KUBANDA MASOLO
KILESO 1
Kanisa na bantu
Malongi: “Muntu yina ke zolaka bampangi . . . kele ve na munimi.”—1 Ko. 13:4, 5.
Yinki Yesu salaka
1. Tala VIDEO, to tanga Yoane 4:6-9. Na manima, kanisa na byuvu yayi:
Tekila Yesu banda disolo, yinki yandi talaka na kento yina?
Yesu zonzaka: “Pesa munu maza ya kunwa.” Samu na yinki ya vandaka faso ya mbote na kubanda disolo?
Yinki beto lenda longoka na kifwani ya Yesu?
2. Masolo lenda vanda kitoko kana beto banda na bamambu yina bantu ke zola kuzonzila.
Landa kifwani ya Yesu
3. Zaba kusoba masolo. Samu na kubanda masolo, kukangama ve kaka na mambu yina nge bongisaka. Banda masolo na mambu yina bantu me vumbuka na yawu na yintu. Kanisa mwa fioti:
‘Wapi yina ke bansangu ya malu-malu yina bantu ke na zonzilaka?’
‘Wapi yina ke bamambu bampangi ya munu ya quartier, ya kisalu to ya lukolo ke na zonzilaka?’
4. Tambusa meso samu na kusosa kuzaba muntu. Nge lenda kukiyufula:
‘Muntu yayi ke na salaka yinki? Na yinki yandi ke na kanisaka?’
‘Kulwata ya yandi, yinzo ya yandi, ndinga ya yandi to bima ya nkaka yina mu me tala na yandi ke na lakisaka munu yinki? Ya lenda sadisa kwandi munu na kuzaba dibuundu ya yandi to kisika yina yandi me katuka?’
‘Yayi ke kwandi ntangu ya mbote ya kusolola na yandi?’
5. Kuwa.
Kuzonza ve mingi.
Nata muntu na kubasisa makanisi ya yandi. Kana ya ke vanda mbote, sadila mwa byuvu.