Nunga kifu ya kuvandaka kaka nge mosi na kusadisaka bampangi—⁠Yina Biblia ke zonzaka

Na yinza nyonso, bantu mingi ke talaka ti ba ke kaka bawu mosi mpe ti bawu ke ve na bampangi. Ba yina ke tadilaka manbu ya mavimpi ke zonzaka ti kusadisa bampangi lenda sadisa na kununga kifu yayi.

• “Kusadisa bantu yina ke na nsatu ya lubakusu lenda sadisa beto na kubongisa luzingu ya beto mpe kununga kifu yayi ya kutalaka ti beto ke kaka beto mosi.”—US Institut national de la santé.

Biblia ke pesaka beto malongi ya mbote yina lenda sadisa beto na kupesa lubakusu na bampangi. Kusadila malongi yayi lenda sadisa beto na kununga kifu ya kutalaka ti beto ke kaka beto mosi.

Yinki nge lenda sala

Vanda na kifu ya kukabulaka. Sosa bafaso yina nge lenda lutisa ntangu na bampangi, sosa kutalana na bawu. Vanda na kifu ya kukabulaka na bawu yina ke na nge. Kana nge sala mutindu yina, ya ke nata bawu na kuvutula matondo mpe ni yina lenda sala ti beno kuma bandiku.

• Dilongi ya Biblia: “Beno vanda na kifu ya kukabulaka, mpe bantu ke kabula beno.”—Luke 6:38.

Sadila ngolo ya nge na kusadisa bampangi. Sosa bafaso yina nge lenda sadisa ba yina ke na lutisaka bantangu ya mpasi. Ya zola zonza kubaka ntangu ya kuwa bawu to kupesa bawu lubakusu yina ba ke na yawu nsatu.

• Dilongi ya Biblia: ‘Ndiku ya tsyeleka ke zolaka konso tangu.’—Bingana 17:17, Mbalula ya Nsi-Ntonto ya Mpa

Samu na kuzaba dyaka mingi na faso yina nge lenda sala samu na kubumba kindiku ya mbote na bampangi, tanga disolo “La vie de famille et les amitié.”