Lubakusu samu na kulongoka

Wapi mutindu kulanda bamambu yina ba me kwiza kubongisa na yina beto zabaka

Ya ke bweso ya nene na beto na kuzinga na ntangu yina Yehova ke na sadisá beto na kubakula malembe-malembe Biblia na mutindu ya mbote. (Dan. 12:4) Ata mutindu yina, ya lenda vanda mpasi na beto na kulanda bamambu yina ba me bongisa na kutala matsyeleka yina beto zaba na Biblia. Wapi kisika beto lenda kuzwa bamambu yango yina ba me bongisa?

• Na Index des publications des Témoins de Jéhovah, kota na “éclaircissements doctrinaux” nge ke kuzwa bamambu nyonso yina ba kwizá bongisa mpe bamvula ya yawu. Na kifwani, samu na kuzwa bamambu yango, sonika “éclaircissements doctrinaux” (sala na ba guillemets) na kisika yina ba ke sosaka na Watchtower Library to na Watchtower BIBLIOTEKE NA INTERNET.

• Na Buku ya kusosa samu na Bambangi ya Yehova ba yidiká bamambu na ba yintu dyambu. Nge lenda kota na “ Témoins de Jéhovah,” “Croyances, convictions,” mpe “Compréhensions affinées.”

Samu na kulongoka ya nge mosi, soola bamambu yina ba me bongisa ntama mingi ve mpe sosa samu na yinki ba sobak’ yawu.