Longoka na dikanisi ya kukabula bamambu yina nge ke na longokaka

Kulongoka Biblia ke pesaka beto ngolo. Kasi kukabula bamambu yina beto ke longokaka na bampangi, ke pesaka beto ngolo ya kulutila samu ya ke sadisaka beto na kukuma pene-pene na Yehova. Bingana 11:25 ke zonzaka: ‘Muntu yina ke pesaka ba ya nkaka ngolo, ba ke pesa yandi ngolo.’

Na ntangu beto ke kabulaka bamambu yina beto me longoka na bampangi, ya ke sadisaka beto na kuzimbana ve yawu na mbangu, mpe ya ke bakisaka beto na kuzaba dyaka ya kulutila na yina me tadila mambu yango. Samu ti bamambu yina beto me longoka lenda sadisa mpe bampangi, ya ke sepelisaka beto na kukabula yawu na bawu.—Bis. 20:35.

Meka: Lumingu yina ke landa, sosa kukabula na muntu ya nkaka mambu yina nge me longoka na Biblia. Ya lenda vanda muntu ya dikanda ya nge, mpangi ya kimvuka, muntu yina ke salaka na nge, mpangi ya lekole, muntu mosi yina ke vandaka kisika mosi na nge, to yina nge me kutana na kisalu ya kusamuna. Na ntangu nge ke zonzila yawu, sadila nzonzolo yina ke pete.

Kuzimbana ve: Nge ke kabula mambu yina nge longokaka na bampangi samu na kukindisa bawu, kasi ve samu na kulakisa ti nge me lutila bawu.—1 Kor. 8:1.