Sosa kuzaba dikanisi ya Nzambi

Beto zola kusepelisa Yehova na bamambu nyonso yina beto ke salaka. (Bin 27:11) Na kusala yawu, beto me bonga kubaka mikanu yina ke kwelaná na dikanisi ya Yehova, ata na ntangu ya ke ve na musiku yina ke zonzá pwelele yinki ya kusala. Yinki lenda sadisa beto?

Vanda na kifu ya kulongoká Biblia. Ntangu nyonso beto ke tangá Biblia, ya ke mutindu beto ke na lutisá ntangu na Yehova. Kutanga mutindu Yehova bakilá dikanda ya yandi, mpe bifwani ya bantu yina salá mambu ya mbote to ya yimbi na tadisi ya Yehova, ke sadisa beto na kuzaba wapi mutindu yandi ke tadilá bamambu. Ntangu beto ke vanda na nsatu ya kubaka mukanu, mpeve ya santu lenda bambula beto bileso ya mfunu mpe malongi yina ke na manima ya misiku yina beto longokaka.—Yn 14:26.

Sosa na mikanda ya beto. Ntangu nge ke na mukanu ya kubaka, yufula: ‘Wapi baverse to masolo ya Biblia lenda sadisa munu na kuzaba dikanisi ya Yehova na mambu yayi?’ Sambila Yehova sadisa nge. Mpe sadila bima yina kimvuka ya Yehova me pesa na ndinga ya nge samu na kusosa malongi ya Biblia yina nge lenda sadila samu na mambu yina ke na nge.—Nku 25:4.

TALA VIDEO BETO ME FWANA ‘KUKIMA TII NA NSUKA’—KUDYA MBOTE, MPE NA MANIMA PESA MVUTU NA BYUVU YAYI:

• Wapi bamambu ya mpasi mpangi ya ntwenya yayi kutaná na yawu?

  Your answer

• Wa’ faso bima yina beto ke sadilá samu na kusosa lenda sadisa nge ntangu nge ke kutaná na bamambu ya mutindu yayi?

  Your answer
• Wapi bambote beto ke kuzwá ntangu beto ke baká ntangu ya kusosa mpe ya kulongoka beto mosi samu na kubaka mikanu ya mbote?—Ebr 5:13, 14
  Your answer