BIBLIOTEK Watchtower NA INTERNET
Watchtower
BIBLIOTEKE NA INTERNET
Kituba
  • BIBLIA
  • MIKANDA MPE BABUKU
  • BALUKUTAKANU
  • lfb kileso 43 p. 104
  • Disumu ya mfumu Davidi

Nge lenda kuzwa ve video awa.

Kima mosi me simba ve ntangu nge vanda baka video.

  • Disumu ya mfumu Davidi
  • Benda bileso na masolo ya Biblia
Benda bileso na masolo ya Biblia
lfb kileso 43 p. 104
Mbikudi Natani ke na pesaka Davidi malongi

KILESO 43

Disumu ya mfumu Davidi

Ntangu Sawule kufwaka, Davidi kumaka mfumu. Yandi vandaka na bamvula 30. Na manima ya kuvanda mfumu na kati ya mwa bamvula, kilumbu mosi na mpimpa Davidi vandaka na zulu ya yinzo ya yandi, kuna yandi talaka kento mosi ya kitoko. Davidi kwizaka zaba ti nkumbu ya kento yango vandaka Bat-sheba, yandi vandaka kento ya soda mosi na nkumbu ya Uri. Davidi lombaka ba nata Bat-sheba na yinzo ya yandi. Ba vukisaka nzutu, mpe yandi kuzwaka kivumu. Davidi mekaka kubumba mambu yina yandi salaka. Yandi zonzaka na mfumu ya basoda ya yandi na kutula Uri na mantwala na mvita mpe bawu, ba vutuka manima. Na manima ntangu ba kufwaka Uri, Davidi kwelaka Bat-sheba.

Mfumu Davidi ke na sambilaka samu na mulemvo ya masumu ya yandi

Kasi Yehova vanda tala mambu nyonso ya yimbi yina vanda salama. Yinki Yehova zolaka sala? Yandi filisaka mbikudi Natani na sika ya Davidi. Natani zonzaka na yandi: ‘Mvwama mosi vandaka na mameme mingi mpe bakala mosi ya povre vandaka kaka na mwana ya dimeme mosi, yina yandi vanda zolaka mingi. Mvwama yina bakaka mwana kaka mosi ya dimeme ya muntu ya povre.’ Davidi dasukaka mpe yandi zonzaka: ‘Mvwama yina me lunga kufwa!’ Natani zonzaka na Davidi: ‘Mvwama yina ni nge!’ Ya salaka Davidi mpasi mingi na ntima, mpe yandi zonzaka na Natani: ‘Mu me sala disumu na mantwala ya Yehova.’ Disumu yina natinaka Davidi na dikanda ya yandi bamambu mingi ya mpasi. Yehova sembaka Davidi, kasi yandi kufwaka ve yandi samu Davidi vandaka muntu ya matsyeleka mpe ya kukuluka.

Davidi vanda sosa kutunga tempelo samu na Yehova, kasi Yehova soolaka mwana ya yandi Salomo samu na kutunga tempelo. Davidi bandaka kubongisa bima samu na Salomo mpe zonzaka: ‘Tempelo ya Yehova fwana kuvanda kitoko mingi. Salomo ke ntete ntwenya, kasi mu ke sadisa yandi na kubongisa bima.’ Davidi salaka dikabu ya mbongo mingi samu na kisalu ya kutunga. Yandi kuzwaka bantu yina zabaka kisalu. Yandi yonzikaka wolo, arza mpe yandi lombaka ba natina yandi bayinti ya sedre ya Tire mpe ya Sidoni. Pene-pene na lufwa ya yandi, Davidi pesaka Salomo bima yina vanda lakisa faso ba ke tunga tempelo. Yandi zonzaka: ‘Yehova me sala mu sonika bamambu yayi samu na nge. Yehova ke sadisa nge. Kuvanda ve na boma. Vanda ngolo mpe banda kisalu.’

Davidi ke na sololaka na Salomo na faso yina ba ke tunga Tempelo

“Muntu yina ke bumba mambu ya yandi ke nunga ve, kasi muntu yina ke fungula yawu mpe ke yambula yawu, ba ke wila yandi mawa.”—Bingana 28:13

Byuvu: Wapi yina vandaka disumu ya Davidi? Yinki Davidi salaka samu na kusadisa mwana ya yandi Salomo?

2 Samuele 5:3, 4, 10; 7:1-16; 8:1-14; 11:1–12:14; 1 Bansangu 22:1-19; 28:11-21; Nkunga 51:1-19

    Mikanda ya Kituba (2012-2025)
    Basika
    Kota
    • Kituba
    • Kabula
    • Soola yina nge zola
    • Copyright © 2025 Watch Tower Bible and Tract Society of Pennsylvania
    • Misiku samu na kusadila yawu
    • Misiku samu na kubumba yina nge ke na salaka
    • Paramètres de confidentialité
    • JW.ORG
    • Kota
    Kabula