Bantu 8 vuukaka

Nowe, dikanda ya yandi, mpe bibulu kotaka na kati ya masuwa. Yehova kangaka mwelo ya masuwa mpe mvula bandaka kunoka. Mvula vandaka ngolo mingi. Na yawu, masuwa bandaka kupepa na zulu ya maza. Na manima, maza dyamisaka ntoto nyonso. Bantu yina bikanaka na ngaanda ya masuwa, bawu nyonso kufwaka. Kasi Nowe na dikanda ya yandi vuukaka. Kanisa ntete na kilengi yina vandaka na bawu samu ba tumamaka na Yehova!

Mvula nokaka na kati ya bilumbu 40 mpe bampimpa 40, mpe na manima, ya manisaka. Malembe-malembe maza bandaka kuyuma. Mpe masuwa telamaka na zulu ya bamongo. Nowe na dikanda ya yandi lendaka ve kubasika na masuwa samu maza vandaka ntete mingi bisika nyonso.

Malembe-malembe, maza vanda yuma. Na yawu, Nowe na dikanda ya yandi bikanaka na kati ya masuwa, mpe ba lutisaka mvula mosi na mwa bangonda kuna. Na manima, Yehova zonzaka na bawu na kubasika na masuwa. Ya vandaka mutindu ba kumaka na ntoto ya malu-malu. Ba vutulaka matondo na Yehova samu yandi vuukisaka bawu, mpe ba lakisaka kilengi ya bawu ntangu ba pesaka munkayulu na Yehova.

Yehova sepelaka na munkayulu yina. Yandi zonzaka ti yandi lenda sadila dyaka ve mvula ya nene samu na kufwa bima nyonso na zulu ya ntoto. Samu na kuzimbana ve mambu yina yandi zonzaka, yandi basisaka mukyama (arc-en-ciel) na mbala ya ntete na zulu. Nge me talaka kwandi mukyama?

Na manima, Yehova zonzaka na Nowe na dikanda ya yandi na kubuta bana mpe na kufulusa ntoto.