Lakisa ntima ya mbote

Yinki Yesu salaka

VIDEO: Yesu ke na belusaka bakala ya meso ya kufwa

1. Tala VIDEO, to tanga Yoane 9:1-7. Na manima, kanisa na byuvu yayi:

1. Yinki Yesu salaka ntete: kubelusa bakala ya meso ya kufwa to kukabula yandi nsangu ya mbote?​—Tala Yoane 9:35-38.

2. Samu na yinki mutindu Yesu bakilaka muntu yayi salaka ti yandi ndima na kilengi nyonso nsangu ya mbote?

Yinki beto lenda longoka na kifwani ya Yesu?

2. Muntu lenda lutila kusepela na kuwa nsangu ya mbote yina beto ke natina yandi, kana yandi tala ti beto ke na lakisaka yandi ntima ya mbote.

Landa kifwani ya Yesu

3. Vanda na kisika ya muntu. Kanisa na mambu yina lenda vanda na yandi na ntima.

1. Kanisa mwa fioti: ‘Wapi bamambu yandi lenda vanda na yawu? Yinki lenda vanda mfunu samu na yandi?’ Ya ke sadisa nge na kulakisa yandi ntima ya mbote.

2. Kuwa muntu mbote-mbote samu na kulakisa yandi ti bamambu ya yandi ke mfunu samu na nge. Kana yandi ke na zonzilaka nge dikanisi ya yandi na kima to mambu yina ke na kwamisaka yandi, kusoba ve disolo.

4. Lakisa ntima ya mbote mpe buzitu na faso ya nge ya kuzonza. Faso ya nge ya kuzonza ke lakisa ti nge ke na talaka mpasi ya muntu mpe ti ya tsyeleka nge ke na nsatu ya kusadisa yandi. Soola mbote-mbote bamambu ya kuzonzila yandi, zonza yawu na mutindu ya mbote mpe keba na kuzonza bamambu yina lenda dasukisa yandi.

5. Pesa lubakusu. Sosa kusala nyonso na kusadisa muntu yina ke na nsatu ya lubakusu. Kusala mambu ya mbote na muntu lenda fungula nzila na disolo.