Kizunu na yinza—Samu na yinki ya ke mpasi?

Mvutu ya Biblia

Bantu ke na biká ve na kusala bangolo samu na kunata kizunu na yinza, kasi mambu mingi ke na salá ti ba lenda ve:

• ‘Muntu yina ke tambula lenda twadisa ve kitambi ya yandi mosi.’ (Yeremia 10:23) Ba yidiká to ba salá ve bantu samu na kutwadisa to kuyala, na yawu ba lenda nata ve kizunu ya tsyeleka.

• ‘Beno tula ve ntima na bamfumu; to na muntu, yina lenda vuukisa ve. Ntangu ba ke fwá, ba ke vutuká na ntoto; kaka na kilumbu yina mabanza ya yandi ke zimbanaka.’ (Nkunga 146:3, 4, nwt-MK) Bamfumu ya yinza, ata ba yina ke na makanisi ya mbote, lenda bongisa ve bamambu yina ke na natá bamvita.

• “Na bilumbu ya nsuka, bampasi ke lutila. Bantu ke vwanda . . . na myangu, mpe ke vwanda bambeni ya mambu ya mbote, bawu ke funda bampangi, bawu ke sala mambu ya kulutila yimbi, mpe lunangu ke kumisa bawu bampofo.” (2 Timote 3:1-4) Beto ke na zingá “bilumbu ya nsuka” ya yinza yayi, ntangu nyonso yina bantu ke sosa kaka kuyala kizunu ke vanda mpasi.

• “Kasi kyadi na ntoto mpe na mubu! Ya tsyelika, Satana me kulumuka na sika ya beno, mpe kele ya kufuluka na nkele, samu ti yandi me zaba ti kaka ntangu fyoti me bikana na yandi.” (Luzabusu 12:12) Satana yina ba losá na ntoto ke mbeni ya Nzambi, yandi natá bantu ya nkaka na kukanisa mutindu yandi. Kana “mfumu ya yinza,” ke kaka Satana beto lenda kuzwa ve kizunu.—Yoane 12:31.

• ‘[Kimfumu ya Nzambi] ke bebisa mpe ke sukisa bimfumu nyonso [ba yina nyonso ke tumamá ve na Nzambi], mpe yawu mosi ke bikana ntangu nyonso.’ (Danyele 2:44) Kimfumu ya Nzambi, yina ke ve mutindu bimfumu ya yinza, ke lungisa nsatu ya beto ya kuvanda na kizunu ya ntangu nyonso awa na ntoto.—Nkunga 145:16.