Bongisa ntima ya nge

Ntangu beto ke na longokaka Biblia, beto ke na nsatu ti bamambu yina beto ke na longokaka simba ntima ya beto. Esdrasi ke kifwani ya mbote na yina me tadila yawu samu ti yandi “vwandaka pesa ntima ya yandi nyonso samu na kulongoka misiku ya [Yehova].” (Esd. 7:10) Wa’ faso beto lenda sala yawu?

Sambila. Sala lusambu tekila nge banda kulongoka. Lomba Yehova sadisa nge na kubakula mpe na kusadila bamambu yina nge ke longoka.—Nku. 119:18, 34.

Vanda ya kukuluka. Nzambi ke bumbaka mambu ya yandi na bantu yina ke na lulendo to ba yina ke tulaka ntima na mayela ya bawu mosi. (Luke 10:21) Mpe beto me fwana ve kulongoka samu na kulakisa na bampangi ti beto me zaba bamambu mingi. Na kukuluka nyonso, beto soba dikanisi ya beto kana ya ke na kwelanaka ve na ya Biblia.

Kuwa mosi ya banzimbu ya beto. Banzimbu lenda sadisa beto na kubongisa bantima ya beto. Kana nge kuwa banzimbu ya beto tekila nge banda kulongoka, ya ke sadisa nge na kutula makanisi ya nge na Yehova, mpe ya ke sala ti bamambu yina nge ke longoka simba ntima ya nge.