Mfumu Salomo ke na talá mutindu kisalu ya kutunga yinzo ya Nzambi ke na kwendá na mantwala

BIMVWAMA YA BIBLIA

Ba tulá ntima mpe ba pesá bima ya mfunu

Salomo sadilá bima ya kulutila mbote mpe ya ngolo samu na kutunga yinzo ya Nzambi (1Mf 5:6, 17; w11-F 1/2 15)

Bantu mingi tulá diboko na kisalu yango (1Mf 5:13-16; it-1-F 411 § 1; it-2-F 1047 § 5)

Na kati ya bamvula sambwadi (7) Salomo na bantu ya yandi salá mingi samu na kumanisa kisalu yina (1Mf 6:38; tala kizizi ya zulu ya mukanda)

Samu Salomo na bantu ya yandi tulá ntima ya bawu nyonso na kisalu yina, ba lendá kutunga yinzo ya kitoko samu na kukembila Yehova. Mambu ya kyadi ke ti, ba yina kwizá na manima, lembá na kukembila Yehova. Ba kipeke ve yinzo ya Yehova, mpe na manima, ba mwangisak’ yawu.

Bampangi ya kento na ya bakala ke na sukulá Yinzo ya Kimfumu na kilengi nyonso. Ba ya nkaka ke na tulá mbongo na caisse ya makabu, ba ya nkaka ke na sololaka, mpe ba ya nkaka ke na yidiká mikanda.

KANISA MWA FIOTI: ‘Yinki mu ke na salá samu na kulemba ve na kubumba tiya ya munu na kisalu ya Yehova?’