Sadila ba lettres ya fioti yina ke na zulu ya baverse

Na Mbangudulu ya Yinza ya Malu-Malu ya ke na ba lettres ya fioti yina ba me tula na zulu ya ba mots, ya ke lakisaka mutindu kitini mosi ya Biblia ke na kwelanaka na bitini ya nkaka yina lenda zonzila dyaka mingi na mambu mosi. Samu na kuzwa yawu, nge me bonga kusosa lettre ya fioti yina ke na zulu ya mot ya verse yina nge ke na tangaka. Kana nge ke na sadilaka Biblia ya mukanda, nge lenda tala lettre ya fioti yina ke na zulu ya mot ya verse, mpe sosa lettre yango na mulonga ya baverse yina ke na kati-kati ya paje. Samu na kutala yawu na jw.org to JW Library^®, nyema na lettre ya fioti yina ke na zulu mot ya verse yina nge ke na tangaka.

Ba lettres ya fioti yina ba me tula na zulu ya ba mots lenda sadisa nge na kutala bamambu mutindu:

Masolo yina ke na zonzilaka mambu mosi: Banoti yayi ke nataka beto na baverse ya nkaka yina ke na zonzilaka disolo mosi kasi, na bamambu ya nkaka. Na kifwani, tala 2 Samuele 24:1 mpe 1 Bansangu 21:1.

Mambu yina muntu mosi zonzaka: Banoti yayi ke lakisaka kisika yina ba me benda mambu yina ba me zonza. Na kifwani, tala Matayi 4:4 na Deteronome 8:3.

Kulungana ya mbikudulu: Banoti yayi ke nataka na mbikudulu mpe na kulungana ya yawu. Na kifwani, tala Matayi 21:5 na Zakari 9:9.