Lubakusu samu na kulongoka

Sosa kuzaba dyaka mingi na bifu ya mbote yina ke na Yehova

Ntangu beto ke tangá Biblia, beto lenda sosa bima yina ke sadisa beto na kuzaba mbote-mbote mambu yina beto ke na tangaka. Beto ke longoká ve Biblia kaka samu na kuzaba mambu yina ke na kati. Kasi beto ke salá mpe yawu samu beto ke na nsatu ya kuzaba dyaka mingi na yina me tadila kimuntu ya Yehova mpe na kukulisa luzolo ya beto samu na yandi. Ntangu beto ke na tangá kitini mosi ya Biblia, beto lenda kanisa: ‘Yinki mambu yina mu ke na tangá ke na longá munu na yina me tadila Yehova?’

Beto lenda sosa kutala faso luzolo, ndwenga, lunungu mpe ngolo ya Yehova ke na talaná pwelele. Kasi, kimuntu ya Yehova ke suká ve kaka na bifu ya nene yayi. Yandi ke dyaka na bifu ya nkaka. Nge lenda sosa kuzaba dyaka mingi na bifu yango.

Samu na kuzaba dyaka mingi na yina me tadila bifu ya Yehova, tala Buku ya kusosa samu na Bambangi ya Yehova (Guide de recherche pour les Témoins de Jéhovah) na kitini, “Jéhovah Dieu” mpe sosa na yinsi kisika yina ba me sonika “Qualités de Jéhovah.”