Benda bileso na bizizi

Mikanda ya beto ke ya kufuluka na bizizi yina ke longaka beto bileso ya mfunu. Wa’ faso nge lenda benda bileso na bizizi yango?

• Tala bizizi tekila nge tanga disolo. Ya lenda simba ntima ya nge mpe kunata nge na kusosa kutanga disolo. Ntangu beto ke talaka madya ya kitoko, beto ke vandaka na “nsatu ya ngolo” ya kudya yawu. Na yawu, nge lenda yufula: ‘Yinki mu ke na talaka?’—Amo. 7:7, 8.

• Ntangu nge ke na tangaka disolo, kanisa samu na yinki ba me tula bizizi. Tanga masonoko yina ke na yisi ya bizizi mpe yina kizizi ke na lakisaka. Tala wa’ faso kizizi ke na kwelanaka na bamambu yina paragrafe ke na zonzaka mpe wa’ faso nge lenda sadila yawu na luzingu ya nge.

• Na manima ya kutanga disolo, tala dyaka bizizi mpe sadila yawu samu ya sadisa nge na kubambuka moyo bamambu ya mfunu yina nge me tanga. Kanga meso mpe meka kusosa kubambuka moyo bileso ya konso bizizi.

• Ya ke vanda mbote, nge tala dyaka bizizi ya mukanda yayi, mpe kutala kana nge ke na bambukaka dyaka moyo bamambu ya mfunu yina ya vanda longa.