Sala masolo

Yinki Filipe salaka

VIDEO: Filipe ke na samunaka bakala mosi ya bwala ya Ityopi

1. Tala VIDEO, to tanga Bisalu 8:30, 31. Na manima, kanisa na byuvu yayi:

1. Wa’ faso Filipe bandaka disolo?

2. Samu na yinki ya vandaka faso ya mbote ya kubanda disolo mpe kulonga mambu ya malu-malu?

Yinki beto lenda longoka na kifwani ya Filipe?

2. Kana beto bika disolo kwenda faso ya ke na kwendilaka, ya lenda sala ti muntu vanda ve na nsoni mpe boma. Ya lenda nata mpe yandi na kuwa beto na kilengi.

Landa kifwani ya Filipe

3. Tala mbote-mbote. Nge lenda zaba mingi na muntu kana nge tala mbote-mbote kizizi ya yandi mpe faso ya yandi ya kuvanda. Ya ke na talanaka kwandi ti muntu yayi ke na nsatu ya kusolola na nge? Samu na kubanda disolo na mambu mosi ya Biblia, nge lenda yufula: “Ya me kwizilaka nge na kukanisa ti . . . ?” Kana muntu ke ve na nsatu ya kusolola na nge, bika.

4. Zaba kuvingila. Kutala ve ti masolo nyonso fwana kubanda kaka na dikanisi ya Biblia. Bika disolo kwenda ya yawu malembe-malembe tii ntangu nge ke tala ti ya lenda vanda mbote na kuzonzila mambu ya Biblia. Kana ya simba ve, nge lenda meka dyaka kilumbu ya nkaka.

5. Ndima kusoba disolo. Muntu lenda nata disolo na mambu yina nge kanisaka ve. Ndima kuzonzila yandi mambu yina ke mfunu samu na yandi, ata ya ke sosa nge zonzila malongi ya Biblia yina nge kanisaka ve.