Bansangu na ba yina me kwiza

BAMPANGI YINA KE NA YAMBA BETO Bampangi yina ke na yamba beto, ke kuna samu na kusadisa beto. Mulemvo, beto landa yina ba ke zonzila beto, na yina me tadila bisika ya kutula bakaminion, bisika ya kuvanda, to mambu ya nkaka.

BATEME Ba yina ke kuzwa bateme, ke vanda na bisika ya mantwala yina ba me bumbila bawu. Ba ke kwenda vanda na bisika yango samedi na suka, tii ntangu yina ke luta Diskur ya bateme. Na ntangu ya bateme, kandida nyonso zola vanda na serviete, mpe na bilele yina ke kanga nzutu.

MAKABU Ya me lomba mbongo mingi na kubongisa bisika yina beto ke ya kuvanda, bavideo, bamicro, mpe bima ya nkaka. Nyonso yayi me salama, samu nge landa mbote-mbote, programe ya lukutakanu yayi ke kumisa nge pene-pene na Yehova. Ni makabu ya beno ke sadisa na kubongisa lukutakanu yayi, mpe samu na kusadisa bampangi na bayinza nyonso. Na yawu, ya ke na babwate na bisika mingi, yina nge lenda tula dikabu ya nge. Makabu nyonso, ya vanda ya mingi to ya fioti ke mfunu mingi. Bampangi ya kimvuka ya bantwadisi (collège central), me tonda beto mingi na makabu ya beto.

LOPITAL YA FIOTI Lopital ya fioti ke kisika yina ba ke sadisa beto kaka na maladi ya fioti.

BIMA YINA ME ZIMBANA Kana nge me lokota to nge me zimbisa kima, kwenda tala bampangi ya service yayi. Mpe na kubaka kima yina nge me zimbisa, zonzila bawu yinki ke kima yango. Tula meso ntangu nyonso na bana ya nge samu ba zimbana ve.

BISIKA YA KUVANDA Zitisa bantu ya nkaka. Beto zimbana ve ti beto lenda bumba bisika kaka samu na dikanda ya beto, ba yina me kwiza na beto, ba yina ke yinzo mosi na beto, mpe ba yina ke longoka Biblia na beto. Mulemvo ya beno, beto tula ve bima na bisika yina beto ke vandila ve.

BA YINA ZOLA KUSALA Kana nge zola kuvanda mosi ya bayina ke sala na lukutakanu yayi, kwenda pesa nkumbu ya nge na service “volontaires.”

RENION YA MFUNU LEKOLE YINA BA ME BOKILA

“ECOLE POUR EVANGELISATEUR DU ROYAUME” Bapionier yina ke na bamvula 23 tii 65, yina ke na nsatu ya kusala mingi na kisalu ya kusamuna, ba me bokila bawu na renion ya lekole yayi na kilumbu ya lumingu na manima ya midi. Ba ke zonzila kisika mpe ntangu yina ya ke salama.