Mivungi yina ke salá nyonso samu na kusadisa dikanda ya Yehova

Bantu mingi na yinza yayi ke talá na faso ya yimbi ba yina ke twadisaka. Ya lenda vanda ti ba ke sadilá lutumu ya bawu na faso ya yimbi to samu na kusala mambu ya yimbi. (Mik 7:3) Kasi ni faso yina ve na kimvuka ya Yehova. Beto ke vutulá matondo mingi na bakuluntu yina ke salá kisalu ya bawu na faso ya mbote, mpe bisadi ya Yehova ke sepelá na yawu.​—Est 10:3; Mt 20:25, 26.

Bakuluntu ke ve mutindu bamfumu ya yinza yayi, samu ti ni luzolo ya bawu samu na Yehova mpe samu na bisadi ya yandi ke natá bawu na kusala samu na bampangi. (Yoa 21:16; 1Pi 5:1-3) Mivungi ke landá nzila ya Yesu, ntangu ba ke sadisá bampangi nyonso na kuzaba ti ba ke na dikanda ya Yehova mpe ba lenda vanda pene-pene na yandi. Na mbangu nyonso, ba ke pesá ngolo na mameme ya Nzambi mpe ke sadisá bawu ntangu ba ke kutaná na bamambu ya mpasi mutindu kimbevo, mipepe ya ngolo to bamvula ya nene. Kana nge ke na nsatu ya lubakusu, kuvanda ve na boma ya kulomba yawu na kuluntu mosi ya kimvuka.​—Zk 5:14.

TALA VIDEO MIVUNGI YINA KE KIPEKE MAMEME, MPE NA MANIMA PESA MVUTU NA BYUVU YAYI:

• Wa’ faso bakuluntu sadisá Mariana?

  Mvutu ya nge

• Wa’ faso bakuluntu sadisá Elias?

  Mvutu ya nge

• Na manima ya kutala video yayi, yinki nge me kanisa na kisalu yina bakuluntu ke salaka?

  Mvutu ya nge