KUVUTUKILA KUTALA MUNTU
KILESO 9
Vanda na kisika ya bantu
Malongi: “Beno yangalala na bayina ke na kilengi, mpe beno dila na bayina ke na kudila.”—Rom. 12:15.
Yinki Yesu salaka
1. Tala VIDEO, to tanga Marke 6:30-34. Na manima, kanisa na byuvu yayi:
Samu na yinki Yesu mpe bantumwa vanda sosa kuvanda ‘kisika yina bantu vandaka ve’?
Yinki nataka Yesu na kulonga bantu mingi?
Yinki beto lenda longoka na kifwani ya Yesu?
2. Kuvanda na kisika ya bantu ke nataka beto na kusosa ve kaka na kukabula bawu nsangu ya mbote, kasi mpe na kusadisa bawu.
Landa kifwani ya Yesu
3. Kuwa na dikebi nyonso. Bika muntu zonza. Kuzenga ve yandi mpe kuwa yandi mbote-mbote ntangu yandi ke na zonzaka makanisi ya yandi, bamambu yina ke na yandi na ntima to malongi yina yandi ke na ndimaka ve. Kuteka yandi dikebi ke lakisa ti bamambu ya yandi ke mfunu samu na nge.
4. Kanisa mingi na muntu yina me ndima kuwa nsangu ya mbote. Na manima ya masolo ya beno, nge lenda kukiyufula:
‘Samu na yinki yandi ke na nsatu ya kuwa matsyeleka?’
‘Wa’ faso kulongoka Biblia lenda bongisa luzingu ya yandi bubu yayi mpe na bilumbu yina ke kwiza?’
5. Lakisa yandi bamambu yina ke na kwelanaka na bansatu ya yandi. Kuvingila ve mingi na kulakisa yandi faso kulongoka Biblia lenda sadisa yandi na kuzwa bamvutu na byuvu ya yandi mpe kubongisa luzingu ya yandi.