Apareye ya fioti yina ke na sadisá bantu na kuzwa madya ya kimpeve

Bubu yayi, Batemwe ya Yehova ke na kuzwá madya mingi ya kimpeve na nzila ya apareye yayi kuluta na ntama. Kasi na bisika mingi na yinza, mingi ya bampangi ya beto ke ve na possibilite ya kuzwa internet. Ba ya nkaka ke vandá bakote yina kuran ke ve, internet ya yimbi, ntangu ya nkaka ba ke ve na internet.

Ata faso yina, bampangi ya beto mingi na yinza mumviba lenda kuzwa bubu yayi, madya ya kimpeve na nzila ya apareye yayi. Ba vanda na internet to ve! Wa’ faso ya lenda salama?

JW Box ke apayere yina ba ke pesá na bimvuka yina internet ke mpasi. Ya ke apareye yina servise ya informatique ke sumbá, ba ke bwelá programe mosi (logiciel) na kati, mpe na manima ba ke tulá mikanda mpe bavideo yina ke na site jw.org na kati. Apareye yayi ke 40 135 fcfa to 75 dolare.

Na Salle du Royaume, bampangi ke sadilá wifi ya ba telephone ya bawu samu na kuzwa mikanda mpe bavideo na nzila ya JW Box. Ba vanda na batelefone ya ntama to ya malu-malu, bampangi ya beto lenda kuzwa mikanda mpe bavideo. Kasi ntangu bimvuka ke vandá na plase yina internet kele ve, wa’ faso ba lenda tula mikanda mpe ba video ya malu-malu na kati ya JW Box? Filiale ke fidisá ntangu nyonso baclé USB, ya 2 000 fcfa to 4 dolare yina ke na mikanda mpe bavideo ya malu-malu ya site jw.or na kati, , mpe ba ke kotisa yawu na JW Box.

Wa’ faso JW Box me sadisa bampangi ya beto? Nathan Adruandra, mpangi mosi ya bakala yina ke vandá na République Démocratique ya Congo, me zonza: “Mu vandá sosa kuzwa film, ‘O Jéhovah, ... en toi j’ai placé ma confiance’ na Souvenez-vous de la femme de Lot. Kasi mu vandá zwa ve bavideo yango, mpe ya vandá pesa munu fatigue. Bubu yayi mu lenda kuzwa bavideo yango na telefone ya munu, mpe ya ke sadisá munu na kulonga bana ya munu.”

Na Nigeria, Mpangi yina ke sadisá bimvuka samu na kuzwa JW Box me zonza: “Bampangi ke talá JW Box faso dikabu yina me katuka na Yehova. Ba ke na vrai kilengi na yina ba lenda kuzwa faso ba zola, mikanda na bavideo ya panoplie d’enseignant.”

Ba me kabula ba-apareye yayi kuluta 1 700 na bimvuka na Afrike, na Oceani, mpe na Amerike ya Sud, mpe ba ke na kontinye kudila yawu na bimvuka mingi. Mbongo ya kusumba ba-apareye yayi ke katuká wa’ kote? Ya ke katuká na makabu yina bantu ke pesá na ntima mosi, samu na kutula diboko na kisalu ya predikasion na yinza nyonso. Bantu ke pesá makabu yango na nzila ya donate.jw.org. Beto ke na vutulá beno matondo mingi samu na makabu ya beno.