya nkaka yandi ke vandá na mawa. (Kub 6:5, 6) Kasi yinki beto lenda sala kana ntangu nyonso beto ke vandá kaka na basusi ya kulutila?
Sosa lubakusu na Yehova. Yehova ke sepelá mingi na kuzaba yina ke na makanisi ya beto. Yandi zaba ntangu beto ke vandá na kilengi mpe ntangu beto ke vandá na mawa. Yandi zaba yinki me nata beto na kukanisa mpe kusala mambu. (Nku 7:9b) Ya kulutila mfunu, Yehova ke na kyadi ya beto mpe lenda sadisa beto na kununga mawa to kimbevo yina ke natá na manyongo ya kulutila (dépréssion).—Nku 147:3.
Bumba makanisi ya nge. Ntangu beto ke vandá na makanisi ya yimbi, ya lenda katula kaka ve beto kilengi, kasi ya lenda bebisa mpe kindiku ya beto na Yehova. Na yawu, ya ke mbote beto bumba ntima ya beto, makanisi ya beto.—Bin 4:23.
TALA VIDEO WAPI MUTINDU BAMPANGI YA BETO KE NA ZINGÁ NA KIZUNU ATA NA KATI YA KIMBEVO YINA KE NATÁ NA MANYONGO YA KULUTILA, MPE NA MANIMA PESA MVUTU NA BYUVU YAYI:
Yinki Nikki salá samu na kunwana na kimbevo yina ke natá na manyongo ya kulutila?
Samu na yinki Nikki kwizá tala ti yandi vandá na nsatu ya lubakusu ya dokotolo?—Mt 9:12
Yinki ke na lakisá ti Nikki tulá ntima na Yehova samu yandi sadisa yandi?