Nzambi ke kwandi bantu tatu na kati ya muntu mosi?

Mvutu ya Biblia

Mabuundu mingi ya bakristo ke longá ti Nzambi ke trinité, to bantu tatu na kati ya muntu mosi. Kasi tala mambu yina ke zonzaka buku mosi (Encyclopædia Britannica): “Nzonzolo trinité ke ve na kitini ya Biblia yina ba ke bokilá Nouveau Testament, mpe dilongi ya bantu tatu na kati ya Nzambi mosi ke ve kuna. . . . Dilongi yayi kulá malembe-malembe na kati ya bamvula mingi, mpe bantu nyonso ke ve na dikanisi mosi na yawu.”

Kasi, Nzambi yina Biblia ke zonzilaka, ya ke ve na kisika na Biblia yina ke zonzá ti yandi ke bantu tatu na kati ya Nzambi mosi. Tala bamambu yina ke na kati ya baverse yayi:

‘Yehova Nzambi ya beto kele Yehova mosi kaka.’—Kulonga Misiku 6:4.

‘Nge, yina nkumbu ya nge kele Yehova, kaka nge ke Muntu ya Kulutila Zulu na ntoto ya mvimba.’—Nkunga 83:18.

‘Luzingu ya seko, ni kuzaba nge Nzambi kaka mosi ya tsyeleka, mpe kuzaba Yesu Kristo, muntu yina nge fidisaka.’—Yoane 17:3.

“Nzambi ke kaka yandi mosi.”—Bagalate 3:20.

Samu na yinki mabuundu mingi ya bakristo ke longá ti Nzambi ke bantu tatu na kati ya muntu mosi?