Sala bizizi yina ke sadisa nge na kubambuka bamambu yina nge me longoka

Kaka mutindu mingi na kati ya beto, ya ke kwandi mpasi na nge na kubambuka bamambu yina nge me longoka? Ya ke pete na beto na kubambuka bamambu mingi yina Yesu longaka beto samu ti bambala mingi yandi vanda sadila bifwani. Beto lenda kanisa na bifwani yina yandi sadilaka mpe ya ke sadisa beto na kubambuka na malongi yina yandi longaka. Mutindu mosi, nge lenda bambuka bamambu mingi yina nge me longoka kana nge sala bizizi. Wa’ faso nge lenda sala yawu? Yidika bizizi ntangu nge ke na longokaka.

Bantu yina ke salaka bizizi ya bima ya malu-malu yina ba ke na longokaka, ya ke vandaka ve mpasi na bawu na kubambuka bamambu yina ba me longoka na yawu. Kusala faso yayi ke sadisaka bawu na kubakula ve kaka faso ba me sonika bamambu kasi mpe yinki ya zola zonza. Beto ke ve na nsatu ya kuvanda na mayela mingi samu na kusala yawu. Kusala bizizi me sadisa mpe bantu ya ntangu ya ntama na kubambuka bamambu yina ba longokaka.

Na kulongoka ya nge ya Biblia yina ke landa, nge lenda sala mwa bizizi ya bamambu yina nge me longoka. Ya lenda kamwisa nge na kutala mutindu nge ke na kubambuka bamambu yina nge me longoka!