Kodi Yaireile Chin’ni Adamu na Hava Kangavwele Satana?

Adamu na Hava katavwele Mulungu, moi kookhwa. Genesesi 3:6, 23

Hava oovwela nyowa moi oodja ipaso ya tengo oruni-iwa. Vanduli viwa, oolanda ipaso imo-i muva-a mamunae Adamu, moi naliyene oodja.

Vyevyo kapangileathuvyo vyali vyolakweya chifukwa lali chimo. Vyangaireile eno Mulungu oowatamangi-a m’Paradaizo mwemo aliwa kakalaathu.

Aliwa limo-i na a-imiwa koowambeela kala moyo ovuteya vinjinji. Vanduli viwa, aliwa kookalamba nokhwa. Aliwa kangakhwile, katadowile uilambo ya mizimu, chifukwa mwa muthu kamuli iliyetene ineyo inapitiliza kala na moyo muthuyo akhwa.

Muthu akhwa unakeda kala ngati tumbulu. Genesesi 3:19

Etene iyene ninokhwa chifukwa nili a-ima a Adamu na Hava. Athu okhwa katinawande panga iliyetene monga vwa kapena ona. — Namalaleya 9:5, 10.

Kai yolinga ya Yehova ira athu kakhwenga. Eno, chineneeva liye unoza avenyi-e athu etene anayo katatiile. Athu anayo kaza kavwela Mulungu, kanoza kakale na moyo o-omala.