Sala nyonso

Yinki Yesu salaka

VIDEO: Yesu ke na longaka Nikodemi

1. Tala VIDEO, to tanga Yoane 3:1, 2. Na manima, kanisa na byuvu yayi:

1. Ntangu ya nkaka, samu na yinki Nikodemi soolaka kukwenda tala Yesu na mpimpa?​—Tala Yoane 12:42, 43.

2. Na mutindu yandi yambaka Nikodemi na mpimpa, wa’ faso Yesu lakisaka ti yandi vandaka ya kukubama na kusala nyonso samu na kukumisa bantu bilandi?

Yinki beto lenda longoka na kifwani ya Yesu?

2. Beto ke lakisaka ti beto ke zolaka bantu na kundimaka kusala nyonso samu na kusadisa bawu na kukuma bilandi.

Landa kifwani ya Yesu

3. Longoka na muntu na ntangu mpe na kisika yina ke mbote samu na yandi. Ya lenda vanda ti yandi ke na kilumbu to ngunga yina yandi ke zola kulongoka. Wapi kisika yandi ke sepela na kulongoka: na yinzo ya yandi, na kisika yina yandi ke salaka, to na kisika yina bantu ke mingi? Sala nyonso na kuyidika ntangu ya nge samu na kulongoka na muntu na ntangu mpe na kisika yina ke mbote samu na yandi.

4. Longoka na muntu balumingu nyonso. Kana nge ke vanda ve, kunata ve kulongoka ya beno na lumingu ya nkaka. Na kisika ya kusala mutindu yina, kanisa na yinki nge lenda sala:

1. Nge lenda longoka na yandi na kilumbu ya nkaka ya lumingu?

2. Nge lenda longoka na yandi na telefone to na vidéoconférence?

3. Nge lenda lomba na mpangi ya nkaka na kulongoka na yandi?

5. Sambila samu na kutala bamambu na faso ya mbote. Lomba na Yehova na kusadisa nge na kulemba ve, ata ti muntu yina ke na longokaka na nge ke na lendaka ve kulongoka balumingu nyonso to kusadila malongi ya Biblia. (Flp. 2:13) Ya lenda vanda ti ya ke na bamambu ya mbote yina yandi ke salaka. Sambila samu na kutula makanisi ya nge na bamambu yango.