Ya ke kwandi na kilumbu yina ba ke bakila bantu ya bampusu nyonso faso mosi? Yinki Biblia ke zonzaka?

Samu na bantu mingi, ya ke kaka ndosi yina lenda lungana ve.

• António Guterres Secrétaire général ya ONU zonzaka: “Tii bubu yayi, faso ya kubakila bantu ya bampusu nyonso ke kaka mambu ya nene na yinza mpe na kati-kati ya bantu.”

Ya ke kwandi na kilumbu yina ba ke bakila bantu ya bampusu nyonso faso mosi? Yinki Biblia ke zonzaka?

Faso Nzambi ke tadilá bantu ya bampusu nyonso

Biblia ke lakisá beto faso Nzambi ke tadilá bantu ya bampusu nyonso.

• “[Nzambi] yidikaka bantu ya makanda nyonso, mpe tulaka bawu na ntoto ya muvimba.”—Bisalu 17:26.

• “Nzambi ke talaka bantu nyonso mutindu mosi. Ni yawu yina, na konso yinsi, muntu yina ke zitisaka Nzambi mpe ke salaka mambu ya kudedama ke yangidikaka Nzambi.”—Bisalu 10:34, 35.

Biblia ke lakisá beto ti bantu nyonso ke kaka dikanda mosi mpe Nzambi ke ndimá bantu ya mutindu nyonso.

Yinki ke sala ti bantu ya bampusu nyonso vanda faso mosi?

Kaka ni Kimfumu ya Nzambi yina ke na mazulu ke sala ti bantu ya bampusu nyonso vanda faso mosi. Luyalu ya Nzambi ke longa bantu faso ya mbote ya kubakila bampangi nyonso. Bantu ke longoka faso ya kulosa kifu ya kuyiná bampangi yina ke ve mpusu mosi na bawu.

• ʻBantu ya yinsi ke longoka lunungu.ʼ—Izaya 26:9.

• ʻMbuma yina lunungu ya tsyeleka ke buta ke vanda kizunu, mpe mbuma ya lunungu ya tsyeleka ke vanda kizunu ya ntangu nyonso mpe lukengolo.ʼ—Izaya 32:17.

Bubu yayi, bantu mingi ke na longoká na nzila ya Biblia faso ya kubakila bampangi na buzitu nyonso.

• Samu na kuzaba dyaka mingi, tanga Réveillez-vous! yina ke zonzaka: “Y a-t-il un remède contre les préjugés?”

• Samu na kuzaba wa’ faso bibuti lenda solola na bana ya bawu na yina me tadila mambu yabampusu, tanga disolo: “Comment parler de racisme à votre enfant”