Bamambu ya kulongoka na kitini 7

Kitini yayi ke zonzila disolo ya mfumu Sawule mpe ya mfumu Davidi na kati ya bamvula 80. Na kubanda, Sawule vandaka ya kukuluka mpe na boma ya Nzambi. Kasi na manima yandi sobaka. Yehova losaka yandi, mpe na kati ya mwa bantangu, yandi lombaka na Samuele na kutula Davidi mafuta samu yandi kuma mfumu ya Izraele na manima ya Sawule. Kimbanda ya Sawule nataka yandi na kusosa kufwa Davidi bambala mingi, kasi Davidi sosaka ve kuvutula yimbi. Yonatani zabaka ti Yehova soolaka Davidi. Na yawu, yandi vandaka ya kukangama na Davidi. Davidi salaka masumu ya nene, kasi yandi ndimaka ti Yehova semba yandi. Kana nge ke kibuti, sadisa mwana ya nge na kutala mfunu ya kuvanda ntangu nyonso ya kutumama mpe ya kukangama na Yehova mpe na ba yina yandi me soola samu na kutwadisa beto.