ZINGU KIA KIKRISTU

**Sadila e Nkanda, Zinga ye Kiese Yakwele Mvu! Muna Salu kia Umbangi**

Ekwe kiese tuna kiau wau twatambwidi finkanda yo nkanda wampa muna longoka e Bibila yo wantu! Tusambanga kwa Yave kimana kasambula e ngolo zeto za kitula wantu ayingi se alongoki. (Mat. 28:18-20; 1 Kor. 3:6-9) Aweyi tusadila e nkanda miami miampa?

Wau vo nkanda, Zinga ye Kiese Yakwele Mvu! usonganga e ndekwa zampa za longela, sadila e ndekwa zazi ekolo okubikanga ye vava ofilanga e longi dia Bibila.a

Tanga e tini, i bosi badika e kiuvu
Tanga e sono yasonama vo “tanga” yo sadisa o nlongoki kabakula una kalenda yo sadila muna zingu kiandi
Nutala e video yo vana e mvutu za yuvu ina muna tini
Nuteza fokola e longi diawonso mu nkumbu mosi

Muna salu kia umbangi, kaya ntete finkanda muna zaya kana vo muntu una kikilu ye tima dia longoka. (Tala e babu, “Una tulenda Kayila finkanda, Zinga ye Kiese Yakwele Mvu! muna Moko Kiantete.”) Vava nufokola longoka e finkanda, avo nlongoki ozolele kwamanana longoka, olenda kunkayila o nkanda yo yantikila muna longi dia 4. Avo muntu olongokanga yandi umosi muna nkanda mieto mia longokela, nulenda yantika longoka o nkanda Zinga ye Kiese Yakwele Mvu! yo sola vana nuyantikila.

Akazi awaya kaka besadilanga o nkanda “Zinga ye Kiese Yakwele Mvu!” muna fila e longi dia Bibila kwa muntu muna nzo andi.

TALA E VIDEO, NGIZ’AMBOTE MUNA LONGI DIAKU DIA BIBILA, I BOSI VANA E MVUTU ZA YUVU ILENDE:

Nkia mambu alongoki belongoka muna nkanda wampa?
Ekuma ofwete songela e video yayi kwa alongoki ampa?
Nkia makani olenda kasakesa o nlongoki kayisila yo lungisa mo?—Tala e babu, “Diambu Diasina ye Kani dia Konso Kunku.”

a NKANIKINU: Kana una vo ke diasikidiswa ko vo e kunku, “Tala Mpe oma Malende” kiabadikwa, diambote mu vaula e ntangwa mu tanga yovo tala mambu mena muna kunku kiaki ekolo okubikanga. Muna mpila yayi, olenda mona vo e mambu mena mo malenda sadisa o nlongoki aku. Avo telefone yovo tablete osadilanga, olenda solola e video ye mambu mankaka mena omu nkanda wau.

DIAMBU DIASINA YE KANI DIA KONSO KUNKU
	MALONGI	DIAMBU DIASINA	MANA NLONGOKI KAFWETE LUNGISA
1	1-12	Badika una e Bibila kilenda kusadisila ye una olenda zayila Ndiona wasonekesa kio	Kasakesa o nlongoki katanganga e Bibila, kakubikanga e longi yo yantika kwenda mu tukutakanu
2	13-33	Zaya dina Nzambi kavanga muna wete dieto ye mpila nsambila ikunyangidikanga	Kasakesa nlongoki kazayisanga kwa akaka mana kelongokanga yo kituka nteleki
3	34-47	Zaya dina Nzambi kevavanga kwa asambidi andi	Kasakesa nlongoki kayekola e zingu kiandi kwa Yave yo vubwa
4	48-60	Zaya una olenda sikidila muna zola kwa Nzambi	Sadisa o nlongoki kazaya swaswanesa e mbote ye mbi yo siamisa kikundi kiandi yo Nzambi