Mabuundu ya luvunu ke natá bantu ntama na Nzambi

Nzambi ke luzolo, kasi samu na yinki mabuundu yina ke zonzá ti ba ke sambilá Nzambi ke salá mambu ya yimbi? Ya ke samu ti ya ke mabuundu ya luvunu. Yinki ke lakisaka yawu? Wa’ faso Nzambi ke talá mabuundu ya luvunu? Mpe yinki yandi ke sala bawu?

1. Wa’ faso malongi ya mabuundu ya luvunu ke natá bantu ntama na Nzambi?

Mabuundu ya luvunu me “balula butsyelika ya Nzambi na luvunu.” (Baroma 1:25) Na kifwani, mingi ya bawu ke longá ve nkumbu ya Nzambi. Kasi Biblia ke zonzá ti beto fwana kusadila nkumbu ya Nzambi. (Baroma 10:13, 14) Ba ke longá mpe ti ntangu mambu ya yimbi ke kuminá beto, ya ke vandá luzolo ya Nzambi. Kasi ya ke luvunu, samu mambu ya yimbi ke katuká ve na Nzambi. (Tanga Zaki 1:13.) Ya ke kyadi na kutala ti, bamambu ya luvunu nyonso yayi ke salá ti ya vanda mpasi na bantu na kuzola Nzambi.

2. Wa’ faso bansalulu ya mabuundu ya luvunu ke natá bantu ntama na Nzambi?

Mabuundu ya luvunu ke bakilá ve bantu faso Yehova. Biblia ke zonzá ti “Masumu ya [bawu] me kuma mingi mpe ya me fuluka tii na mazulu.” (Luzabusu 18:5) Banda ntama, mabuundu ya luvunu ke kotá na mambu ya politique. Ba ke sadisá mpe ke sakumuná basoda yina ke kwendá na kunwana. Ni yawu natiná bantu mingi lufwa. Bamfumu ya nkaka ya mabuundu ke zolá kuvanda na luzingu ya bantu ya mbongo. Na yawu, ba ke lombá mbongo na bilandi ya bawu samu ba lenda kunata luzingu yina. Bansalulu ya faso yayi me lakisa ti ba me zaba ve Nzambi, mpe ba me lunga ve kulonga mambu ya Nzambi.—Tanga 1 Yoane 4:8.

3. Wa’ faso Nzambi ke talá mabuundu ya luvunu?

Kana ndyatulu ya mabuundu ya luvunu ke pesá nge nkele, yinki ya ke salá Yehova? Ya ke nyongisaka yandi mpe ya ke pesaka yandi nkele ya kulutila. Samu Yehova ke zolá mpe bantu, yandi me zonza ti yandi ke kufwa mabuundu ya luvunu mpe “bantu ke tala dyaka ve yawu.” (Luzabusu 18:21) Ntangu me bikana kaka fioti, Nzambi ke sala ti mabuundu ya luvunu vanda dyaka ve.—Luzabusu 18:8.

SOSA KUZABA MBOTE-MBOTE

4. Nzambi ke ndimá ve mabuundu nyonso

Bantu mingi ke kanisá ti mabuundu nyonso kele banzila yina ke natá na Nzambi. Kasi ya ke kwandi faso yina? Tanga Matayi 7:13, 14, mpe na manima beto zonzila kyuvu yayi:

• Yinki Biblia ke zonzá samu na nzila yina ke natá na luzingu?

Tala VIDEO, mpe na manima beto zonzila kyuvu yina ke landa.

VIDEO: Nzambi ke ndimá kwandi mabuundu nyonso?—Ndambu (3:22)

• Biblia ke zonzá kwandi ti mabuundu mingi ke pesá Nzambi kilengi?

5. Mabuundu ya luvunu ke landá ve luzolo ya Nzambi

Mambu mingi ke na lakisá ti mabuundu ya luvunu me lunga ve kulonga mambu ya Nzambi. Ba ke lakisaka yawu pwelele ntangu ba ke sakumuná basoda yina ke kwendá na guerre. Na kifwani, tala VIDEO. Mpe na manima beto zonzila kyuvu yina ke landa.

VIDEO: Mambu yina mabuundu salá na ntangu ya 2^ème Guerre mondiale (2:22)

• Yinki mabuundu mingi salaka na ntangu ya Deuxieme Guerre mondiale?

• Yinki nge na kanisá na mambu yina ba salaka?

Tanga Yoane 13:34, 35 na 17:16. Mpe na manima beto zonzila byuvu yayi:

• Na nge, yinki ya ke salá Yehova ntangu mabuundu ke kotá na mambu ya guerre?

• Ni mabuundu ya luvunu ke na manima ya mambu mingi ya yimbi. Yinki ke na lakisaka ti ba ke landá ve luzolo ya Nzambi?

6. Nzambi ke na nsatu mingi ya kusadisa bantu na kubasika na mabuundu ya luvunu

Tanga Luzabusu 18:4,a mpe na manima beto zonzila kyuvu yayi:

• Yinki ya ke na salá nge na kuzaba ti Nzambi me zola kusadisa bantu yina mabuundu ya luvunu ke na vunaka?

7. Kubika ve kulongoka na kuzaba Nzambi ya tsyeleka

Bamambu ya yimbi yina mabuundu ya luvunu ke zonzá mpe ke salaka, zolá soba kwandi faso ya nge ya kutala Nzambi? Kanisa na mwana yina ke na tumamá ve na tata ya yandi. Yandi me bika yinzo mpe me kwenda vanda kisika ya nkaka, mpe kuna yandi me banda kusala bamambu ya yimbi. Kasi tata me sepela ve na bansalulu ya mwana yina. Samu na yinki ya ke vanda ve mbote na kungala tata samu na mambu ya yimbi yina mwana ya yandi ke na salaka?

• Ya ke vanda kwandi mbote na kungala Yehova, mpe na kubika kulongoka Biblia samu na bamambu ya yimbi yina mabuundu ya luvunu ke na salaka?

NA BUNKUFI

Mabuundu ya luvunu me bonga ve kulonga mambu ya Nzambi, samu malongi ya bawu ke ya luvunu mpe ndyatulu ya bawu kele ya yimbi. Yehova ke kufwa mabuundu ya luvunu.

Mambu ya kusimba

• Nge me kanisa yinki na mambu yina mabuundu ya luvunu ke longá mpe ke salaka?

• Wa’ faso Yehova ke talá mabuundu ya luvunu?

• Yinki Yehova ke sala na mabuundu ya luvunu?

SOSA KUZABA DYAKA

Longoka bafaso zole yina mabuundu mingi ke nyongisá Nzambi.

“Mabuundu nyonso ke kwandi faso mosi? Bawu nyonso ke natá kwandi na Nzambi?” (Tanga yawu na jw.org)

Samu na yinki Yehova zola beto vukana na bampangi samu na kusambila yandi?

“Ya ke kwandi mbote na kuvanda na dibuundu?” (Tanga yawu na jw.org)

Mambu yina vandá salama na kati ya dibuundu ya bawu, vanda kwamisa mupelo mosi. Kasi ya kangá ve yandi nzila na kulongoka matsyeleka na yina me tadila Nzambi.

“ Pourquoi un prêtre a quitté son Église ” (Réveillez-vous !, Février 2015)

Banda ntama, na malongi ya bawu, mabuundu ke lakisá ti Nzambi ke ntama na beto mpe yandi ke muntu ya yimbi. Longoka matsyeleka na bafaso 3 yina ba ke vunaka bantu.

“ Des mensonges qui empêchent d’aimer Dieu ” (La Tour de Garde, 1^er Novembre 2013)