Bamambu ya kulongoka na kitini 1

Biblia ke bandaka na disolo ya bima yina Nzambi yidikaka. Ya ke fungulaka beto meso na kutala bima ya kitoko yina Yehova yidikaka na zulu mpe na ntoto. Kana nge ke kibuti, sadisa mwana ya nge na kutala bima ya mutindu na mutindu yina Nzambi yidikaka. Lakisa yandi ti ntangu Nzambi yidikaka bantu, yandi pesaka bawu mayela mingi kuluta bibulu. Yandi pesaka bawu ngolo ya kuzonza, ya kukanisa, ya kuyidika bima, ya kuyimba mpe ya kusambila. Sadisa mwana ya nge na kutala ti Yehova ke na ngolo, yandi ke na ndwenga, yandi ke zolaka bima nyonso yina yandi yidikaka mpe mosi na mosi ya beto.