Nge me yidama kwandi na mantwala ya bampasi yina mindondo ya bwala (troubles civils) ke nataka?

Beto me zaba ti yina beto ke na kwendá na nsuka ya yinza yayi, mindondo na kati ya bwala, bubandi, mpe bamvita (guerres) ke kuma mingi. (Luz 6:4) Wapi mutindu beto lenda vanda ya kuyidama samu na bamambu nyonso yayi?

• Vanda ya kuyidama na kimpeve: Zaba misiku mpe masolo ya Biblia yina ke kumisa dyaka kiminu ya nge ngolo na Yehova mpe na organisation ya yandi. Mpe masolo yina ke sadisa nge na kubaka ve kisika ya kimvuka mosi mpe kuyiina kimvuka ya nkaka. (Bin 12:5; jr-F 125-126 § 23-24) Yayi ke ntangu ya kutunga kindiku ya ngolo na bampangi ya kimvuka.—1Pi 4:7, 8

• Vanda ya kuyidama samu na kubumba mbote luzingu ya nge mpe santé ya nge: Yidika bamambu samu na kubumba mbote mavimpi (santé) ya nge kana nge lenda basika ve na yinzo ya nge. Mpe yidika bima yina nge ke vanda na yawu nsatu, faso madya, maza mpe bima ya nkaka. Dyaka, yidika bamambu samu na kuzaba kisika nge lenda kima kana mambu kubwa. Tadila dyaka bima yina ke na sac ya kutula bima ya mfunu samu na ntangu ya mpasi, faso kima ya kudya, maza, couverture, mbongo, mpe bima ya nkaka. Vanda na numéro yina nge lenda bokila bakuluntu, mpe sala nyonso samu bakuluntu mpe vanda na numéro yina ba lenda bokila nge.—Iza 32:2; g17.5-F 3-7

Ntangu mindondo ke vandá na bwala bumba bifu ya mbote ya kimpeve. (Flp 1:10) Kwenda kisika yina nge ke sala mambu ya mfunu, kasi kutambula ve kidi-kidi. (Mt 10:16) Kabula na bampangi madya mpe bima ya nkaka yina nge ke na yawu.—Rom 12:13.

LUTISA VIDEO NGE ME YIDAMA KWANDI SAMU NA BAMAMBU YA MPASI YINA LENDA SALAMA KISIKA NGE KELE? MPE NA MANIMA YUFULA BYUVU YAYI:

• Wapi mutindu Yehova lenda sadisa beto na kati ya bantangu ya mpasi?

• Wapi bamambu beto lenda sala samu na kuyidama mbote-mbote?

• Wapi mutindu beto lenda sadisa bampangi yina mipepe ya ngolo, bamvula ya ngolo, mpe bamambu ya nkaka me natina bampasi?