BIMVWAMA YA BIBLIA

“Ntima ya munu ke vanda ntangu nyonso kuna”

Yehova soolá tempelo (2Ns 7:11, 12)

Ntangu Yehova zonzá ti ntima ya yandi ke vanda ntangu nyonso kuna, yandi vandá sosa kuzonza ti yandi ke tula meso na bamambu nyonso yina zolá salama na tempelo (2Ns 7:16; w02-F 15/11 5 §1)

Kana bantu ya Izraele bika kutambula na nzila ya Yehova ‘na ntima ya bawu ya mvimba,’ Yehova ke bika ba mwangisa tempelo (2Ns 6:14; 7:19-21; it-2-F 1048)

Collage: Bima yina beto ke salá samu na kusambila Yehova. 1. Mpangi ya bakala ke na sambilaka. 2. Mpangi ya kento ke na pesá mvutu na lukutakanu. 3. Bampangi ya kukwela ke na samunaka. 4. Mpangi ya bakala ke na salá bumkete na Yinzo ya Kimfumu. 5. Mpangi ya bakala ke na salá kulongoka ya dikanda na kento ya yandi mpe bana ya yandi zole. 6. Mpangi ya kento ke na tangá Biblia. 7. Mpangi ya kento ke na tulá mbongo na kisika yina ba ke tulá makabu.

Ntangu ba fungulá tempelo, ntangu ya nkaka bantu ya Izraele vandá kanisa ti bawu mpe, ntima ya bawu zolá vanda ntangu nyonso na tempelo, ya zola zonza ti ba zolá sala nyonso samu na kusambila Yehova na mutindu ya mbote. Mambu ya kyadi ke ti, malembe-malembe tiya yina vandá na bawu na kusambila Yehova, vandá kufwa.

NGE LENDA YUFULA: ‘Wapi mutindu mu ke na lakisá ti mu ke tulá ntima ya munu nyonso na bamambu yina mu ke salá samu na kusambila Yehova?’